Lǔkù 4:34 - Nyesoaa Kuo Win Jajle

³⁴ kě ɔ dɛ̌a ɔ je, “Ǎ! Mɛ jlɛ̀ Bò nuǔ kɛ ä mǒ Jùsu Ɔ̈ kɔn lěe Nǎsòwɛ̌? Dì kɛ lě Bò mì ä gbè sùe le? Ä ji Nyu tae mònoo no, Mò moo Ngmà Je Ne Nyuà Nyesoa dboo!”

Lǔkù 4:34 ပူးပေါင်းရင်းမြစ်များ

Matiɔ̌n 8:29

Tà u jboaa Jùsu, u pnɛ̌a dɛ jleě le u je, “Nyesoaa Jǔ, mɛ jlɛ̀ Bò nuǔ kɛ ä mǒ? Dì kɛɛ̌ le Mì ä sònwɛ tù plě tǐ miǒ nyni le?”

Mǎkè 1:24

kě ɔ dɛ̌a ɔ je, “Mɛ jlɛ̀ Bò nuǔ kɛ ä mǒ, Jùsu Ɔ̈ kɔn lěe Nǎsòwɛ̌ dǐa? Dì kɛɛ̌ le Bò mi ä gbè sùe le? Ä ji Nyu tae mòo no, Mòo Nyesoaa Ngmà Je Ne Nyu!”

Mǎkè 1:34

Ɔ peana nyopò fòfoa ü kweǎa doědoe nea lěe mǒ Ɔ̌ sɛ̀aě u kǔ sìsi fòfoa ja le. Kǔ sìsiǒ i jia Ɔlo ɛ̈ moo Nɔ̀ mooa Nyesoaa Tentǎn Jǔ, ii tè Ɔ seaǒ i mɔ̀ mǒ sɔn keǒ bi boɔa wien.

Mǎkè 5:7

ɔ̌ pnǎna dɛ jleě klě kpě kɛn ne win wlòmo ɔ je, “Jùsu, Ja Tmɔ Nyesoaa Jǔ, mɛ jlɛ̀ Bò nuǔ kɛɛ̌ mǒ? Ě bɛ̀teè le keǒ Nyesoaa tè mɔ̀, Nè tùiǐ sònwɛ!”

Lǔkù 1:35

È najiǒpòiǒ ɔ tùa ɔ kɛ̀ɛn ɔ je, “Ngmà Je Ne Sùsu Nɛ̀ miěè mǒ diba, Ja Tmɔ Nyesoaa kbě miěè mǒ be. Tèǒ nì kɔn tè ngmà je ne Jijlǎeǒ mìi kɔnma u mi Ɔ Nyesoaa Jǔ daeba.

Lǔkù 4:33

Ɛ kɔna nyu tɔ̀ɔ ɔ̈ nea lěe Nyesoa koǔǒ bo kǔ sùsu nea lěe ja, ɔ pnɛ̌a dɛ jleě le ke ɔ nuaě ɛɛ wòwɔ,

Lǔkù 4:41

Tà Ɔ keaa dɛǒ ni, è kǔ sìsi fòfoa sonwɛaě nyopò ja měne ǐ pnɛ̌a dɛ jleě le i je, “Mòà Mò moo Nyesoaa Jǔ!” Kɛɛ Ɔ tmɛɛ̌a ni bi poa kpee bi bɔ̌a Ɔɔ tè kɛne sèsaea. Mɛ kɔɔ̌n tèǒ joo nɛ̀ moo i jia ɛle ɛ̈ moo Nɔ̀ moo Nyesoaa Tentǎn Jǔ.

Lǔkù 8:28

Tà ɔ jěaa Jùsu, ɔ pɛnaǒ Ɔ jemǒ bo ɔ̌ pnɛ̌a le ke ɔ nuaě ɛɛ wòwɔ ɔ je, “Jùsu! Ja Tmɔ Nyesoaa Jǔ! Mɛ jlɛ̀ Bò nuǔ kɛɛ̌ mǒ? Ě bɛ̀teè le, Nè tùiǐ sònwɛ!”

Lǔkù 8:37

Ii tè nyopò wùɛǒ sɔna lěe blěǒ kɛn mǒ ï tbɛɛaa diěǒ moo Kedawlà dǐ, u tmɔɔ̌a Jùsu u je, “Mu de.” Mɛ̌oǒ joo nɛ̀ moo ɛ poa u wan bo kètekee. Ii tè è Nɔ̀ǒ beaě blǎgbè chěnchaě wan de Ɔ mǐa mu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:39

Ii tè uu chɛ̀ mua ǔ nyea Pɔ̀ɔ̌ klee Salě kɛ̀ɛn ǔ kmea u son jleě ǔ sàlaě u wùlo ǔ tmɔɔ̌a nu bu sɔnaě uu dě fòɛǒ wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:27

ɛ̈ moo sèǒǒ bo siba mu klě kokǒ nyoo blětà plě sèǒǒ mɔ̀ mǒ sɔnma mu Ě se sɔ̀nma mu, Mǒà moo Nèe wlò kpae Nyebajlo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:14

A sàla Ngmà Je Ne Nyu Ɔ̈ moo Jebo Siǐn Nyu jleě mɔ̀ ǎ tmɔɔ̌a Pàlɛ̌te bɔ tɛa mnùngma poɔ bo keǒ a mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:27

U kpɛɛa uu win nya u je, “Dɛɛ teěn nɛ̀à kpa tùɔn, klɔ̀ba Hɛwlǒ klee klɔ̀ba Pɔntìɔ Pàlɛ̌te beǒ tàa do kělɔ dě fòɛà wlòmo u klee kuodakwɛ̌ klee Ǐsòwɛ̌ kwɛɛn ǔ po dɛ kukǔ ble keǒ Nè Ngmà Je Ne Nyebajloà dbòo jleě mǒ Ɔ̈ moo Jùsu.

Hiblǔ 2:14

Nyesoaa jlǔ kɔn fǒ klee nymɔ, ii tè Jùsu wǒ u je ke Ɔ̌ kɔna tùonyu fǒo doǒ ɛ̈ di ɛɛ numa Ɔɔ kokoɛ̌ Ɔ kǒaa Ɔ mǐa ɛ nu Ɔ mǐa kǔu kpě gbè sùe ɔ̈ kɔnʼɔ kokoɛ̌ kpě win kwa

Jìmǐse 2:19

Po kɛ i mǒ kàan tè ɛ̈ moo Nyesoa ne do sosǒ le? I moo kàan tè, kǔ sìsii chɛ̀ po i kàan tè, ii fě sèn le keǒ fano sosǒ mɔ̀.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.

Wlɛ̀velesɔ̌n 20:2

Ɔ kmea dɔsmɛǒ ɔ̈ moo smɛ dakǎ ɔ̈ kɔn nynɛ̌ moo kǔ ɔ̀ɔ̌ Setɛ̀n, ɔ̌ nua chěen ɔ̌ pìnʼa nɔ klě jlěe taslěwae wlòmo.

Wlɛ̀velesɔ̌n 3:7

È kě Jùsu dɛ̌aǎ je Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛǒ moo Feledɛfìa kɛn, kě bò dǎ ɔ je u je, ‘Tuposàà ɛ sɔnʼě mǒ mɔ̀ Nyuà Ɔ̈ nee Ngmà Je klee Ɔ̈ moo Wlò Kpae Nyu Ɔ̈ blěe klɔ̀ba Dèběsee gbàadɛ̌. Dɛà Ɔ knaa je nyu slě wɔ̀ bɔ kan ɛ je, è dɛà ɔ kanʼa je nyu slě wɔ̀ bɔ kna ɛ je.