Lǔkù 4:1 - Nyesoaa Kuo Win Jajle

¹ È Jùsu sɔnaě Jɔ̀ɔ̌dɛn wien mǒ Ngmà Je Ne Sùsu jǐa Lɔ je Ɛ̌ kpalaě Ɔ kpatekpǎ blǒ kɛn.

Lǔkù 4:1 ပူးပေါင်းရင်းမြစ်များ

Matiɔ̌n 3:16

Tà Ɔɔ ně dlǒ popoɛ wɛ̀ɛ̌la bòo mɔ̀, Jùsu sonwɛaěe ně wlòmo, è keà nyu kɛpǒo jǐ jɔkɛn knana je, Jɔ̀ɔ̌n jěa Nyesoaa Sùsu Ɛ̌ tèea lě Jùsu ja, Ɛ wǒa plabae.

Lǔkù 2:27

Tèǒ nì kɔn tè Ngmà Je Ne Sùsu kpalaě ɔ Nyesoaa kǎ fòɛ bo. È tà Jijlǎeǒ Ɔ̈ monoo Jùsu Ɔɔ naǎ klee gbeǐ jalaě Ɔɔ keǒ bu nua dɛǒ Nyesoaa tetě poaa ble keǒ Ɔ mɔ̀,

Lǔkù 3:3

Ii tè Jɔ̀ɔ̌n nɛa blě wùɛǒ kɛne ï nea lěe Jɔ̀ɔ̌dɛn ně wien ɔ̌ boɛa Nyesoaa win ɔ je, “A bitǐ aa wlè bo a mǐ ně dlǒ poo lo ɛ̈ di ɛɛ numa Nyesoa mǐ aa kpni kukwǐi tè wlò le poo lo.”

Lǔkù 3:38

Keanà mooa Inɔ̌see jbɛjuju, Inɔ̌se mooa Sɛɛ̀ɛ jbɛjuju, Sɛɛ̀ mooa Ɛdɛ̌moo jbɛjuju, è Ɛdɛ̌mo mooa Nyesoaa jbɛjuju.

Lǔkù 4:14

È Jùsu mua de klě Jàlalǐi wakǎ kɛn, è Ngmà Je Ne Sùsuu kbě nì jǐa Ɔ je. È Ɔɔ nynɛ̌ wɔ̀la wakě wùɛǒ dlǒ ï tbɛɛaǒo tàǒ dǐ.

Lǔkù 4:18

“Koɔnʼɔ Sùsu Nɛ̀ neěě ja. Mɛ̌oǒ joo nɛ̀ moo Nɔ̀ tba Mǒ keǒ Bo po Ɔɔ kàan tuposàà sònwɛ nyo je. Ɔ dboǒ lo Bo boɔɔ nyopòà nee kpe be le uu gblàgbla tè kɛn, Ɔ̌ dbo Mǒ Bo boɔɔ nyopòà kɔn jǐ dɔɔ uu le jě tè kɛn. È Ɔ̌ dbo Mǒ Boǒ gblà nyopòà u mɛɛ̌ǒo bo,

Jɔ̀ɔ̌n 1:32

È Jɔ̀ɔ̌n sèsɛɛa Jùsuu tè kɛn le klě nyopòǒ mɔ̀, kě ɔ dɛ̌a ɔ je, “Ě jěa Ngmà Je Ne Sùsu Ɛ̈ nea lěe plabaee tǔn wlòmo Ɛ̌ sɔnaě jɔkɛn mǒ Ɛ̌ tèea lě Jùsu ja.

Jɔ̀ɔ̌n 3:34

Nyesoa sàǒ Ɔɔ chɛ̀ɛ Sùsu Nɛ̀ Ɔ nye Nyuà Ɔ dboo Nɛ̀ jǐ Ɔ je, ii tè Ɔ boɛ dɛ Nyesoa boɛɛ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 1:2

ɛ̌ kpala ɛ kpa ɛ̌ jɛɛa chnɛ̀ jlǒ waěǒ Nyesoa kpaea Lɔɔ jɔkɛn. È plě Ɔ mǐa jɔkɛn mu, klě Ngmà Je Ne Sùsuu kpě wlòmo jbɛjluà ü Ɔ tbalaa keǒ bu mooa Ɔɔ tuposà kpa nyo nù Ɔ tmɔɔ̌a noǎ bu nuaa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:38

A ji Jùsu Ɔ̈ kɔn lěe Nǎsòwɛ̌ dǐa plě ke Nyesoa nuě Ɔɔ Ngmà Je Ne Sùsu ja popoɛ klee kpě Ɔ nye Nɔɔ. Nyesoa neeaǒ Ɔ mɔ̀, ii tè Ɔ nɛa blě kɛne Ɔ̌ nia kàan noǎ Ɔ̌ peana nyopò wùɛ ü nea lěe kǔu kpě bobo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:39

Tà u sɔna lěe něǒ mɔ̀ mǒ, keà nyu kɛpǒo jǐ Koɔnʼɔ Sùsu dǔa Felɔ̌ mǒ Ɛ̌ kpala ɔ, ɔmo nyefòɛǒ ɔ seaa kɛ̀ Felɔ̌ jě de, kɛɛ ɔ kea chǒn le ni è nɔ̀ǒ mia.