Lǔkù 7:19 - Nyesoaa Kuo Win Jajle

¹⁹ ɔ̌ dboa lu klě Koɔn Jùsu mɔ̀ bu gbàla Ɔ wan ɛ̈ moo, “Deě Mò moo kɛ Nyesoaa Tentǎn Jǔ Ɔ peea lěe Bɔ dboaa Ɔ̈ mǐa ämoo gblà? Deě ɛ kɔn nyu tɔ̀ɔ bä pɔ̀ɔ̌n jèe snǔ mɔ̀le?”

Lǔkù 7:19 ပူးပေါင်းရင်းမြစ်များ

Mǎkè 6:7

È Ɔ dala Ɔɔ mɔ̀ cheěn nyoo tài pù tùo sɔ̌n Ɔ̌ nyea u kpě keǒ bu mua blě kɛne u mǐa nyopò kǔ sìsi ja le sà. Ɔ nua uu sɔ̌nʼɔ sɔ̌n Ɔ̌ dboa lu.

Lǔkù 10:1

Tà dɛǒ ɛ sìnʼaa, è Koɔn Jùsu tbala mɔ̀ na nyoo tà wlèe tan tùo pù pù tùo sɔ̌n tùu. Ɔ nua uu sɔ̌nʼɔ sɔ̌n Ɔ̌ dboa u nya klě deě klee tùnwɛǒ kɔn kɛn Ɔ wɛ̀aa mɔ̀le Ɔ mǐa lěe mu.

Lǔkù 11:1

Chnɛ̀ jlǒ waě tɛ̀ɛ mɔ̀ Jùsu neaǒ tà tɔ̀ɔ Ɔ̌ boɛaě Nyesoa mɔ̀. Tà Ɔ wɔ̀a lɛɛ mɔ̀, Ɔɔ mɔ̀ cheěn nyuu do tmɔɔ̌a Nɔ ɔ je, “Koɔn, dɛɛ doǒ Ně Dlǒ Po Jɔ̀ɔ̌n nuaa ɔ̌ teea ɔɔ mɔ̀ cheěn nyo Nyesoa mɔ̀ boɔboɔ nɛ̀ Bò nu, tee ɛ ämo.”

Lǔkù 11:39

È kě Koɔn dɛ̌a ɔ je Ɔ je, “Amo Fɛlesǐi wǎn, aa mǒ naě kàe klee chělea nì a jlɛ kɛn le, kɛɛ klě aa chɛ̀ wlòmo dě paě mnǒ wòje aa wlò boabuǔ klee noǎ kukwǐ nì jǐ a je le.

Lǔkù 12:42

È Koɔn tùa lɔ kɛ̀ɛn Ɔ je, “Mɔ kɔɔ̌n kɛ ka miǐ sèn bo mǎ tɔ̀n kɔn nyebajlo je wǒba ɔ̈à ɔɔ chì kpa ämo poě ɔɔ nyebajle tùu kwete mǒ bɔ̈ tù uu jǐ mɔ̀ bɔ̈ nye uu didi dɛ tǐǒ jleě ɔ see tùɔn kɛn nema mu?

Lǔkù 13:15

È Koɔn tùia lɔ kɛ̀ɛn Ɔ je, “Amo ä jěè kɛn ä daà kàan chènyɔ nyopò nae nyoà, klě Nyesoaa de fɛ waě wlòmo a nyuu blǐ klee jakǎsè nenǎ to bɛ̌ ke ii dɛ ni, a sɛ̀ě ɛ blò wan ǎ kpɛě ɛ plomǒ ǎ nye ɛ ně.

Lǔkù 17:5

È kě Nyesoaa tuposà kpa nyo dɛ̌a Koɔn je u je, “Poo äa tè wlò popoɛ kɛn le.”

Lǔkù 17:6

È Koɔn tùia lu kɛ̀ɛn Ɔ je, “Bɛ̌ nu bǎ kɔn tè wlò popoɛ ɛ klee mɔsà tuu joɛ̌ɛ bǐ boa le, è a wɔ̀le je ba tmɔɔ̌ Mɔbɛ̀le tuà ɛ̈ moo, ‘Sɔn wlò mǒ, tuǔnʼě dìe jbǒ mɔ̀,’ ɛ kɔn bɛ tùǒ aa win bo.

Lǔkù 18:6

È kě Koɔn Jùsu dɛ̌a Ɔ je, “A po nɔkǔ bo dɛǒ dɛ kukǔ nyuǒ moo tè tùɔ̌ ɔ boɔɔ.

Lǔkù 19:8

È Sɛ̀kiǎ nynana bo kě ɔ dɛ̌a Koɔn je ɔ je, “Koɔn, tanàle, Ě mi ně konkɔn noǎ wùɛ ii bɔ̀tie sònwɛ nyo nyema plě bo jlǐaǒ nyu kɛn, Ě mi ɔ noǎa hɛ̀n kplěe sɔ̌n nyema.”

Lǔkù 22:61

È Koɔn Nɔ̀ǒ dawlǎla bo Ɔ̈ chèeaě Pitɛ̌ mɔ̀ bo, Ɔ klee Pitɛ̌ɛ jǐ nua kpata, ì beaě Pitɛ̌ mǒ wlò dɛ Koɔn boɔa lɔɔ je ɛ̈ moo, “Kekɛɛà plě seaka kokɔ̌ mǐma slò kɔ̀n bo chnɛ̀ Ně tè mǒ ɛ̈ moo sèě ji klě wěe tan wlòmo.”

Lǔkù 24:34

È kě mɔ̀ cheěn nyoo pù tùo doǒ u dɛ̌a tàii sɔ̌nʼǒ je u je, “I moo kàan tè äa Koɔn dǔ mǒ je Ɔ woǒa Saemɔ̌ je!”

Lǔkù 7:13

Tà Koɔn jěaa nynɔǒ, ɔ̀ɔ wɔle beaě Ɔ mǒ no, kě Ɔ dɛ̌a ɔ je Ɔ je, “Bɔ̌ fìnfiɛn.”

Lǔkù 7:20

Tà nyopòǒ u nynia lěe Jùsu mɔ̀, è kě u dɛ̌a Ɔ je u je, “Ně Dlǒ Po Jɔ̀ɔ̌nʼà dbo ämo kělɔɔ̀ mɔ̀ ɔ je bä gbàà wan ɛ̈ moo, ‘Deě Mò moo kɛ Nyesoaa Tentǎn Jǔ Ɔ peea lěe Bɔ dboaa Ɔ̈ mǐa ämoo gblà? Deě ɛ kɔn nyu tɔ̀ɔ bä pɔ̀ɔ̌n jèe snǔ mɔ̀le?’ ”

Jɔ̀ɔ̌n 11:2

Mɛwlěe doǒ ɔ̈ dǔaa sonsnǒ chnɔ̌ mǒ ɔ̈ chniǐaǒ ɛɛ Koɔnʼɔ be kɛn le ɔ̈ nia ɔɔ chɛ̀ɛ moamoa dlǒ ɔ̈ snɛ̌a Lɔɔ be le. Tà uu mamǔ jbɛju Làesɔ̌ keaa kmɛ,

Jɔ̀ɔ̌n 4:1

Chnɛ̀ jlǒ waě tɛ̀ɛ mɔ̀ Jùsu jěa lɛ ɛ̈ moo Fɛlesǐi wǎn wɔ̌na ini ɛ̈ moo Ɔ pea Ɔɔ mɔ̀ na nyoo dɛ fòfoa ně dlǒ le ɛ̌ sìnʼaǒ Jɔ̀ɔ̌n mǒ.

Jɔ̀ɔ̌n 4:25

È kě nynɔǒ ɔ dɛ̌a ɔ je, “Ě ji ɛle ɛ̈ moo Masaeǎ miǎě diba Ɔ̈ u dɛɛ Nyesoaa Tentǎn Jǔ. È bɛ̌ nu Bɔ̌ diǎ lě Nɔ̀ miǎ ä dɛ wùɛ wlòmo sèsaeba.”

Jɔ̀ɔ̌n 6:23

È blǎgbèa tìi sɔna diěǒ moo Tabawlìa mǒ nì bea kpǒ je keǒ tàǒ Jùsu peeaě Nyesoa tàto keǒ flɔ̌ɔ mɔ̀ Ɔ̌ nyea nɛɛ nyopò ǔ dia lɛɛ.

Wlɛ̀velesɔ̌n 11:3

Ně sàsepo kplěe sɔ̌nʼà Ě mi u kpě nyema, u mi chìnchin dale měne poba u mǐ Ně win wan sà klě jlěe tan ne bɔ̀tie le wlòmo.”