Lǔkù 9:41 - Nyesoaa Kuo Win Jajle

⁴¹ È kě Jùsu dɛ̌a Ɔɔ mɔ̀ cheěn nyo je Ɔ je, “Tùonyopoà ne kekɛɛ kmɔ̌ u se tè wlò popoɛ kɔn plě dɛ kukǔ nɛ̀ jiě u měne! È tǐ tae Bo sìǐn kɛɔ a slè plě a mǐǐ kàan tè popoɛ kɔn plě wlò dbadbǎà Ě kɔnʼɔ ke bɛ toǒn kɛ jleě mǒ bo keǒ a mɔ̀?” È kě Ɔ dɛ̌a jbɛjuǒ je Ɔ je, “Jaǎ nè jǔǒ.”

Lǔkù 9:41 ပူးပေါင်းရင်းမြစ်များ

Matiɔ̌n 11:28

È aa wùɛ ü nii konkwa jakǎ plě ü kɔnʼɔ wlò le popala, a diɔɔ̌ mɔ̀ Ě miě a wlò le popalaǒ slè sà.

Matiɔ̌n 12:39

Kɛɛ kě Ɔ dɛ̌a Ɔ je, “Amo kpni kukwǐ nyo klee se tè wlò popoɛ kɔn nyoà ne kekɛɛ kmɔ̌, a jlɛ̌ Bo te a jboo dɛ je, kɛɛ a se ɛ jěba mu, ɛ̀ sìnʼǒ je te dɛɛ doǒ ɛ̈ kwɛɛaǒo Nyesoaa wnɔsàɔ Jònǎa tè jleě mǒ bo.

Matiɔ̌n 12:45

ɛ mi de ɛ̌ pɛ̀n kǔ sìsii nyiɛta tìi le ï kɔn kpni nymii jǐ le ï sìnʼǒ ɛɛ mǒ i miě koǔǒ bo di. Ii tè nyuǒ i miě ja tǐnma ɔɔ kmɔ̌ mi jǐ le nymima ɛ miě kmɔ̌ǒ ɔ nea pnɔɔ mǒ sìn. Dɛɛ doǒ nɛ̀ mi tùɔn kpaba keǒ nyopòà moo dɛ kukǔ nu nyo ü ne kekɛɛ lɔɔ kmɔ̌ mɔ̀.”

Matiɔ̌n 16:4

Amo kpni kukwǐ nyo klee se tè wlò popoɛ kɔn nyoà ne kekɛɛ kmɔ̌, a jlɛ̌ Bo te a jboo dɛ je, kɛɛ a se ɛ jěba mu, ɛ̀ sìnʼǒ jboo dɛɛ doǒ ɛ̈ kwɛɛǒo Jònǎa tè jleě mǒ bo.” È nùǒ Ɔ sɔnaǒ gbàa mǒ.

Matiɔ̌n 17:17

È kě Jùsu dɛ̌a u je Ɔ je, “Tùonyopoà ne kekɛɛ kmɔ̌ u se tè wlò popoɛ kɔn plě dɛ kukǔ nɛ̀ jiě u měne! È tǐ tae Bo sìǐn kɛɔ a slè plě a mǐǐ kàan tè popoɛ kɔn? È ke bo wlò dbadbǎà Ě kɔnʼɔ bɛ toǒn kɛ jleě mǒ bo keǒ a mɔ̀? A jaě jǔ bɔloǒ keàǎ mɔ̀.”

Matiɔ̌n 23:36

Ě tmɛɛ̌ ane, sɛjesɛ Nyesoa miǎǒ nyopò taeǒ ü wǒ amoo je uu plɔ tu kɛn bo maěma keǒ mnùngma popoɛ wùɛǒ mɔ̀.”

Matiɔ̌n 3:7

Kɛɛ tà Jɔ̀ɔ̌n jěaa Fɛlesǐi wǎn klee Sadesǐi wǎn fòfoa u dia lě ɔɔ mɔ̀ keǒ bɔ poa uu ně dlǒ, è kě ɔ dɛ̌a u je ɔ je, “Amo chì nyee ngmɛ̀ smeaa jlǔà, mɔ tmɔɔ̌ nǒoǒ kɛ amo ba plùu lǔuǔ Nyesoaa jloǒ diěe je keǒ nyopò mɔ̀?

Mǎkè 10:14

Tà Ɔ jěaa dɛǒ u niaa, è Ɔ beea u jlo měne kě Ɔ dɛ̌a Ɔ je, “A sɔnʼǒ jlǔǒ mɔ̀ mǒ bu diɔɔ̌ mɔ̀, a bɔ̌ u je le kenkaea. Mɛ kɔɔ̌n tèǒ joo nɛ̀ moo u wǒ je nyopò Nyesoaa win kwa konkɔn kɔnʼǒo mɔ̀.

Mǎkè 10:49

È Jùsu Nɔ̀ǒ nynana bo Ɔ je, “A da lɔ bɔ diě.” È nɔ̀ǒ u dala u je, “Wàen kɛn bo, sɔn mǒ, Ɔ dɛɛ̀ le Ɔ je bò diě.”

Mǎkè 9:19

È kě Jùsu dɛ̌a Ɔɔ mɔ̀ cheěn nyo je Ɔ je, “Amo nyopòà a se tè wlò popoɛ kɔn! È tǐ tae Bo sìǐn kɛɔ a slè plě a mǐǐ kàan tè popoɛ kɔn? È ke bo wlò dbadbǎà Ě kɔnʼɔ bɛ toǒn kɛ jleě mǒ bo keǒ a mɔ̀? A jaě jǔ bɔloǒ keàǎ mɔ̀.”

Lǔkù 8:25

È Ɔ gbɛ̀a u wan Ɔ je, “Mɛ kɔɔ̌n tè a seě kɛ tè wlò popoɛ kɔn?” Tà i kaenʼa uu wlò le plě u peaa fano, è kě u dɛ̌a klě uu chɛ̀ slè u je, “À Nyu taeà kɛ pìpia klee jbodoěe chɛ̀ ǐ tùiǒo Ɔɔ win bo?”

Lǔkù 9:40

Ě bàte Nè mɔ̀ cheěn nyoà le keǒ bu sàě ɔ kǔ sùsuà ja, kɛɛ u slě ɛ nunuɛ wɔ̀.”

Lǔkù 9:42

Tà jǔǒ ɔ keaě Ɔɔ mɔ̀ mi, è kǔ sùsuǒ ɛ poa ɔ wɔ̀ɔn ɛ̌ takǎea ɔ le, kɛɛ Jùsu tmɔɔ̌a sùsuǒ bɛ sɔnaě ɔ ja mǒ, ɔ̀ɔ kwɛ̌ nɛ̀ǒ bɔ̌a dɛ, Jùsu sàlaǒ ɔ Ɔ̌ nyea nɔ ɔ̀ɔ gbeǐ.

Jɔ̀ɔ̌n 14:9

È Jùsu gbàla ɔ wan Ɔ je, “Felɔ̌, tǐ wùɛà Ě sìnʼɔ amoo slè kě sèɛɛ̌ ji kaǒ? Nyuà ɔ̈ jě Mǒo ɔ jě Ně Gbeǐ le ke. Mɛ kɔɔ̌n tè dɛ̀ɛ̌ kɛ bò ɛ̈ moo ‘Tee Nè Gbeǐ ämo?’

Jɔ̀ɔ̌n 20:27

È kě Ɔ dɛ̌a Tɔmɔ̌se je Ɔ je, “Poà nè chìajɔ kělɔɔ̌ kwete mǒ mì Ně kweteǒ jě, è mǎǒ nè kweta keàǎ wakǎ mǒ bo, bɔ̌ kplɛ popoɛ plě po i kàan tè Ě moo kmɔ̌ ne Nyu.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:18

Ɔ kɔna wlò dbadbǎ keǒ uu kmɔ̌ kukǔǒ mɔ̀ Ɔ̌ naea nu klě kpatekpǎ blǒ kɛn klě jlě wlèe sɔ̌n wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:40

Pitɛ̌ tmɔɔ̌a u noǎ fòfoaa tè ɔ̌ tbala u saěn plě ɔ̌ poa u kbě ja le ɔ je, “A gblà aa chɛ̀ klě Nyesoaa plɔɔ tu kɛn bo maěa bobo ɛ̈ diěe keǒ kmɔ̌ɔ kpni kukwǐ nyo mɔ̀.”

Wlǔmɔ 2:4

Deě Nyesoa Nɔ̀ kɔn tè jè sɛ̀ɛ kɛǒ lee Ɔ̈à nuu kàan keǒò mɔ̀ plě Ɔ̈ kɔnʼɔ wlò dbadbǎ pɛ̀tu keǒò mɔ̀? Sè kɛ i je ɛ̈ moo Nyesoa moo kàan keǒò mɔ̀ ɛ̈ di ɛɛ numa Ɔ mǐì nu nè wlò mǐ bo bitǐ le?

Hiblǔ 3:19

Ii tè ä ji ɛle ɛ̈ moo dɛ kɔn tè u seaě ɛɛ wɔ̀ keǒ bu nynia lěe fɛla tùɔnʼǒ kɛn nɛ̀ moo u sea tè wlò popoɛ kɔn klě Nyesoa mǒ.

Hiblǔ 4:11

Tèǒ nì kɔn tè a nɛ bä poě kpě le ä miě fɛla tùɔnʼǒ kɛn nyni ɛ̈ di ɛɛ numa äa nyuu do tɔ̀ɔ ɔɔ̌ di dɛǒ Ǐsòwɛ̌ kwɛɛn nuaa nu ǔ seaǒo Nyesoa tùtuɛ nye, ii tè ǔ seaě ɛmoo fɛla tùɔnʼǒ kɛn nyni.

Hiblǔ 4:2

Ke kɔn doǒ tuposàà ɛ nuaa pooa klě Jùwɛ nyo mɔ̀, kě ɛ nua pooa kělɔ ä mɔ̀. U wɔ̌na tuposàǒ lo, kɛɛ ɛ seaǒ u kàan dɛ jleě mǒ nu. Tà u wɔ̌na nii, u sea i jebo kme plě u sea ii tè kàan tè po.

Hiblǔ 7:25

Dɛǒ nɛ̀ kɔn tè Ɔ wɔ̀le ɛ keǒ Bɔ gblà nyu wùɛ ɔ̈ miɔɔ Nyesoa mɔ̀ diiba klě tè wlò popoɛ ɔ kɔnʼɔ mǒ klě Ɔ mǒ. Mɛ kɔɔ̌n tèǒ joo nɛ̀ moo tǐ wùɛ mɔ̀ Ɔ ne kmɔ̌ Ɔ̌ bɛ̀te Nyesoa keǒ uu tè mɔ̀.