Lǔkù 5:5 - Nyesoaa Kuo Win Jajle

⁵ Saemɔ̌ tùa Lɔ kɛ̀ɛn ɔ je, “Chì Kpa Ämo, tǒn jlǒ waě gblèeà mɔ̀ ä po tata ä se dɛɛ̌dɛ̀ɛ sà, kɛɛ ke ɛ toon jleě mǒ bo È boɔ lii ä mi tataà ně mǒ poba.”

Lǔkù 5:5 ပူးပေါင်းရင်းမြစ်များ

Lǔkù 17:13

u pea win nya u je, “Jùsu, Chì Kpa Ämo, jbo ä wɔle je!”

Lǔkù 8:24

Ii tè Ɔɔ mɔ̀ cheěn nyo muaě Ɔ mɔ̀ ǔ sàla Ɔ momnɔ mǒ, è kě u dɛ̌a u je, “Chì Kpa Ämo, Chì Kpa Ämo, ä kwě leàò!” È Nɔ̀ǒ dǔa jemǒ Ɔ̌ tmɔɔ̌a pìpia klee jbodoěǒ bi poa kpee, è nìǒ tbala bo.

Lǔkù 8:45

È kě Jùsu nia u wan gbògba Ɔ je, “Mɔ tǒǒ kɛ Mǒ le?” È nyopò wùɛ u chènchnɛaa měne, ii tè kě Pitɛ̌ dɛ̌a ɔ je, “Chì Kpa Ämo, nyopòà u tbɛɛ leè dǐ plě ǔ tuntuwǐi ni ǔ diěè jǐ mǒ.”

Lǔkù 9:33

Tà tàii sɔ̌nʼǒ u sonwɛaǒ Ɔɔ gbàa mǒ, è kě Pitɛ̌ dɛ̌a Jùsu je ɔ je, “Chì Kpa Ämo, ɛ nu tɛɛ ä neà tùɔnʼà kɛn. Sɔnʼǒ ä mɔ̀ mǒ bä po bleaa tan, do keǒò mɔ̀, do keǒ Mɔ̀sě mɔ̀, è do keǒ Ilaejɔ̀ mɔ̀.” Pitɛ̌ sea dɛ ɔ boɛaa ji.

Lǔkù 9:49

È kě Jɔ̀ɔ̌n dɛ̌a Jùsu je ɔ je, “Chì Kpa Ämo, ä jě nyu tɔ̀ɔ ɔ̌ sɛ̀ lě nyopò kǔ sìsi ja le ɔ̌ ni Nè nynɛ̌ plě ɔɔ̌ na ä mɔ̀, ii tè ä kan ɔ je.”

Jɔ̀ɔ̌n 15:14

Bɛ̌ nu bǎ ke dɛà Ě tmɔɔ̌ amoo ni, è a moo Ně nenawa.

Jɔ̀ɔ̌n 2:5

È kě Ɔɔ naǎ dɛ̌a nyebajleǒ niaa blěpa nyoo konkwa je ɔ je, “Dɛ wùɛ Bɔ̌ tmɔɔ̌ amo a nu ɛ.”

Jɔ̀ɔ̌n 21:3

È kě Saemɔ̌ Pitɛ̌ dɛ̌a ɔɔ bǐì je ɔ je, “Ě mi pǎba.” È u tmɔɔ̌a nɔ u je, “Ä miì de nama.” Ii tè uu wùɛ u dǔa jemǒ ǔ beaě blǎgbè chěnchaě wan ǔ muaě ně kɛn ǔ mua pǎba, u pǎla tǒn jlǒ waě gblèe mɔ̀, kɛɛ u sea dɛ jě.