Lǔkù 4:23 - Nyesoaa Kuo Win Jajle

²³ È kě Ɔ dɛ̌a u je Ɔ je, “Tǐ tìi tà a miǐ ninɔ̌à je poba ɛ̈ moo, ‘Dɛjǐɔ pean Dìe’ plě a mǐ bò dǎ ɛ̈ moo, ‘Ä wɛ̌n noǎ fòfoa ï nùu klě Kapanìa dǐa, nu ii doà ke kělɔ Nè chɛ̀ɛ dǐa.’ ”

Lǔkù 4:23 ပူးပေါင်းရင်းမြစ်များ

Matiɔ̌n 13:54

Ɔ̈ mua lě Ɔɔ chɛ̀ɛ dǐa ɛ̈ moo Nǎsòwɛ̌, klě Ɔ teea lě nyopò klě Jùwɛ nyoo Nyesoa keǐ bo ble le. È nyopò wùɛ ü nea lěe i kaenʼa u le wlò, kě u dɛ̌a u je, “È tà Nyuà Ɔ sɛ̀ɛ̌ kɛ Ɔɔ tɔ̀n klee kpě taeà?

Matiɔ̌n 4:13

Ɔ bɛɛ̌aě Nǎsòwɛ̌ diě wlòmo tìe Ɔ̌ mua lě Kapanìa dǐa klě Ɔ nea lě. Kapanìa neaǒ Jàlalǐi jbǒ wien keǒ dakwɛ̌ dlěǒ moo Sɛbìlɔn klee Nɛfetelà uu blǒo tnòa kɛn.

Matiɔ̌n 4:23

Tà dɛǒ ɛ sìnʼaa, è Jùsu nɛna Jàlalǐi wakǎ wùɛǒ kɛn le Ɔ̌ teea nyopò klě Jùwɛ nyoo Nyesoa keǐ bo ble le Ɔ̌ pea u Nyesoaa kàan tuposà je ɛ̈ kwɛɛǒo Nyesoa Bɔ kɔn uu kmɔ̌ neneɛ win kwa jleě mǒ bo. Ɔ peana nyopò wùɛɛ kmakma klee kweǎa doědoe.

Mǎkè 6:1

Tà Jùsu klee Ɔɔ mɔ̀ cheěn nyo sɔna lěe koǔǒ bo mǒ, è nùǒ muaě Ɔɔ chɛ̀ɛ dǐa.

Lǔkù 2:39

Tà Jòsɛ̌fo klee Mɛwlě wɔ̀laa noǎ wùɛ Nyesoaa teteǎ poaa ble nunuɛ mɔ̀, è nùǒ tbaea je ü muaě Jàlalǐi wakǎ kɛn klě Nǎsòwɛ̌ dǐa klě uu chɛ̀ɛ tà.

Lǔkù 2:51

È Jùsu nana u de ǔ mua de klě Nǎsòwɛ̌ dǐa. Ɔ tùiaǒ uu win bo. Ɔɔ naǎ bleěaǒ noǎ wùɛǒ wlò jleě.

Lǔkù 4:16

È Ɔ mua de klě Nǎsòwɛ̌ dǐa tà Ɔ kuunʼa lěe. È klě Sɛ̌ɛ̀de wlòmo ɛ̈ moo Nyesoaa de fɛ waě, Ɔ muaě Jùwɛ nyoo Nyesoa koǔ bo wòje ke Ɔ ni pnɔɔ Ɔ̌ nynana bo Ɔ mǐa Nyesoaa win slè.

Lǔkù 4:31

È Jùsu tèea je Ɔ̌ mua de klě Kapanìa dǐa klě Jàlalǐi wakǎ kɛn. Klě Nyesoaa de fɛ chnɛ̀ jlǒ waě tɛ̀ɛ wlòmo Ɔ teea nyopò klě Jùwɛ nyoo Nyesoa koǔ bo.

Lǔkù 4:35

È Jùsu tmɛɛ̌a nɛ Ɔ je, “Po kpee, sɔnʼě jbɛjuǒ ja mǒ!” È kǔ sùsuǒ ɛ poa jbɛjuǒ wɔ̀ɔn keǒ u jemǒ, è nɛ̀ǒ mua, ɛ sea ɔ dɛ tba.

Lǔkù 6:42

È ke tae wɔ̀le je bò nuǔ kɛ nyuǒ deda ɛ̈ moo, ‘Diě boǒ sà lěè wɔtaeǒ jǐ mǒ,’ kɛɛ tu peǎnʼǒ mǎǒ nèe chɛ̀ jleě kɛn bo nɛ̀ nè jě. Mò ä jěè kɛn ä daà kàan chènyɔ Nyesoa nyuà, nyane dɛ bò nuu nɛ̀ moo sàě dìe tu peǎnʼǒ jǐ mǒ, bò keě kɛ le jě tɛɛ plě mìǐ kɛ lě nyuǒ wɔtaeǒ jǐ mǒ sà.”

Jɔ̀ɔ̌n 4:28

È nynɔǒ ɔ siaǒ ɔɔ nǔ wien jagbeeǒ tàǒ ɔ̌ mua dǐa ɔ̌ mua nyopò tmɔɔ̌ma,

2 Kwnɛtiɛ̌ 5:16

Sɔɔnʼě tǐǒ kɔn jleě ä mooa kàan tè po nyo, äǎ tùǒ nyu wùɛ tè jleě mǒ keǒ tùonyugbee dlǒ le sìɛnsiɛn nu ɛɛ jejeɛ̌, kɛɛ keǒ Nyesoa nu ɛɛ jejeɛ̌. I moo kàan tè klě tǐ tìi wlòmo ä tùiaǒ Tentǎn Jǔ tè jleě mǒ klě ɛmo dlǒ le sìɛnsiɛnʼǒ mǒ, kɛɛ äǎ nuu kɛ̀ lɛ.