Lǔkù 8:18 - Nyesoaa Kuo Win Jajle

¹⁸ Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba, Ɔ mǐ ɔ tè le jbojbɛ fòfoa nye, tèǒ nì kɔn tè ba gbɛ̀ɛ le ke a mii nɔkǔ bo popoɛ numa. Kɛɛ nyuǒ se ɛɛ tè le jbojbɛ kɔn, tè le jbojbɛ chěnchaě gbee chɛ̀ǒ ɔɔ wlò je ɔ kɔnʼɔ Nyesoa mi ɛ ɔ̀ kwa sàba.”

Lǔkù 8:18 ပူးပေါင်းရင်းမြစ်များ

Matiɔ̌n 13:12

Nyuà mii tè le jbojbɛ kɔnma keǒ Nyesoaa win kwa konkɔn jleě mǒ, Nyesoa mi ɔ ngmna mɔ̀ poba Ɔ mǐ ɔ de jbojbɛ fòfoa nye, kɛɛ nyuǒ se ɛɛ tɛ̀ le jbojbɛ kɔn, tè le jbojbɛ chěnchaěe gbee chɛ̀ǒ ɔ kɔnʼɔ Nyesoa mi ɛ ɔ kwa sàba.

Matiɔ̌n 25:29

Mɛ kɔɔ̌n tèǒ joo nɛ̀ moo nyuà mii tè le jbojbɛ kɔnma, ɔ mi ngmna mɔ̀ pooba ɔ mǐ de jbojbɛ fòfoa kɔn, kɛɛ nyuǒ se ɛɛ tè le jbojbɛ kɔn, tè le jbojbɛ chěnchaěe gbee chɛ̀ǒ ɔ kɔnʼɔ ɛ mi ɔ kwa sàeba.

Mǎkè 13:14

Jùsu kpɛɛa Ɔɔ win nya Ɔ je, “Bɛ̌ nu bǎ jěǎ dɛ kukǔ ɛ̈ Nyesoaa wnɔsàɔ Dàneɔ̌ sàlaa wan seela bɛ̌ nynanǎ bo keǒ tùɔnʼà kɔn kɛn ɛ̈ seǒo kɔn, è nyopòǒ neěe Jùdǐa wakǎ kɛn bu kpalǎě togbei dlǒ plùplɛ u miǎ gblàgbla kɔn.” È nyu wùɛ bɔ̌ slè winʼà bɔ̈ jbo tè i boɔɔ le.

Lǔkù 19:26

Ɔ tùa u kɛ̀ɛn ɔ je, ‘Ě tmɛɛ̌ ane, nyuà kɔnʼɔ fòfoa nɔ̀ fòfoa mi nyeema, kɛɛ nyuà see dɛ kɔn, dɛ chěnchaě gbee chɛ̀ǒ ɔ kɔnʼɔ ɛ mi ɔ kwa sàeba.

Lǔkù 9:44

“A po nɔkǔ bo tɛɛ tɛɛ keǒ dɛà Ě tmɛɛ̌ amoo mɔ̀. Jbɛjuu Jǔà Ɔ miě bo demǒ sàeba Ɔ miě nyopò kwete mǒ poo lo.”

Jɔ̀ɔ̌n 15:2

Ɔ bɛ̌ ti beě wùɛǒ ïǐ too bui keǒǒ jleě mǒ, è beěǒ toee nì Ɔ snɛ̌ fǒ měne ɛ̈ di ɛɛ numa i mǐ bui fòfoa to.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:33

Ii tè tǐi doo tǐ jleě kě Ě nu nyopò dbodbɛ klěè mɔ̀. Ɛ nu kàan dɛ è diě, klě tǐà wlòmo äa wùɛ Nyesoa jemǒà ä nynaà bo ä mǐ dɛ wùɛǒ Ɔ boɔ mòo je nɔkǔ jebo po.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:11

Jùwɛ nyoǒ u jɛɛa lěe uu wlè knana je chɔɔ ɛ̌ sìnʼaǒ nyopòǒ nea lěe Tɛslonikà mǒ. U jlɛ̌a lɛ chɔɔ keǒ bu wɔ̌na tuposàǒ ɛ̈ kwɛɛaǒ Jùsu jleě mǒ bo, ii tè chnɛ̀ jlǒ waě wùɛ mɔ̀ u nea bo ǔ chěnʼa Nyesoaa win u mǐa ɛ ji tèǒ Pɔ̀ɔ̌ klee Salě boɛaa bǐ mooa kàan tè.

Wlǔmɔ 12:3

Nyesoa nyeě nyee dɛ ɛ̈ moo Ɔɔ mǒ noɛnoɛ keǒ aa wùɛ mɔ̀. Tèǒ nì kɔn tè Ě tmɛɛ̌ amo, aa nyu ně jě ɔɔ chɛ̀ nyu mǒ chɔɔ ɛɛ̌ sìnʼǒ le. Kɛɛ nyu wùɛ bɔ jě ɔɔ chɛ̀ɛ tǔnʼǒ ɔ neěe wlòmo, ɔɔ wlò bɛ bloo ɛ kɛn, ɛ klee tè wlò popoɛǒ Nyesoa nye amoo bi wonwɔɔ kɛn.

1 Kwnɛtiɛ̌ 14:37

Bɛ̌ nu nyu wùɛ bɔ̌ ji ɛ ɛ̈ moo ɔ moo Nyesoaa wnɔsàɔ ɔ̀ɔ̌ ɔ blě Sùsuu nyee dɛ tɛ̀ɛ, è bɔ poo ɛ kòo kɛn ɛ̈ moo noǎà kɔn tè Ě chleě ɔɔ mɔ̀ i moo teteǎ ï sɔn lěe Koɔn mɔ̀ mǒ.

1 Kwnɛtiɛ̌ 3:18

Aǎ gbee aa chɛ̀ mǒ. Bɛ̌ nu aa nyu bɔ̌ jě ɛ ɛ̈ moo ɔ kɔn tɔ̀n klě kmɔ̌ɔ de jijiɛ mǒ, è ɔ kɔn bɔ moo plɔɔ kokǒ nyu klě kmɔ̌ɔ de jijiɛǒ mǒ ɛ̈ di ɛɛ numa ɔ mǐ tɔ̀n kɔn klě Nyesoa jǐ kɛn.

1 Kwnɛtiɛ̌ 8:2

Bɛ̌ nu nyu bɔ̌ jě ɛ ɛ̈ moo ɔ ji dɛ, è kaǒ ɔ kɔɔ̌n jè dɛ bɔ cheěn.

Flepiɛ̌n 3:4

I moo kàan tè Ě wɔ̀le je bo kɔn wlò je kunkuɛn taeǒ lo, kɛɛ ɛ seě kàan dɛ wùɛ mo numa mu. Bɛ̌ nu bo nyu tɔ̀ɔ bɔ̌ jě lɛ ɛ̈ moo ɛ kɔn tè kɔn tè ɔ kɔnʼɔ wlò je kunkuɛn klě ɔɔ chɛ̀ mǒ ɛ̈ mi ɔɔ jebo siǐn nyu mǒ numa, è Ě kɔn noǎ fòfoa ï kɔn tè bo kuun nuu wlò je ɛ̌ sìnʼǒ ɔ mǒ.

Hiblǔ 2:1

Dɛǒ nɛ̀ kɔn tè ä kɔn bä po Nyesoaa winʼǒ u tee ämoo nɔkǔ jebo ɛ̈ di ɛɛ numa äǎ di Nyesoa mɔ̀ tmɔɔ no.