Lǔkù 8:2 - Nyesoaa Kuo Win Jajle

² plě klee nynoo tìeǒ Ɔ sàlaa kǔ sìsi ja le plě ü kɔn kweǎ Ɔ peanaa, jà Mɛwlě ɔ̈ u dɛɛaa Mɛkɛniì ɔ̈ Ɔ sàla lěe kǔ sìsii nyiɛta ja

Lǔkù 8:2 ပူးပေါင်းရင်းမြစ်များ

Matiɔ̌n 4:24

È Ɔɔ tè gbɛ̀tɛɛa blǒǒ moo Siwlìa kɛne, ii tè nyopò jɛa lě kmakma nyo klee nyopò kweǎa doědoe niaa plě ü kɔnaa chnechně noǎa, jà nyopòà kǔ sìsi nea lěe ja klee klè kwɛ̌ plě bo klɔ̀ɔ kwɛ̌ Ɔ̌ peana uu wùɛǒ.

Mǎkè 16:1

Tà Nyesoaa defɛ chnɛ̀ jlǒ waěǒ moo Sɛ̌ɛ̀de ɛ sìnʼaa, è Mɛwlě Mɛkɛniì klee Salomì klee Mɛwlě ɔ̈ mooa Jìmǐsee naǎ nù tɔ̀na sonsnǒ chnɔ̌ ü mua u mǐa ɛ Jùsuu fǒ le pne.

Mǎkè 16:9

Tà Jùsu dǔaa jemǒ klě Sɔ̌ndee kènta gbìi wlòmo, klekle nyu Ɔ woǒa je nɔ̀ moo Mɛwlě Mɛkɛniì ɔ̈ Ɔ sàla lěe kǔ sìsii nyiɛta ja.

Lǔkù 23:27

Diblɛ̌ fòfoa nù nɛa Jùsu de, è nyno fòfoa nù pea uu chɛ̀ kpě wùlee le ü fìnʼa Ɔɔ tè.

Lǔkù 23:49

Jùsuu nenawa wùɛ, jà nyno ü nana Ɔɔ de ü sɔnaa Jàlalǐi mǒ, u nynanaě nya bo ǔ jěa noǎ wùɛ kpalaa tùɔn.

Lǔkù 23:55

È nynoǒ nanaa Jùsu de ü sɔna lěe Jàlalǐi wakǎ kɛn mǒ u beaǒ Jòsɛ̌fo demǒ ǔ jěa sɛklɛ bǐtìeǒ plě ǔ jěa ke u nuaa Jùsu bo tùtuɛ.

Lǔkù 8:30

È Jùsu gbɛ̀a ɔ wan Ɔ je, “È ke neě kɛ nynɛ̌?” È ɔ tùa Lɔ kɛ̀ɛn ɔ je, “Ämo tabɔ̀àò.” Mɛ̌oǒ joo nɛ̀ moo kǔ sìsiǒ ï neaěe jbɛjuǒ ja i fòa le.

Jɔ̀ɔ̌n 19:25

Jùsuu naǎ klee Ɔɔ naǎa mamǔ nyneju klee Mɛwlě ɔ̈ mooa Klopàa nynɔ plě klee Mɛwlě Mɛkɛniì nù nynanaǒ pète bɛ̌ tuǒ gbàa bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:14

Umoǒ klě tǐ fòfoa wlòmo u gbèa le ǔ boɛaě Nyesoa mɔ̀ u klee nynoo tìe tùu klee Mɛwlě ɔ̈ mooa Jùsuu naǎ klee Jùsuu mamǔ jbɛjlu.