Lǔkù 4:8 - Nyesoaa Kuo Win Jajle

⁸ È Jùsu tùa lɔ kɛ̀ɛn Ɔ je, “Ɛ chleě le klě Nyesoaa win wlòmo ɛ̈ moo, ‘Ɔmo Koɔn Nyesoaa doǒ Nɔ̀ kɔn wɛ̀ nyu wùɛ bɔ sà plě Nɔ̀ bɔ neeě bobo.’ ” (Deut 6.13)

Lǔkù 4:8 ပူးပေါင်းရင်းမြစ်များ

Matiɔ̌n 16:23

Kɛɛ Ɔ chèa Pitɛ̌ ja Ɔ je, “Sɔ̀, mò Setɛ̀nʼà, sɔ̀nʼàǎ jleě mǒ, mòo jebo chnimae dɛ keàǎ mɔ̀. Nè dlǒ le sìɛnsiɛn moo tùonyuu dlǒ le sìɛnsiɛn, ɛ se Nyesoaa dlǒ le sìɛnsiɛn.”

Matiɔ̌n 4:10

È kě Jùsu dɛ̌a kǔ je Ɔ je, “Setɛ̀n, ɛ chleě le klě Nyesoaa win wlòmo ɛ̈ moo, ‘Koɔn Nyesoaa doǒ Nɔ̀ kɔn wɛ̀ nyu wùɛ bɔ sà plě Nɔ̀ kɔn konkwa nyu bɔ nu. Sìn mù.’ ” (Deut 6.13)

Lǔkù 4:4

Kɛɛ Jùsu tùa ɔ kɛ̀ɛn Ɔ je, “Ɛ chleě le klě Nyesoaa win wlòmo i je, ‘Tùonyugbe bɔɔ̌ nee didi dɛɛ do kmɔ̌.’ ” (Deut 8.3)

Lǔkù 4:7

Tèǒ nì kɔn tè bɛ̌ nu Bò sà ně wɛ̀, ii wùɛà Ě mi niì nyema.”

Jìmǐse 4:7

Tèǒ nì kɔn tè a tìe aa chɛ̀ ja keǒ Nyesoa jemǒ. A tba kǔu noǎ kàkae je ɔ mi a je plùba.

1 Pitɛ̌ 5:9

A nyna bo kpankpa klě aa tè wlò popoɛ mǒ ɛ̈ a kɔnʼɔ klě Tentǎn Jǔ mǒ a mǐ ɔ je wɔ̀n. Dɛ ɛ nuu nɛ̀ moo a ji ɛle ɛ̈ moo aa bǐì Tentǎn Jǔu wǎn wùɛà neɔɔ kmɔ̌ɔ mɔ̀ imo sònwɛ jě noǎa doǒ nì u bɛɛ̌ě wlòmo tìe.

Wlɛ̀velesɔ̌n 19:10

È nɔ̀ǒ Ě kɔaǒ kwne jemǒ bo Ě mǐa ɔɔ wɛ̀ sà, kɛɛ kě ɔ dǎlaǎ je ɔ je, “Bɔ̌ ɛ nunuɛ! Ě moo Nyesoaa nyebajlo wòje keǒ mò klee bìì Tentǎn Jǔu wǎn aa ka nee je ü tmɛɛ̌ nee Jùsuu tè nyopò tùu. Sà Nyesoaa wɛ̀, nè sɛ̀ ně wɛ̀. Dɛ kɔn tè wnɔsà winʼà i sàa lee wan nɛ̀ moo keǒ bo Jùsuu tè bi mǒ nyopò tmɔɔ̌ no.”

Wlɛ̀velesɔ̌n 22:9

Kɛɛ kě ɔ dǎlaǎ je ɔ je, “Bɔ̌ ɛ nunuɛ, Ě moo Nyesoaa nyebajlo wòje keǒ mò klee bìì Nyesoa nyoo ka nee je ü moo Ɔɔ wnɔsàɔpo plě klee nyopò wùɛ ü poo winʼà neɔɔ chněedɛ̌ɔ wlòmo ii tè kàan tè. Sà Nyesoaa wɛ̀, nè sɛ̀ ně wɛ̀!”