Lǔkù 4:25 - Nyesoaa Kuo Win Jajle

²⁵ È Ě jlɛ̌ Bo wa wèe Bo nye a konwě, tǐǒ jleě Nyesoaa wnɔsàɔ Ilaejɔ̀ neaa kmɔ̌ nǔ sea dba klě jlěe tan ne bɔ̀tie le wlòmo, dodopà beaě blǒ wùɛǒ wlòmo, è ɛ kɔna Jùwɛ nyo fòfoa ü mooa koti nyno ü nea lěe Ǐsòwɛ̌ kɔn blǒǒ wlòmo.

Lǔkù 4:25 ပူးပေါင်းရင်းမြစ်များ

Matiɔ̌n 20:15

Aa wlò je ɛ se kɛǒ le wɛɛn ne keǒ dɛà ně wlò poo ble boǒ nu něe wlě mǒ boǒ nu ɛɛ ì mǒ le? A ni kɛ chea keǒ ně kwa nmɔnmɔɔ tè mɔ̀le?’ ”

Lǔkù 10:21

Klě tǐǒ wlòmo Ngmà Je Ne Sùsu nua Jùsuu plɔ ɛ̌ bloa, kě Ɔ dɛ̌a Ɔ je, “Ně Gbeǐ Ɔ̈ kɔnʼɔ jɔkɛn klee kmɔ̌ win kwa, Ě peè tàto keǒ noǎǒ Bò di li kmɔ̌ɔ tɔ̀n kɔn nyo klee de ji nyo jǐ kɛn wɛ̌ɛ le plě Bò dì li pepě mǒ po keǒ nyopòà see dɛ ji mɔ̀. Kòo, Ně Gbeǐ, ɛmo dɛǒ nɛ̀ moo Nè kɛn wɔɔn dɛ.”

Wlǔmɔ 9:15

Ba jě ke Nyesoa dǎlaa Mɔ̀sě je Ɔ je, “Ě mi wɔle je jbojbɛ kɔnma keǒ nyopòà Ě jlɛ̌ Boǒ jboo wɔle je mɔ̀. Ě mi nyopòà Ě jlɛ̌ Boǒ noɛɛ mǒo mǒ noɛɛma.” (Ex 33.19)

Wlǔmɔ 9:20

Kɛɛ mòà monoo tùonyugbe, à kpě tae kɔ̀ɔ̌n kɛ è jɛɛ leě wun de kělɔ Nyesoa mɔ̀? Dɛ̌ɛ̀ jagbee ɛɛ̌ gbà nyuǒ nu ɛ wan ɛ̈ moo, “Mɛ kɔɔ̌n tè nùǔ bo mǒ nunuɛ?”

Ifisiɛ̌n 1:11

nɛ̀ nu ɛ Nyesoa tbala ämo sɔɔnʼě kmɔ̌à ɛɛ wlò tùla mǒ. Ɔ ni dɛ wùɛ ke Ɔ nu ɛɛ ble popoɛ, ii tè dɛǒ nɛ̀ mooa Ɔɔ ble po dɛ

Ifisiɛ̌n 1:9

Ɔ̌ po Ɔɔ je wɛ̌ dɛà pepě mǒ keǒ ä mɔ̀ ɛ̈ kɔn tè Ɔ dboaa Tentǎn Jǔ kělɔ kmɔ̌ɔ mɔ̀. Ɔ moo kàan, ii tè sɔɔnʼě kmɔ̌à ɛɛ wlò tùla mǒ Ɔ poa ɛmo je wɛ̌ dɛǒ ble.

Jìmǐse 5:17

Nyesoaa wnɔsàɔ Ilaejɔ̀ nɔ̀ moo ɛɛ jboo dɛ ɔ̈ mooa tùonyu wòje keà äa ka nee je. Tǐǒ jleě ɔ mǎnaě sèn bo ɔ̌ bàtea Nyesoa keǒ bo nǔ bɛɛ̌ dbɛa, nǔ sea dba klě blǒǒ wlòmo ɛ̌ kpala jlěe tan ne bɔ̀tie le.

Wlɛ̀velesɔ̌n 11:6

Tǐǒ jleě sàsepoo sɔ̌nʼǒ u mii Nyesoaa win wan sàba, u kɔn kpě keǒ bu kan nǔ je klě jɔ mǒ ɛɛ̌ di dba plě u kɔn kpě ke keǒ bu bitǐ ně bo bɛ nu nymɔ plě u kɔn kpě bu poɔ dɛ kukǔ jakǎ wùɛ kělɔ kmɔ̌ɔ mɔ̀ ke u mi ɛɛ sòasoa numa.