Lǔkù 6:8 - Nyesoaa Kuo Win Jajle

⁸ Kɛɛ Ɔ jia dɛ u sìɛnʼaa dlǒ mɔ̀le ne, ii tè Ɔ dala jbɛjuǒ kɔn kwamo neaea kě Ɔ dɛ̌a ɔ je Ɔ je, “Sɔn mǒ, nyna bo kěà nyopòà slè.” È nɔ̀ǒ sɔna mǒ ɔ̈ nynana bo.

Lǔkù 6:8 ပူးပေါင်းရင်းမြစ်များ

Matiɔ̌n 9:4

È tà Jùsu jiaa dɛ u sìɛnʼa dlǒ mɔ̀le, è kě Ɔ dɛ̌a u je Ɔ je, “Mɛ kɔɔ̌n tè a sìɛn neě kɛ dɛ kukǔ taeǒ dlǒ mɔ̀le?

Mǎkè 3:3

È kě Jùsu dɛ̌a jbɛjuǒ kɔn kwamo neaea je Ɔ je, “Nyna bo kěà nyopò wùɛà slè.”

Lǔkù 13:12

Tà Jùsu jěa lɔɔ, Ɔ dala ɔ bɔ diaǒ slè Ɔ je, “Nynɔ, wàn mǒ dbǐ, nè kwɛ̌ wɛ̀ le.”

Lǔkù 5:22

Jùsu jia dɛ u sìɛnʼaa dlǒ mɔ̀le le, ii tè kě Ɔ dɛ̌a u je Ɔ je, “Mɛ kɔɔ̌n tè a sìɛn neě kɛ dɛ taeǒ dlǒ mɔ̀le?

Lǔkù 6:9

È Jùsu gbɛ̀a u wan Ɔ je, “A tmɔɔ̌ Mǒ, mɛ Nyesoaa teteǎà Ɔ nyea kɛɛ Mɔ̀sě i jlɛ̌ bä nuǔ keǒ Nyesoaa defɛ waě mɔ̀? Bä nu kɛ kàan dɛ le, deě bä nu dɛ kukǔ? Bä gblà kɛ tùonyuu fònfno le, deě bä sùe nyu gbè?”

Jɔ̀ɔ̌n 2:25

Ɔ jia dɛ neaě uu wlè jleě le, ii tè ɛ sea nyu bɔ tmɔɔ̌a Nɔ uu tè.

Jɔ̀ɔ̌n 21:17

È klě wěe tan nenɛ wlòmo Jùsu gbàla Pitɛ̌ wan Ɔ je, “Saemɔ̌, Jɔ̀ɔ̌nʼɔ jǔ, noɛɛ kɛɛ̌ mǒ noe?” È wɔle beaě Pitɛ̌ mǒ no. Mɛ̌oǒ joo nɛ̀ moo wěe tan nì Jùsu wɛ̀a Ɔ̌ gbàla ɔ wan bɛ̌ nu bɔ̌ noɛɛa Ɔ mǒ. Ii tè kě Pitɛ̌ nia Ɔ kɛ̀ɛn tùtuɛ ɔ je, “Koɔn, Mò ji noǎ wùɛ měne, jì ɛle ɛ̈ moo Ě noɛɛ neè mǒ no.” È kě Ɔ dǎla ɔ je Ɔ je, “Tù Ně mɔ̀ na nyo jǐ mɔ̀ wòje keà nyu tùii blableǎ jǐ mɔ̀.

Jɔ̀ɔ̌n 9:4

Tà chnɛ̀ neě jè lee bä nu konkwa keǒ Nyuà dbo Mǒo mɔ̀. Tǒn miě diba tàà nyu slě wɔ̀ bɔ nuu konkwa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:24

Kɛɛ ke ɛ mii jleě mǒ bo tonma, bɛ̌ nu boǒ wɔ̀le je boǒ wɔ̀ ně konkwa mɔ̀ ɛ̈ Koɔn Nyesoa nye mǒo keǒ bo po Ɔɔ kàan tuposàà ɛ̈ kwɛɛǒo Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ jleě mǒ bo keǒ tùonyopo wùɛ mɔ̀, mǒà Ě se ně chɛ̀ɛ fònfno dɛ mǒ jě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:26

Klɔ̀ba Aklepà ji noǎ wùɛà ii tè měne, tèǒ nì kɔn tè bo klě ɔ mɔ̀ boɛ Ě wɔ̀le je bo kun jele plě Ě ji ɛle ɔ ji noǎ wùɛà ii tè měne. I se wewɛ̌ noǎa, i slě kotoe mǒ nuu nu.

Flepiɛ̌n 1:28

Aǎ pe aa jlae nyoo fano keǒ dɛ wùɛɛ tè mɔ̀. Dɛǒ nɛ̀ mi ɛɛ jboo dɛ tùba keǒ u mɔ̀ ɛ̈ moo Nyesoa mi u gbè sùeba, è amo mi gblàeba. Ɛ mooa Nyesoaa kɛn wɔɔn dɛ

Hiblǔ 4:13

Dɛ seɔ kmɔ̌ɔ mɔ̀ ne ɛ̈ wɛɛ̌ lee Nyesoa jǐ kɛn. Noǎ wùɛ i be mǒ pepě Ɔ̌ jě li. Nyesoaà Nɔ̀ ä kɔn bä nynanǎǒ jemǒ bo ä miǎ äa kmɔ̌ neneɛ wùɛ ɛɛ kɔ̌ntèɛ po.

1 Pitɛ̌ 4:1

Ke ɛ toon jleě mǒ bo Tentǎn Jǔu fǒ jěe sònwɛ keǒ aa tè mɔ̀, kě ba nu ke a wɛ̀ mɔ̀le keǒ ba jě sònwɛ. Mɛ̌oǒ joo nɛ̀ moo plě nyu miě kpni kukwǐ kwete mǒ sɔn, ɔɔ fǒ kɔn bɛ jě sònwɛ.

Wlɛ̀velesɔ̌n 2:23

Ě mi nyopòǒ nɛ ɔɔ mɔ̀ dbǎba ɛ̈ di ɛɛ numa Tentǎn Jǔu wǎn wùɛ mi ɛ ji ɛ̈ moo Mǒà Mǒ ji nyu wùɛɛ dlǒ mɔ̀le sìɛnʼɛ dɛ klee ɔɔ jlajlǎ dɛ. Ě mi aa do do snǒ sàba wòje dɛ aa nyu nuu.