Lǔkù 5:14 - Nyesoaa Kuo Win Jajle

¹⁴ È Jùsu tmɔɔ̌a nɔ Ɔ je, “Nè tmɛɛ̌ nyu wùɛ keǒ dɛà kpaa tùɔn keǒò jleě mǒ ɛɛ tè, kɛɛ mu dìe Nyesoaa kpatòapoi je te ɔ mǐì fǒ měne tan, è bò pi chɔ̀no keǒ Nyesoa mɔ̀ wòje keǒ teteǎà Nyesoa nyeaa Mɔ̀sě i dǎa ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Lǔkù 5:14 ပူးပေါင်းရင်းမြစ်များ

Matiɔ̌n 10:18

U miǎ a kpaba klě kòngmna nyefòapo klee klɔ̀bapoo jemǒ keǒ ba po Ně tè kàan tè, a miǎ Ně sàsepo tù keǒ u mɔ̀ klee klě kuodakwɛ̌ mɔ̀.

Matiɔ̌n 12:16

È Ɔ tmɔɔ̌a u buǔ tmɛɛ̌a nyu wùɛ nyu tae Ɔ mooa.

Matiɔ̌n 8:4

È kě Jùsu dɛ̌a ɔ je Ɔ je, “Tanàle, nè tmɛɛ̌ nyu wùɛ keǒ dɛà ɛɛ tè mɔ̀, kɛɛ mu dìe Nyesoaa kpatòa je te, bɔ̌ poo loò kòo kɛn mì dɛǒ Nyesoaa tetěǒ Ɔ nyeaa Mɔ̀sě ɛ tmɔɔ̌ uu nu, mì chɔ̀no pi ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Matiɔ̌n 9:30

È tǐi doo tǐ jleě è nùǒ kɔn jǐǒ knana. È Ɔ maěaě u chìjoɛɛ nɔkǔ mǒ bo Ɔ je, “Baǎ tmɛɛ̌ nyu wùɛ dɛà ɛɛ tè.”

Mǎkè 1:44

kě Ɔ dǎla ɔ je Ɔ je, “Tanàle, nè tmɛɛ̌ nyu wùɛ dɛà ɛɛ tè, kɛɛ mu dìe Nyesoaa kpatòa je te ɔ mǐì fǒ měne tan, bɔ̌ poo loò kòo kɛn, mì dɛǒ Nyesoaa tetěǒ Ɔ nyeaa Mɔ̀sě ɛ tmɔɔ̌ uu mì ɛ nu mì chɔ̀no pi ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Mǎkè 6:11

È bǎ nyniǒ tà, bɛ̌ nu bǔ se a jebo kme plě bǔ se aa win nɔkǔ jebo po, è ba sɔnʼǒ tàǒ mǒ. Bǎ ke mi a gbàpo aa be mǒ a sà pǔpu be le ɛ mǐ ɛ ù tee le ɛ̈ moo Nyesoaa plɔ se u kɛn bloo lo.”

Lǔkù 17:14

Tà Ɔ jěa luu Ɔ je, “A mu aa chɛ̀ Nyesoaa kpatòapoo je te bu tan ä fǒ měne ɛ̈ moo a wɛ̀ sìnɛ.” È tà u keaa mi, è nùǒ kɔn kwɛ̌ bɔ̌a dɛ keǒ snǔ mɔ̀ ü wɛ̀a sìnɛ.

Lǔkù 5:13

È Jùsu pnɛ̌a Ɔɔ son mǒ Ɔ̌ gbèa jbɛjuǒ mɔ̀ Ɔ je, “Ě wɔɔn ɛ kɛn, wɛ̀ sìnɛ.” Tǐi doo tǐ jleě è bale nìǒ tɛa jbɛjuǒ bo.

Lǔkù 9:5

Bɛ̌ nu diě kwɛɛnʼǒ bǔ se a jebo kme, è ba sà pǔpu be le a miě diěǒ wlòmo sɔn, nɛ̀ mi ɛ teeba ɛ̈ moo Nyesoaa plɔ se u kɛn bloo lo.”