Lǔkù 5:8 - Nyesoaa Kuo Win Jajle

⁸ Tà Saemɔ̌ Pitɛ̌ jěaa dɛǒ, è nɔ̀ǒ kɔla kwne bo keǒ Jùsu jemǒ, kě ɔ dɛ̌a ɔ je, “Koɔn, blɛ̀ɛ je Bò poǒ kpa debo. Mɛ̌oǒ joo nɛ̀ moo Ě moo dɛ kukǔ nuɔ.”

Lǔkù 5:8 ပူးပေါင်းရင်းမြစ်များ

Matiɔ̌n 17:6

Tà Ɔɔ mɔ̀ cheěn nyo wɔ̌naa winʼǒ, è nùǒ kètekee bea wan bo ü chlìaǒ blǒ mɔ̀ ble.

Matiɔ̌n 2:11

È nùǒ pala koǔ bo ǔ jěa Jijlǎeǒ Ɔ klee Ɔɔ naǎ Mɛwlě ǔ kɔla kwne bo keǒ Ɔ jemǒ ǔ sàla Ɔɔ wɛ̀. È nùǒ knana uu mǒ tèe gblɛ̀kin je le ǔ nyea Lɔ nyee noǎ, jà klò plě sonsnǒ noǎa ï kɔn tè kmaa chɔɔ u dɛɛ fnekèse klee maà.

Matiɔ̌n 8:8

Kɛɛ kě jǐgbàdiɔǒ ɔ dɛ̌a ɔ je, “Ně Koɔn, mǒà Ě seǒ je blɛɛ le keǒ Bò diě ně tà. Kɛɛ boɔ wien sosǒ ně nyebajloǒ ɔɔ kwɛ̌ mi dɛ bɔ̌ba.

Lǔkù 5:7

Ii tè u blɛɛa u bǐì tùuǒ nea lěe blǎgbè tɛ̀ɛǒ wlòmo kwete mɔ̀le bu dia lě u mǐa u mǒ sɛ̀. Tà u dia lěe, u jieěaě uu blǎgbèaa sɔ̌n wùɛǒ smì je kpankpa, ii tè i jlɛ̌ bi pala.

Lǔkù 5:9

È tè kɔn tè ɔ dɛ̌a bòo nɛ̀ moo nyopò wùɛǒ klee ɔɔ sɔ̌n neaǒo tàǒ i kaenʼa u le wlò keǒ smì fòfoa taeǒ u sàlaa mɔ̀.

Jɔ̀ɔ̌n 11:32

Tà ɔ nyniaǒo tùɔnʼǒ kɔn kɛn Jùsu neaǒo ɔ jěa Lɔɔ, è nɔ̀ǒ kɔa kwne bo keǒ Jùsuu be wɔ̀ɔn, kě ɔ dɛ̌a ɔ je, “Koɔn, bɛ̌ nu Bò nee tùɔn kɛn, è ně mamǔà ɔ see kǒ.”

1 Kwnɛtiɛ̌ 13:12

Klě tǐà wlòmo äǎ jě Nyesoa tɛɛ wòje ke ä ni äa chɛ̀ jejeɛ̌ klě jělaě wlòmo, kɛɛ ä miǎ Ɔ jěba Ɔ klee ämo ä miǎ jeja popoo lo. Klě tǐà wlòmo dɛ wùɛ ɛ̈ kwɛɛǒo Nyesoa jleě mǒ bo Ě ji ɛɛ wakěe tìe sosǒ. Kɛɛ Ě miǎ noǎ wùɛ jiba keǒ Nyesoa jleě mǒ wòje keǒ Ɔ nuu noǎ wùɛ jijiɛ kěàǎ jleě mǒ.

Wlɛ̀velesɔ̌n 1:17

Tà Ě jěa Lɔɔ, Ě pɛnaǒ Ɔ be wɔ̀ɔn bo keà nyu kǒo. È Ɔɔ dilǎ son nɛ̀ Ɔ mǎnaǎ kɛn bo, kě Ɔ dɛ̌a Ɔ je, “Fano bɛ bɔ̌ɔ̀ nunuɛ, Mǒ moo Klekle Nyu klee Demǒ Bɔɔ̌ Nyu