Lǔkù 5:17 - Nyesoaa Kuo Win Jajle

¹⁷ Chnɛ̀ jlǒ waě tɛ̀ɛ mɔ̀ Jùsu kea tee le, è Nyesoaa kpě neaě Ɔ ja, ii tè Ɔ̌ peana nyopò ü kweǎ niaa. Fɛlesǐi wǎn klee teteǎ tee nyo ü sɔnaa Jlǔsnɛ mǒ klee deě wùɛǒ nea lěe Jàlalǐi wakǎ klee Jùdǐa wakǎ kɛn u nea kɛn tùɔn.

Lǔkù 5:17 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Matiɔ̌n 15:1

È Fɛlesǐi wǎn klee teteǎ tee nyoo tìe sɔnaě Jlǔsnɛ mǒ ǔ diaě Jùsu mɔ̀ ǔ gbàla Ɔ wan u je,

Mǎkè 1:45

Ii tè jbɛjuǒ ɔ̌ piea chɔ̀no, kɛɛ ɔ sea kpee po ɔ̌ tùngmaea imo tèǒ le gbɛ̀tɛɛa. Dɛǒ nɛ̀ nua nɛ Jùsu Ɔɔ̌ mua kɛ̀ě dě fòɛ kɛn, ii tè deěǒ kɔn kɛn nyopò seaǒo fò nì Ɔ nɛa kɛ̀ kɛne, kɛɛ kaǒ nyopò sonwɛa deě kɛn měne ǔ miaě Ɔ mɔ̀.

Mǎkè 16:18

Uu nyu bɔ̌ nu son bɔ̌ dǔ smɛ mǒ, ɛ se ɔ dɛ mǒ numa mu. Uu nyu bɔ̌ nǎ dɛà u poo kwɛ̌ mɔ̀, ɛ se ɔ dɛ mǒ numa mu. Bǔ poǒ kmakma nyu son dlǒ bo, ɔɔ kwɛ̌ mi dɛ bɔ̌ba.”

Mǎkè 3:22

Kɛɛ teteǎ tee nyo tùu ü sɔnaa Jlǔsnɛ mǒ, kě u dɛ̌a u je, “Biɛsìbo ɔ̈ moo kǔ sìsi je siɔ nɔ̀ǒ neě Ɔ ja ɔ nye Ɔ kpěǒ Ɔ̌ sɛ̀ě nyopò kǔ sìsi ja le.”

Mǎkè 5:30

Tǐi doo tǐ jleě è Jùsu jěa ɛle ɛ̈ moo kpě sɔnaě Ɔ mǒ, ii tè Ɔ chèa diblɛ̌ǒ ja Ɔ̌ gbɛ̀a u wan Ɔ je, “Mɔ toǒ kɛ Ně dalo le?”

Mǎkè 7:1

Chnɛ̀ jlǒ waě tɛ̀ɛ mɔ̀ Fɛlesǐi wǎn klee teteǎ tee nyoo tìe sɔna Jlǔsnɛ mǒ ǔ diaě Jùsu mɔ̀ ǔ tbɛɛa Ɔ dǐ.

Lǔkù 15:2

È Fɛlesǐi wǎn klee teteǎ tee nyo boboɛɛa wan le u je, “Nyuà Ɔ kme kpni kukwǐ nyo jebo u klee Ɔ diiǒ dɛ tàa do.”

Lǔkù 2:46

Chnɛ̀ jlǒ wěe tan nì sìnʼa plě ǔ jěa Lɔ klě Nyesoaa kǎ fòɛ bo Ɔ̌ nea lě Nyesoaa teteǎ tee nyo slè bo Ɔ̌ pea u nɔkǔ jebo plě Ɔ̌ gbɛ̀a u wan le.

Lǔkù 5:21

È teteǎ tee nyo klee Fɛlesǐi wǎn nùǒ tùngmaea dlǒ le sìɛnsiɛn u je, “À Nyu taeà kɛ Ɔ̈ peě Nyesoa fla wan? Nyu tae wɔ̀le je bɔ̈ poo loǒ kɛ tùonyuu kpni kukwǐi tè wlò le? Ɛ̀ sìnʼǒ Nyesoaa do!”

Lǔkù 5:30

Fɛlesǐi wǎnʼa tìe klee teteǎ tee nyoo tìe ü mooaa Fɛlesǐi wǎn ke nù boboɛɛa wan le ü gbɛ̀a Jùsuu mɔ̀ cheěn nyo wan u je, “Mɛ kɔɔ̌n tè a klee dlǒ wlě tɛ̌n nyo klee kpni kukwǐ nyo tùu a dii liǐ kɛǒ dɛ tàa do?”

Lǔkù 6:19

Diblɛ̌ wùɛ u jlɛ̌ bu tǒa Ɔ le. Mɛ̌oǒ joo nɛ̀ moo kpě sonwɛaě Ɔ ja mǒ ï peɛna nyopò wùɛ.

Lǔkù 7:30

Kɛɛ Fɛlesǐi wǎn klee teteǎ tee nyo seaǒ Jɔ̀ɔ̌n mɔ̀ mǒ sɔn ɔ sea u ně dlǒ po. Dɛǒ nɛ̀ u nua ǔ sàla Nyesoaa ble po dɛ jleě mɔ̀.

Lǔkù 8:46

Kɛɛ Jùsu je, “Nyu tɔ̀ɔà tǒǒ le. Mɛ̌oǒ joo nɛ̀ moo Ě ji ɛle kpě sɔn nɔɔ̌ mǒ ï pean nyu tɔ̀ɔ.”

Jɔ̀ɔ̌n 3:10

È Jùsu gbàla ɔ wan Ɔ je, “Mòà moo kɛɛ Ǐsòwɛ̌ kwɛɛn tee nyu mòà ɔɔ̌ jbo tèà Ě boɛɛ lee?

Jɔ̀ɔ̌n 3:21

Kɛɛ nyu wùɛ ɔ̈ tùiǒo Nyesoaa kàan winʼà bo, ɔ diɔ Pepě mǒ ɛ̈ di ɛɛ numa ɔɔ nunu noǎ wùɛ i mǐ Pepě mǒ be plě Pepěǒ Ɛ mǐ ɛ tee le ɛ̈ moo ɔ ni Nyesoa dɛ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 19:11

Nyesoa nia wlòlekaen noǎ klě Pɔ̀ɔ̌ mǒ ï u sěɛ pnɔɔ jě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:30

Nye ä Nè kpě ɛ̈ di ɛɛ numa ä mǐ nyopò pean klee ä mǐ wlòlekaen noǎ klee wan bo kàe noǎa nu klě Nè ngmà je ne Nyebajlo Jùsuu nynɛ̌ wlòmo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:34

kɛɛ Fɛlesǐi wǎnpòi u dɛɛa Kamilìa ɔ̈ mooa tè tù nyoo nyuu do nɔ̀ nynana bo ɔ̈ tmɔɔ̌a nyopò bu piěaǒ Nyesoaa tuposà kpa nyoǒ plomǒ klě tǐ gbei wlòmo. Kamilìaǒ ɔ mooa teteǎà Nyesoa nyeaa Mɔ̀sě ii tee nyu, è nyopò wùɛ jěa ɔ mǒ nyu.