Lǔkù 7:47 - Nyesoaa Kuo Win Jajle

⁴⁷ È Bo tmɔɔ̌ mò, nynɔà ɔɔ mǒ noɛnoɛ fòɛà ɛ tee ɛle ɛ̈ moo ɔɔ kpni kukwǐ fòfoaǒ ii tè poo le wlò, kɛɛ nyopòà ü kɔn kpni kukwǐi noǎ gbeii tè poo loo wlò le uu mǒ noɛnoɛ chɛɛ̌n mǒ no.”

Lǔkù 7:47 ပူးပေါင်းရင်းမြစ်များ

Matiɔ̌n 10:37

Nyu wùɛ ɔ̈ mi ɔɔ gbeǐ klee naǎ mǒ noɛɛma chɔɔ uu tè miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu, nyu wùɛ ɔ̈ mi ɔɔ jbɛjuju klee ɔɔ nynejuju mǒ noɛɛma chɔɔ ɛ miǒ Něe tè mǒ sìn, ɔ seǒ je blɛɛ le keǒ bɔ moo Ně mɔ̀ na nyu.

Lǔkù 7:39

Tà Fɛlesǐi wǎnpòiǒ dalaa Jùsu dɛ diba ɔ jěaa dɛǒ, è kě ɔ dɛ̌a klě ɔɔ chɛ̀ wlò jleě ɔ je, “Bɛ̌ nu Nyuà sɛje Bɔ̌ monoo Nyesoaa Wnɔsàɔ Ɔ mii ɛ jiba nyu tae nynɔà ɔ monoo ɔ̌ toe Ɔɔ le, ɔ moo gblà nynɔ.”

Lǔkù 7:46

Sèě Ɔlè chnɔ̌ dlǒ le pne, kɛɛ nɔ̀ pneě sonsnǒ chnɔ̌ be le.

Lǔkù 7:48

È kě Jùsu dɛ̌a nynɔǒ je Ɔ je, “Nè kpni kukwǐi tè poo le wlò.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:31

Ɔ̌ kpalaě Ɔ Jɔkɛn Ɔ̌ tùaě Ɔ Ɔ̀ɔ chɛ̀ɛ dilǎ son mɔ̀ bo ɛ̈ monoo tùɔn fòɛ ɛ̈ kɔnʼǒo tùtuɛ, Ɔ mǐ Chì Kpa Ämo klee Gblàgbla Nyu tù keǒ Ǐsòwɛ̌ kwɛɛn mɔ̀ ɛ̈ di ɛɛ numa u mǐ uu wlè bo bitǐ, Ɔ mǐ uu tè wlò le poo lo.

Wlǔmɔ 5:20

Tà Nyesoaa teteǎ diěe, è kpni kukwǐ bebee le kɛn chɔɔ dɔ̌, kɛɛ tà imo kpni kukwǐǒ i kee kɛn le bebee le chɔɔ, è Nyesoaa mǒ noɛnoɛ bebee le kɛn chɔɔ dɔ̌ ke ɛ̌ sìnʼǒ i mǒ.

2 Kwnɛtiɛ̌ 5:14

Tentǎn Jǔu mǒ noɛnoɛ Ɔ kɔnʼɔ keǒ ä mɔ̀ nɛ̀ nɛɛ ämo. Ä jbo ɛ le ɛ̈ moo Ɔɔ do Nɔ̀ kǒa keǒ nyopò wùɛɛ tè mɔ̀, nɛ̀ nu ɛ ɛ̌ wǒ je keà nyopò wùɛ klee Ɔ̀ koǒaǒo tàa do.

Kalesiɛ̌n 5:6

Keǒ ä klee Tentǎn Jǔ Jùsu bä moo dɛɛ do, ɛ slě ɛ mɔ̀ kɔn bɛ̈ ä bɛ̌ foeě ɔ̀ɔ̌ ä se foeě bɛ̌, kɛɛ dɛɛ do Ɔ sòɛɛ nɛ̀ moo tè wlò popoɛ klě Ɔ mǒ. Bɛ̌ nu bä noɛɛ Nyesoa klee nyopò tùu mǒ, è ä tee ɛle ɛ̈ moo ä kɔn tè wlò popoɛǒ lo.

Ifisiɛ̌n 6:24

Nɛ bo Nyesoaa wlòo jlajlǎ dɛà ɛ̈ɛ̌ sà Lɔɔ wlò kǔ mǒ keǒ nyopò wùɛ mɔ̀ bɛ muu nya ü noɛɛ äa Koɔn Jùsu Tentǎn Jǔ mǒ plě ü kɔn mǒ noɛnoɛ sěɛɛ dɛ bɛ̌ keǒ Ɔ mɔ̀.

Flepiɛ̌n 1:9

Ě bɛ̀te Nyesoa a mǐ měne nonoɛɛ ne ɛ mǐ kɛn le bebee le klee a mǐ dɛǒ monoo kàan dɛ ji plě klee a mǐ tè tù klě mǒ slɛɛ̌ tǔn wlòmo kpǎkpǎ.

1 Timɛtě 1:14

Äa Koɔnʼɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ nɛ̀ Ɔ kɔn keǒǒ mɔ̀ chɔɔ ɛ̌ sìnʼǒ le. Ii tè klě tǐà wlòmo Ě kɔn tè wlò popoɛ klě Tentǎn Jǔ Jùsu mǒ plě Ě noɛɛ Ɔ mǒ.

1 Jɔ̀ɔ̌n 1:7

Kɛɛ bɛ̌ nu bä neě pepě mǒ wòje keǒ Ɔ nuu, è äa wùɛ ä nɛǒ tàa do. Ɔɔ Jǔ Jùsu Tentǎn Jǔu nymɔǒ nɛ̀ jla ä le ɛ̈ sà ä kpni kukwǐ wùɛ fǒ měne.

1 Jɔ̀ɔ̌n 3:18

Ně jlǔ ale, äǎ nu wun sosǒ äǎ noɛɛ nyopò měne klee äǎ nu boɔboɔ win, kɛɛ äa nunu kmɔ̌ bɛ tee kàan mǒ noɛnoɛ ke.

1 Jɔ̀ɔ̌n 4:19

Nyesoa Nɔ̀ moo klekle Ɔ noɛɛ ä mǒ, ii tè bä noɛɛ Ɔ mǒ.

1 Jɔ̀ɔ̌n 5:3

Nyesoa mǒ noɛnoɛ sɛ̀n nynɛ̌ dɛǒ Ɔ tmɛɛ̌ ämoo bä tùǒ ɛ bo. Noǎǒ Ɔ tmɛɛ̌ ämoo ii ble tùtuɛ se wan jakǎ dɛ.