Lǔkù 3:7 - Nyesoaa Kuo Win Jajle

⁷ È Jɔ̀ɔ̌n tmɛɛ̌a diblɛ̌ǒ ü diaě ɔɔ mɔ̀ klě kpatekpǎ blǒ kɛn ɔ mǐaa ně dlǒ po, kě ɔ dɛ̌a ɔ je, “Amo chì nyee ngmɛ̀ɛ smeaa jlǔà, mɔ tmɔɔ̌ nǒoǒ kɛ amo keǒ ba plùu lǔuǔ Nyesoaa jloǒ diěe je keǒ bɛ̈ bee nyopòà see Tentǎn Jǔu tè kàan tè po kɛn?

Lǔkù 3:7 ပူးပေါင်းရင်းမြစ်များ

Matiɔ̌n 12:34

A kɔn wlè kukwǐ wòje chì nyeě ngmɛ̀ɛ smea, tà dɛ kukǔ neě amoo wlè jleě, ke tae aa nyu wɔ̀le je bɔ nuǔ kɛ kàan tè boɔboɔ? Sɛjesɛ dɛà tùonyu boɛɛ klě ɛ sonwɛě ɔɔ wlò jleě mǒ.

Matiɔ̌n 23:33

Amo chì nyeǎ ngmɛ̀ɛ smeaa jlǔà, bo jě kɛ ke a mii na slè mumuɛ je plùua numa aǎ diě poo lo?

Matiɔ̌n 3:6

ɔ̌ pea u ně dlǒ le klě Jɔ̀ɔ̌dɛn mɔ̀ ǔ wɛɛnʼa uu kpni kukwǐ je le.

Jɔ̀ɔ̌n 8:44

Aa gbeǐ moo kǔ, è dɛ ɔ jlɛ̌ ba nuu nɛ̀ a ni. Sɔɔnʼě ɛɛ wlò tùla mǒ nɔ̀ moo mnùngma bo po nyu, kàan dɛ slě ɔ mǒ ne, nɛ̀ kɔn tè ɔ sěɛlǎ kàan tè boɛ. Ɔ moo sen le tmɔ̌ nyu plě ɔ̌ moo senʼe gbeǐ, ii tè bɛ̌ nu bɔ̌ ke sen tmɛ̌, è dɛǒ ɔ tùaa wlò le nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:10

kě ɔ dɛ̌a ɔ je ɔ je, “Mòo kǔu jǔ, mòo kàan dɛ wùɛ ɛɛ jlae nyu! Noǎ kukwǐi doědoe ii kplakplǒ nɛ̀ jiěè měne, mò ɔɔ̌ bɔ̌ dɛ keǒ bɔ sàǒ Koɔnʼɔ mǒ slɛɛ̌ dɛ snǔ mɔ̀!

1 Tɛseloniǎ 1:10

U tmɛɛ̌ äne ke a ni Ɔɔ Jǔ Jùsu kɛn mǒ fofoɛ Bɔ sɔn lěe jɔkɛn mǒ Ɔ̈ Nyesoa dǔaa jemǒ Ɔ sàla lěe kǒla mǒ plě Ɔ̈ gblà ämoo klě Nyesoaa jlo bobo ɛ̈ diěe keǒ nyopòo kpni kukwǐ mɔ̀.

Hiblǔ 6:18

ɛ̈ di ɛɛ numa ɛ mǐ noǎ kplěe sɔ̌n kɔn ï see de wowoɛ̌ kɔn, ï kɔn tè Nyesoa slě wɔ̀ Bɔ tmɔɔ̌ sen. Tèǒ nì kɔn tè ämoà diɔɔ Nyesoa mɔ̀ keǒ mǒ sɛ̀ɛa mɔ̀, dɛǒ nɛ̀ bɛ po ä kbě ja le ä miǒ äa wlò je kunkuɛnʼǒ Nyesoa nye ämoo klě Tentǎn Jǔ mǒ mɔ̀ kwa blě kpankpa.

1 Jɔ̀ɔ̌n 3:8

Kɛɛ nyu wùɛ bɔ̈ nu dɛ kukǔ, ɔ sɔnʼě mǒ kǔ mɔ̀ ɔ̈ dǔaa dɛ kukǔ nunuɛ mǒ sɔɔnʼě ɛɛ wlò tùla mǒ. Dɛ kɔn tè Nyesoaa Jǔà Ɔ diěe nɛ̀ moo keǒ Bɔ sùe kǔu nunu konkwaǒ gbè.