Lǔkù 3:8 - Nyesoaa Kuo Win Jajle

⁸ A bitǐ aa wlè bo, è ba nu dɛ ɛ mǐ ɛ tee le ɛ̈ moo aa wlè bitǐ bo kàan tè. Aǎ boɛ dɛà ɛ̈ moo, ‘Ämoo Eblɛ̌hɛ̀moo jlǔ, tèǒ nì kɔn tè Nyesoa seǒ äa plɔ tu kɛn bo maěma mu.’ È bo tmɔɔ̌ amo, Nyesoa wɔ̀le je Bɔ nu seɛ̌à Eblɛ̌hɛ̀moo jlǔ mǒ no.

Lǔkù 3:8 ပူးပေါင်းရင်းမြစ်များ

Matiɔ̌n 21:43

È Jùsu je, “Tèǒ nì kɔn tè Ě tmɛɛ̌ amo, Nyesoa mi amo Jùwɛ nyo win kwa konkɔn bɔ̌ba, kɛɛ Ɔ mi kuodakwɛ̌ win kwa kɔnma ü mi Ɔɔ konkwa numa.

Matiɔ̌n 3:8

A nu dɛ bɛ tee ɛ ɛ̈ moo aa wlè bitǐ bo kàan tè,

Matiɔ̌n 3:9

alě kwɛnʼě ɛ aa chɛ̀ wlò jleě ɛ̈ moo, ‘Ä moo Eblɛ̌hɛ̀moo jlǔu jlǔ, tèǒ nì kɔn tè Nyesoa seǒ äa plɔ tu kɛn bo maěma mu.’ Bo tmɔɔ̌ amo, Nyesoa wɔ̀le je Bɔ nu seɛ̌à Eblɛ̌hɛ̀moo jlǔu jlǔ mǒ no.

Lǔkù 13:25

È bɛ̌ nu Nyuǒ kɔnʼɔ koǔ Bɔ̌ sɔnʼǎ mǒ Bɔ̌ poǎǒ chnu, è a miǎǒ plomǒ ble nynama a mǐǎ bò dǎ ɛ̈ moo, ‘Ä bɛ̀teè le Koɔn, kna ä je!’ Kɛɛ Ɔ miǎ a kɛ̀ɛn tùba ɛ̈ moo, ‘Ě se a ji. Ě se tà a sɔn mǒo jii chɛ̀?’

Lǔkù 13:26

È kě a miǎ dǎba ɛ̈ moo, ‘Ä klee Mò ä diiaǒ dɛ tàa do ä nɛ̌a plě È teea klě äa dǐa.’

Lǔkù 14:9

È bɛ̌ nu nyuǒ kɔn tè kmaa bɔ̌ diě, è nyuǒ da aa sɔ̌nʼǒ dɛ diba ɔ miǒò gbàa muma ɔ mǐì tmɔɔ̌ no ɛ̈ moo, ‘Sɔn kɛn bo ne dɛà kɛn mǒ nye ɛ nyuà kɔn tè kmaa,’ è tònwe kɔn bi beǒò je mìě tàà nyeflabutupò neǒo bo ne.

Lǔkù 19:40

Ɔ̀ tùa u kɛ̀ɛn Ɔ je, “Bo tmɔɔ̌ amo, bɛ̌ nu bǔ po kpee, seɛ̌à i mi plɔ bloo slɛ̀ le popoɛ tùngmaema.”

Lǔkù 19:9

È kě Jùsu dɛ̌a ɔ je Ɔ je, “Kekɛɛà wowa dɛ pa lɔɔ mɔ̀ koǔ bo. Jbɛjuà tàa ɔ kɔn lě Eblɛ̌hɛ̀moo jlǔu jlǔ slè ke.

Lǔkù 5:21

È teteǎ tee nyo klee Fɛlesǐi wǎn nùǒ tùngmaea dlǒ le sìɛnsiɛn u je, “À Nyu taeà kɛ Ɔ̈ peě Nyesoa fla wan? Nyu tae wɔ̀le je bɔ̈ poo loǒ kɛ tùonyuu kpni kukwǐi tè wlò le? Ɛ̀ sìnʼǒ Nyesoaa do!”

Jɔ̀ɔ̌n 8:33

È u tùa Lɔ kɛ̀ɛn u je, “Ämoà ä moo Eblɛ̌hɛ̀moo jlǔu jlǔ, ä sěɛlǎ nyu wùɛɛ kèi dɛ ni. Mɛ kɔɔ̌n tè bòɛɛ̌ kɛ i ämo je ɛ̈ moo ä mi gblàeba?”

Jɔ̀ɔ̌n 8:39

U tùa Ɔ kɛ̀ɛn u je, “Eblɛ̌hɛ̀mo moo äa gbeǐ.” È kě Jùsu dɛ̌a u je Ɔ je, “Bɛ̌ nu sɛjesɛ bǎ moo Eblɛ̌hɛ̀moo jlǔ, è a mii noǎǒ ɔ niaa numa.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:20

Klekle Ě boɔa Nyesoaa win klě dě fòɛǒ moo Dimasèka wlòmo plě klě Jlǔsnɛ klee Jùdǐa wakǎ wùɛǒ kɛn klee klě kuodakwɛ̌ slè. È dɛ Ě boɛa uu je nɛ̀ moo bu bitǐa uu wlè bo bu chèa Nyesoa ja, è bu nua noǎà mia ɛɛ teeba ɛ̈ moo uu wlè bitǐa bo.

Wlǔmɔ 4:16

Tèǒ nì kɔn tè Nyesoaa pee dɛ keǒ ä mɔ̀ ɛ̈ monoo kmɔ̌ sie fònfno ɛ nynaǒ tè wlò popoɛ kɛn bo. Dɛǒ nɛ̀ nu ɛ ɛmo pee dɛǒ ɛ̌ tee Nyesoaa wlòo jlajlǎ dɛ ɛ̈ɛ̌ sàa Ɔɔ wlò kǔ mǒ kɛn keǒ ä mɔ̀. Ii tè pee dɛǒ ɛɛ tè se kplɛ ɛ̈ kɔnʼǒo Eblɛ̌hɛ̀moo jlǔu jlǔ mɔ̀. Ɛ se nyopò bu tùǒ Nyesoaa teteǎ boo do, ɛ kɔnʼǒ nyopòà ü kɔnʼɔ tè wlò popoɛ mɔ̀ ke wòje Eblɛ̌hɛ̀mo ɔ̈ moo äa wùɛ äa gbeǐ.

Wlǔmɔ 9:7

Ɛ se Eblɛ̌hɛ̀moo jlǔu jlǔ wùɛ u se Nyesoaa jlǔ. Bi beě a wlò jleě dɛ Nyesoa tmɔɔ̌a Eblɛ̌hɛ̀mo ɛ̈ moo, “Aesěèe jlǔ nù u mi nè jlǔu jlǔ daeba.” (Gen 21.12)

Flepiɛ̌n 1:11

klee a mǐ mǒ slɛɛ̌ dɛ nu ɛ̈à Tentǎn Jǔ Jùsu nu amoo a wɔ̀le ba nuu ɛ̈ di ɛɛ numa Nyesoa mǐ de bìsee le klee Ɔɔ tè mǒ jǐ boaě le.