Lǔkù 9:16 - Nyesoaa Kuo Win Jajle

¹⁶ È Jùsu dǔa flɔ̌ɔ kwlee m̀m klee smì klɔkwlěe sɔ̌nʼǒ mǒ Ɔ̌ wlǎla jǐ jɔ mǒ Ɔ̌ pea i ngmna mɔ̀ Ɔ̌ klǎla i wan le Ɔ̌ nyea i Ɔɔ mɔ̀ cheěn nyo ǔ plooa i nyopòǒ měne.

Lǔkù 9:16 ပူးပေါင်းရင်းမြစ်များ

Matiɔ̌n 14:19

Ɔ tmɔɔ̌a diblɛ̌ǒ bu nea ble keǒ nenanyɔ kɛn. Ɔ dǔa flɔ̌ɔ kwlee m̀m klee smìi sɔ̌nʼǒ mǒ Ɔ̌ wlǎla jǐ jɔ mǒ Ɔ̌ poa i ngmna mɔ̀ Ɔ̌ klǎla i wan le Ɔ̌ nyea i Ɔɔ mɔ̀ cheěn nyo ǔ plooa i nyopòǒ měne.

Matiɔ̌n 15:36

Ɔ̌ dǔa flɔ̌ɔ kwlee nyiɛta klee smìǒ mǒ Ɔ̌ pea Ɔɔ Gbeǐ tàto Ɔ̌ klǎla i wan le Ɔ̌ nyea i Ɔɔ mɔ̀ cheěn nyo ǔ plooa i diblɛ̌ǒ měne.

Mǎkè 7:34

È Jùsu tanaě jɔkɛn le Ɔ̌ wlǎla fònfno bo, è kě Ɔ dɛ̌a jbɛjuǒ je Ɔ je, “Afaatà,” klě Ɔɔ blětà win wlòmo ɛ sɛ̀n nynɛ̌, “Wɔ̌n le, boɔ.”

Lǔkù 22:19

È Jùsu dǔa flɔ̌ɔ tìe mǒ Ɔ̌ pea Nyesoa tàto Ɔ̌ klǎla ɛ wan le Ɔ̌ nyea nɛ Ɔ̀ɔ mɔ̀ cheěn nyo Ɔ je, “Dɛà nɛ̀ moo Ně fǒ ɛ̈ nyee amo, dɛǒ nɛ̀ ba nu ɛ̈ di ɛɛ numa Ně tè miě aa wlò jleě be.”

Lǔkù 24:30

Tà u klee Ɔ muaǒo di fuo kɛn, Ɔ dǔa flɔ̌ɔ tìe mǒ Ɔ̌ poa ɛ ngmna mɔ̀ Ɔ̌ bɛ̌a ɛ je le Ɔ̌ nyea nɛ nu.

Lǔkù 9:15

È u nua dɛǒ Ɔ boɔla uu je, nyopò wùɛ ǔ nea ble.

Lǔkù 9:17

Nyopò wùɛ ü neaa tùɔn kɛn u dia dɛ uu kwliǎ jǐa lě. È ɛɛ dɛǒ u seaea mɔ̀ cheěn nyo bòaa le ɛ jiěaě plɛǎa pù tùo sɔ̌n.

Jɔ̀ɔ̌n 6:11

È Jùsu dǔa flɔ̌ɔǒ mǒ Ɔ̌ pea Ɔɔ Gbeǐ tàto keǒ ɛ mɔ̀ Ɔ̌ plooa nyopòǒ neaa ble měne ke u nia nɛɛ jlajlǎ, dɛɛ doǒ nɛ̀ Ɔ nua smìǒ mǒ ke.

Jɔ̀ɔ̌n 6:23

È blǎgbèa tìi sɔna diěǒ moo Tabawlìa mǒ nì bea kpǒ je keǒ tàǒ Jùsu peeaě Nyesoa tàto keǒ flɔ̌ɔ mɔ̀ Ɔ̌ nyea nɛɛ nyopò ǔ dia lɛɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:35

Tà ɔ wɔ̀laa tèǒ boɔboɔ mɔ̀, ɔ̀ sàlaǒ flɔ̌ɔ ɔ̌ pea Nyesoa tàto keǒ ɛ mɔ̀ keǒ uu wùɛǒ jemǒ ɔ̌ bɛ̌a ɛ jele, è nɛ̀ǒ ɔ tùngmaea didiɛ.

Wlǔmɔ 14:6

Nyuǒ sàǒo chnɛ̀ jlǒ waěe do ɔ̈ tù ɛɛ ngmà je, ɔ ni ɛ keǒ Koɔn mɔ̀. È ke ɛ toon jleě mǒ bo nyuǒ dii dɛ wùɛ ɔ̌ pee Nyesoa tàto, ɔ ni ɛ keǒ Koɔn mɔ̀. È ke ɛ toon jleě mǒ bo nyuǒ ɔɔ̌ dii dɛ wùɛ ɔ̌ pee Koɔn tàto ke, ɔ ni ɛ keǒ Nyesoa mɔ̀.

1 Kwnɛtiɛ̌ 10:30

È bɛ̌ nu bo pe Nyesoa tàto keǒ dɛà Ě dii mɔ̀, è mɛ kɔɔ̌n tè Ě sonwɛɛ̌ kɛǒ ně chɛ̀ mɔ̀ mǒ u pe mǒo mɛ le keǒ didi dɛà kɔn tè Ě pee Nyesoa tàto mɔ̀?”

1 Kwnɛtiɛ̌ 11:24

Ɔ̌ pea Nyesoa tàto keǒ ɛ mɔ̀ Ɔ̌ klǎla ɛ wan le, è kě Ɔ dǎla Ɔɔ mɔ̀ cheěn nyo je Ɔ je, “Dɛà nɛ̀ moo Ně fǒ ɛ̈ kɔnʼǒ a mɔ̀, a di ɛ ɛ̈ di ɛɛ numa Ně tè miě a wlòmo be.”