Lǔkù 4:41 - Nyesoaa Kuo Win Jajle

⁴¹ Tà Ɔ keaa dɛǒ ni, è kǔ sìsi fòfoa sonwɛaě nyopò ja měne ǐ pnɛ̌a dɛ jleě le i je, “Mòà Mò moo Nyesoaa Jǔ!” Kɛɛ Ɔ tmɛɛ̌a ni bi poa kpee bi bɔ̌a Ɔɔ tè kɛne sèsaea. Mɛ kɔɔ̌n tèǒ joo nɛ̀ moo i jia ɛle ɛ̈ moo Nɔ̀ moo Nyesoaa Tentǎn Jǔ.

Lǔkù 4:41 ပူးပေါင်းရင်းမြစ်များ

Matiɔ̌n 26:63

Kɛɛ Jùsu sea ɔ kɛ̀ɛn tù. Ii tè kě bodiɔǒ ɔ dɛ̌a ɔ je, “Klě Kmɔ̌ ne Nyesoaa nynɛ̌ wlòmo, tmɔɔ̌ ämo tàǒ nynaǒo bo Bò moo Nyesoaa Jǔ Ɔ̈ moo Ɔɔ Tentǎn Jǔ.”

Matiɔ̌n 4:3

È kǔà mia lě Ɔɔ měne tɛ̀nma ɔ̀ diaě Ɔ mɔ̀, kě ɔ dɛ̌a Ɔ je ɔ je, “Bɛ̌ nu sɛjesɛ Bò moo Nyesoaa Jǔ, è Bò tmɔɔ̌ seɛ̌à i mǐ flɔ̌ɔ ponpnɔ no Mì di.”

Matiɔ̌n 8:16

Klě wìtie waěǒ wlòmo u jalaě nyopò fòfoa ü kǔ sìsi nea lěe ja, Jùsu tmɛɛ̌a kǔ sìsiǒ bi sɔnaě nyopòǒ ja měne bi mua Ɔ̌ paena nyopò tùu ü kɔn wùɛ kweǎ niaa ke.

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Matiɔ̌n 8:4

È kě Jùsu dɛ̌a ɔ je Ɔ je, “Tanàle, nè tmɛɛ̌ nyu wùɛ keǒ dɛà ɛɛ tè mɔ̀, kɛɛ mu dìe Nyesoaa kpatòa je te, bɔ̌ poo loò kòo kɛn mì dɛǒ Nyesoaa tetěǒ Ɔ nyeaa Mɔ̀sě ɛ tmɔɔ̌ uu nu, mì chɔ̀no pi ɛ mǐ ɛ nyopò wùɛ tee le ɛ̈ moo wɛ̀ sìnɛ.”

Mǎkè 1:25

È Jùsu soa kǔ sùsuǒ lo, Ɔ je, “Sɔ̀, po kpee, sɔnʼě jbɛjuǒ ja mǒ!”

Mǎkè 1:32

Tà wɛn palaa klě wìtie wlòmo, nyopò wùɛ kweǎ niaa klee nyopò wùɛ kǔ sìsi neaa ja le nù u jalaě Jùsu mɔ̀.

Mǎkè 1:34

Ɔ peana nyopò fòfoa ü kweǎa doědoe nea lěe mǒ Ɔ̌ sɛ̀aě u kǔ sìsi fòfoa ja le. Kǔ sìsiǒ i jia Ɔlo ɛ̈ moo Nɔ̀ mooa Nyesoaa Tentǎn Jǔ, ii tè Ɔ seaǒ i mɔ̀ mǒ sɔn keǒ bi boɔa wien.

Mǎkè 3:11

È tà nyopò tùuǒ kǔ sìsi neaa ja le u jěa Lɔɔ, u beaǒ Ɔ jemǒ bo ǔ pnɛ̌a le u je, “Mòà Mò moo Nyesoaa Jǔ!”

Lǔkù 4:39

È Ɔ mua Ɔ̌ funʼaǒ nynɔǒ dlǒ mǒ bo Ɔ̌ tmɔɔ̌a fèflɛǒ neaě ɔɔ fǒ mǒ bɛ bɛ̌a klě ɔ ja. È nɛ̀ǒ bɛ̌a klě ɔ ja. È tǐi doo tǐ jleě nynɔ nɔ̀ǒ dǔa jemǒ ɔ̌ kpɛaǒ nyopòǒ didi dɛ jemǒ.

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jìmǐse 2:19

Po kɛ i mǒ kàan tè ɛ̈ moo Nyesoa ne do sosǒ le? I moo kàan tè, kǔ sìsii chɛ̀ po i kàan tè, ii fě sèn le keǒ fano sosǒ mɔ̀.