Lǔkù 4:18 - Nyesoaa Kuo Win Jajle

¹⁸ “Koɔnʼɔ Sùsu Nɛ̀ neěě ja. Mɛ̌oǒ joo nɛ̀ moo Nɔ̀ tba Mǒ keǒ Bo po Ɔɔ kàan tuposàà sònwɛ nyo je. Ɔ dboǒ lo Bo boɔɔ nyopòà nee kpe be le uu gblàgbla tè kɛn, Ɔ̌ dbo Mǒ Bo boɔɔ nyopòà kɔn jǐ dɔɔ uu le jě tè kɛn. È Ɔ̌ dbo Mǒ Boǒ gblà nyopòà u mɛɛ̌ǒo bo,

Lǔkù 4:18 ပူးပေါင်းရင်းမြစ်များ

Matiɔ̌n 11:5

Dodɔ nyo jě le plě bo klɔ̀ɔ nyo nɛ ne, è bale nyoo kwɛ̌ wɛ̀ le, nyopòà ü sǔnʼu u wɛ̌n le klee kokǒ nyo duǐ měne je plě sònwɛ nyo Nyesoaa win boɛɛ u je.

Matiɔ̌n 12:18

“A jè Ně Nyebajlo Ɔ̈ Ě noɛɛ nee mǒ plě Ně chɛ̀ tbaa Nɔ̀à. Ně wlò bloo Ɔ kɛn chɔɔ. Ně Sùsu Nɛ̀ Ě miě Ɔ ja poba Ɔ mǐ tùonyopo wùɛ tè mɔ̀ tù.

Matiɔ̌n 12:20

Ɔ se nyopòà kɔn tè wlò popoɛ wɛ̀ɛ kbě kɛn son kwa pooba mu wòje keà tu sensaě těklèeǒo bo plě Ɔ se nyopòà kɔn tè wlò popoɛ wɛ̀ɛ kbě ja le jleě mɔ̀ sàba mu wòje keà nǎpe neǒo chlechle snǔ mɔ̀ ɛ mǐ ɛ kpa kpa Ɔɔ mǒ slɛɛ̌ tè tùtuɛ mǐ dɛ kukǔ wan du.

Matiɔ̌n 4:16

ü neěe kwijlě slè u miǎ Pepě Fòɛǒ jěba. Pepěǒ Ɛ mǐǎ fɔnma keǒ nyopòǒ mɔ̀ ü neěe kokoɛ̌ɛ kwijlě blǒǒ kɛn.” (Is 9.1-2)

Matiɔ̌n 5:3

“Ɛ moo ngmna keǒ nyopòà mɔ̀ ü tìeǒ uu chɛ̀ ja. Mɛ̌oǒ joo nɛ̀ moo Nyesoa Nɔ̀ kɔn uu kmɔ̌ neneɛ win kwa.

Lǔkù 4:17

È chněedɛ̌ǒ Nyesoaa wnɔsàɔ Aesaeǎ chlěaa nɛ̀ chněenoǎ jǐ mɔ̀ tùɔ̌ nyea Nɔ. È tà Ɔ knana lɛɛ je, ɛɛ wakǎǒ dɛ̌a bòo nɛ̀ Ɔ jěa ɛ̈ moo,

Lǔkù 6:20

È Ɔ chèa Ɔɔ mɔ̀ na nyoǒ ja Ɔ je, “Amoà sònwɛ nii ɛ moo ngmna keǒ a mɔ̀. Mɛ̌oǒ joo nɛ̀ moo Nyesoa Nɔ̀ kɔn aa kmɔ̌ neneɛ win kwa.

Lǔkù 7:22

È Jùsu tùa u kɛ̀ɛn Ɔ je, “A mu, a tmɔɔ̌ Jɔ̀ɔ̌n noǎ a wɔ̌nʼɔ klee a kpaǒo jleě mɔ̀ ii tè. Dodɔ nyo jě le plě bo klɔ̀ɔ nyo nɛ ne, è bale nyoo kweǎ wɛ̀ le, nyopòà sǔnʼu u wɛ̌n le klee kokǒ nyo duǐ měne je plě Nyesoaa win boɛɛ sònwɛ nyo je.

Jɔ̀ɔ̌n 1:41

Tà dɛǒ ɛ sìǐnʼa bòo sosǒ, Andlǔ mua ɔ̌ jěa ɔɔ mamǔ Saemɔ̌ ɔ̌ tmɔɔ̌a nɔ ɔ je, “Ä jě Masaeǎ!” Masaeǎ ɛ sɛ̀n nynɛ̌ Nyesoaa Tentǎn Jǔ.

Jɔ̀ɔ̌n 12:46

Mǒà Mǒ moo Pepě Ɔ diɔ kmɔ̌ɔ mɔ̀. Ii tè nyu wùɛ ɔ̈ mi Něe tè kàan tè poba ɔ seě kwijlě slè bo nema mu.

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:18

mì uu jǐ kna, mì u bo dawlǎ mìě u kwijlě slè sà, mìɔ u pepě mǒ ja plě mìě u Setɛ̀nʼɛ kpě bobo sà ɔ̈ monoo sìsi kukwǐi klɔ̀ba, mìɔ u Nyesoa mɔ̀ ja ɛ̈ di ɛɛ numa u mǐ tè wlò popoɛ kɔn klěě mǒ. Klě ɛmo dɛǒ mǒ uu kpni kukwǐi tè mǐ wlò le poo lo u mǐ tùɔn kɔn klě nyopòǒ Nyesoa nuu jebo siǐn nyo mǒ slè.’

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:26

Kmɔ̌ɔ klɔ̀bapoo miǎ de wɛ̀ba plě kmɔ̌ɔ je si nyo miǎǒ tàa do beba, u miǎ Koɔn Nyesoa klee Ɔɔ Tentǎn Jǔ je wɔ̀n.’ ” (Ps 2.1-2)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:27

U kpɛɛa uu win nya u je, “Dɛɛ teěn nɛ̀à kpa tùɔn, klɔ̀ba Hɛwlǒ klee klɔ̀ba Pɔntìɔ Pàlɛ̌te beǒ tàa do kělɔ dě fòɛà wlòmo u klee kuodakwɛ̌ klee Ǐsòwɛ̌ kwɛɛn ǔ po dɛ kukǔ ble keǒ Nè Ngmà Je Ne Nyebajloà dbòo jleě mǒ Ɔ̈ moo Jùsu.

Klasɔ̌n 1:13

Nyesoa Nɔ̀ gblà ämo klě kpni kukwǐi kpě bobo Ɔ̌ jaě ämo klě Ɔɔ mǒ noɛɛ Jǔu win kwa konkɔn bobo.

Jìmǐse 2:5

A po nɔkǔ bo ně kàan Tentǎn Jǔu wǎn ane, Nyesoa Nɔ̀ sà sònwɛ nyo ü neɔɔ kmɔ̌ mɔ̀ ɛ̈ di ɛɛ numa u mǐ tè wlò popoɛ jakǎ kɔn u mǐ Ɔɔ deplě kɔn ɛ̈à Ɔ peeěe nyopò wùɛ ü noɛɛ Ɔɔ mǒ.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.