Lǔkù 3:11 - Nyesoaa Kuo Win Jajle

¹¹ È Jɔ̀ɔ̌n tùia u kɛ̀ɛn ɔ je, “Nyu wùɛ bɔ̈ kɔn wlawlěe sɔ̌n bɔ sàǒ do bɔ nye ɔɔ běǒ see dɛ kɔn. Nyu wùɛ bɔ̈ kɔn didi dɛ bɔ nu dɛɛ doǒ ke.”

Lǔkù 3:11 ပူးပေါင်းရင်းမြစ်များ

Matiɔ̌n 25:40

È Klɔ̀ba miǎ u kɛ̀ɛn tùba ɛ̈ moo, ‘Kàan tè nìà Ě tmɛɛ̌ amo, aa nyu bɔ̌ nu noǎǒ i dɛɛ do keǒ Ně nyopòà ü kɔn tè bɛtɛ̌ɛ je mɔ̀ɔ chɛ̀, è Mǒǒ ɔ nu ɛ mǒ.’

Lǔkù 11:41

Kɛɛ ba sɛ̀ɛ sònwɛ nyo mǒ, è aa wlè wùɛ ì snǎě le kɛn.

Lǔkù 18:22

Tà Jùsu wɔ̌naa tèǒ ɔ boɔaa, Ɔ je, “Dɛɛ doǒ siǒ sè ɛ ni. Mu, nè konkɔn noǎ wùɛǒ plo li, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

Lǔkù 19:8

È Sɛ̀kiǎ nynana bo kě ɔ dɛ̌a Koɔn je ɔ je, “Koɔn, tanàle, Ě mi ně konkɔn noǎ wùɛ ii bɔ̀tie sònwɛ nyo nyema plě bo jlǐaǒ nyu kɛn, Ě mi ɔ noǎa hɛ̀n kplěe sɔ̌n nyema.”

Jɔ̀ɔ̌n 13:29

Tà ɛ tùaa Jùdǎse mooa uu wlě blě nyu, ii tè tìe tùu jěa lɛ ɛ̈ moo Jùsu tmɛɛ̌a nɔ bɔ tɔ̀na noǎ u jlɛɛ̌a keǒ de ngmnengmnɛ̌ǒ mɔ̀ ɔ̀ɔ̌ bɔ sàlaǒ wlejoɛ̌ɛ bɔ sɛ̀ɛa sònwɛ nyo mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:2

Konilìɔ klee ɔɔ koǔ bo kwɛɛn wùɛ nia Nyesoa dɛ ɔ̌ tùiaǒ Nyesoa bo ɔ̌ nmɔa kwa chɔɔ ɔ̌ sɛ̀ɛa sònwɛ nyo měne plě ɔ̌ boɛaě Nyesoa mɔ̀ tǐi pɛpɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:31

è kě ɔ dɛ̌aǎ je ɔ je, ‘Konilìɔ, nè bàtea klee kàan dɛà nii keǒ sònwɛ nyo mɔ̀ Nyesoa kme ɛ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:4

Ɔ siiaě ɔɔ jǐ klě ɔɔ mɔ̀le tentan mɔ̀, kètekee bea ɔ wan bo, è Konilìɔ gbàla ɔ wan ɔ je, “Ně Koɔn, mɛ jlɛ̀ɛɛ̌ kɛ?” È ɔ tùa ɔ kɛ̀ɛn ɔ je, “Nè bàtea klee kàan dɛà nìi keǒ sònwɛ nyo mɔ̀ Nyesoa kme ɛ bo.

Ifisiɛ̌n 4:28

Nyu bɔ̈ ke jlǐ, sɔɔnʼà tǐà jleě mǒ bɔ bɔ̌ lɛ, è bɔ pɔ̀n konkwa le ɔ mǐ nu ɛ̈ di ɛɛ numa ɔ mǐ sen bo mǎ kmɔ̌ ne keǒ ɔɔ chɛ̀ mɔ̀ plě ɔ miě ɛ wɔ̀ keǒ bɔ sɛ̀ɛ sònwɛ nyo mǒ.

1 Timɛtě 6:17

Tmɔɔ̌ nyopòà pànʼa kělɔ kmɔ̌ɔ mɔ̀ buǔ jɛɛ̌ě uu chɛ̀ le plě buǔ peě uu wlò kpaea pònpan ja bo ɛ̈ see kɛn tee dɛ, kɛɛ u blɛɛ je bu poě uu wlò kpaea klě Nyesoa mǒ Ɔ̈ klě kwa nmɔ tǔn wlòmo Ɔ̈ nyee noǎ wùɛ ï ä sòɛɛ äa plɔ mǐi blo.

1 Timɛtě 6:18

Tmɔɔ̌ u, bu nu kàan dɛ klee kàan konkwa fòfoa, è bu nmɔ kwa klee bu wɛ̀ mɔ̀le u mǐ nyopò tùu měne sɛ̀ɛ le keǒ uu konkɔn noǎ mɔ̀.

Hiblǔ 6:10

Nyesoa moo Mǒ Slɛɛ̌ Nyu. Aa konkwa klee mǒ noɛnoɛ a tee lee keǒ Ɔ mɔ̀ Ɔ se ɛɛ tè snùma mu ɛ̈ kɔn amo mɛ̌ǒ Ɔɔ nyopò mɔ̀ klee ü kpɛɛ ɛɛ nya keǒ uu mǒ sɛ̀ɛa mɔ̀.

Jìmǐse 1:27

È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.

Jìmǐse 2:14

Ně bǐì Tentǎn Jǔu wǎn ane, è kàan dɛ tae ɛ miǐ kɛ numa bò nyu bɔ̌ dǎ bò ɛ̈ moo ɔ kɔn tè wlò popoɛ klě Jùsu mǒ, kɛɛ ɔɔ̌ nu kàan dɛ? Tè wlò popoɛ taeǒ ɛ wɔ̀le je bɛ gblà kɛ ɔ lo klě kpni kukwǐ slè le?

1 Jɔ̀ɔ̌n 3:17

Bɛ̌ nu bo nyu bɔ̌ pàn plě bɔ̌ jě nyu tɔ̀ɔ ɔ̈ see dɛ kɔn, kɛɛ pònpan nyuǒ bɔ̌ se nyuǒ see dɛ kɔn wɔle je jbo keǒ bɔ sɛ̀ɛ ɔ mǒ, è ke ɔ wɔ̀le je bɔ nuǔ kɛ Nyesoa mǒ noɛnoɛ?

1 Jɔ̀ɔ̌n 4:20

Bɛ̌ nu bo nyu bɔ̌ nu ɔ noɛɛ Nyesoa mǒ no plě bɔ̌ faen nyu tɔ̀ɔ, ɔ̀ moo sen le tmɔ̌ nyu. Mɛ kɔɔ̌n tèǒ joo nɛ̀ moo bɛ̌ nu bɔ̌ se nyuǒ mǒ noɛɛ ne ɔ̈ ɔ jěe, ɔ slě wɔ̀ bɔ noɛɛ Nyesoa mǒ Ɔ̈ ɔ sěɛlǎa jě.