Lǔkù 4:20 - Nyesoaa Kuo Win Jajle

²⁰ È Jùsu kana chněedɛ̌ǒ je Ɔ̌ nyea ɛ nyuǒ nyea nɛ Ɔ̀ɔ de Ɔ̌ nea bo Ɔ mǐa u tee le. Nyopò wùɛ ü nea lěe Nyesoaa koǔǒ bo uu jǐ neaě Ɔ mɔ̀.

Lǔkù 4:20 ပူးပေါင်းရင်းမြစ်များ

Matiɔ̌n 26:55

È kě Jùsu nia diblɛ̌ǒ wan gbògba Ɔ je, “Mɛ kɔɔ̌n tè a keě kɛɔ Mǒ mɔ̀ di a jɛ lěe pen klee kpangbia wòje keà nyu mii jliɔ̌ le pɔ̀nma. Tǐ wùɛ mɔ̀ Ě neě Nyesoaa kǎ fòɛ bo Ě boɛ nyopò Nyesoaa tè je, klě a slěě kmee ne?

Matiɔ̌n 27:60

è Nɔ̀ǒ ɔ dǔa mǒ ɔ kpalaě ɔɔ chɛ̀ɛ sɛklɛ bǐtìe jajlo wan ɛ̈à ɔ nua ɔɔ nyopò u blǔaa klě seɔ̌ wlòmo keǒ ɔɔ chɛ̀ mɔ̀. U gblìseea seɔ̌ fòɛ měne ǔ kana bǐtìeǒ je, è nùǒ mua.

Lǔkù 19:48

kɛɛ tà nyopò wùɛ u noɛɛa mǒ bu poa Ɔɔ win nɔkǔ jebo, ii tè uǔ jěa wakǎ.

Lǔkù 4:17

È chněedɛ̌ǒ Nyesoaa wnɔsàɔ Aesaeǎ chlěaa nɛ̀ chněenoǎ jǐ mɔ̀ tùɔ̌ nyea Nɔ. È tà Ɔ knana lɛɛ je, ɛɛ wakǎǒ dɛ̌a bòo nɛ̀ Ɔ jěa ɛ̈ moo,

Lǔkù 4:21

È kě Ɔ dɛ̌a u je Ɔ je, “Kekɛɛà Nyesoaa winʼà a wɔ̌nʼɔ i jieě le.”

Lǔkù 5:3

Ii tè Ɔ̌ bea lě blǎgbèaǒ ii dɛɛ do wan ɛ̈ mooaa Saemɔ̌ nenɛ Ɔ̌ tmɔɔ̌a Saemɔ̌ bɔ tǔnʼa blǎgbèǒ klě jbǒ kɛn doɛɛ gbe, è Nɔ̀ǒ nea bo klě blǎgbèǒ wlòmo Ɔ teea nyopòǒ.

Jɔ̀ɔ̌n 8:2

Tà chnɛ̀ tɛ̀ɛ gbàlaa le ɛ kènta gbìi, è Nɔ̀ǒ tbaea je Ɔ̈ muaě klě Nyesoaa kǎ fòɛ bo. È nyopò fòfoa diaě Ɔ mɔ̀, ii tè Ɔ̌ nea bo Ɔ̌ teea lu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 16:13

Tà Nyesoaa defɛ chnɛ̀ jlǒ waě wǒaǒo, è ämoǒ muaě ně sakaě tɛ̀ɛ wien ɛ̈ seaa wlɔ̀ dɔwun mɔ̀ tmɔɔ no, ä pɛ̀nʼa tùɔn le ɛ̈ kɔn kɛn Jùwɛ nyo wɛ̀ɛǒo de ǔ boɛ lěe Nyesoa mɔ̀. È ä jěa tùɔnʼɔ do, ä nea bo ä boɛaě nynoǒ wɛ̀ɛa de mɔ̀ keǒ tùɔnʼǒ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 3:12

Tà Pitɛ̌ jěaa diblɛ̌ǒ, è kě ɔ dɛ̌a u je ɔ je, “Ǐsòwɛ̌ kwɛɛn ane, mɛ kɔɔ̌n tè dɛà ɛ kɛɛn neě kɛ amo wlò le? Mɛ kɔɔ̌n tè a tɛɛ̌n kɛ lɔ ä mɔ̀le keà u nu wiěn äa chɛ̀ɛ kpěà klee äa Nyesoa dɛɛ jebo siǐanʼǒ nu ɛ jbɛjuà ɔ̌ nɛ?