Lǔkù 3:1 - Nyesoaa Kuo Win Jajle

¹ Tà Klɔ̀ba Tabewlìɔ kɔnaa Wlǔmɔ nyo win kwa klě jlěe pù tùo m̀m wlòmo, ɔɔ kòngmna nyefòapo nùà, Pɔntìɔ Pàlɛ̌te nɔ̀ kɔna Jùdǐa wakǎ win kwa, è Hɛwlǒ nɔ̀ kɔna Jàlalǐi wakǎ win kwa. Hɛwlǒo mamǔ Felɔ̌ nɔ̀ kɔna Ituwlìa klee Tlakonatè wakě win kwa, è Lasanià nɔ̀ kɔna Abalinì wakǎ win kwa,

Lǔkù 3:1 ပူးပေါင်းရင်းမြစ်များ

Matiɔ̌n 14:1

Tǐǒ jleě Hɛwlǒ ɔ̈ mooa Wlǔmɔ nyoo kòngmna nyefòɛ ɔ̈ kɔnaa Jàlalǐi wakǎ win kwa ɔ̀ wɔ̌na Jùsuu tè.

Matiɔ̌n 14:3

Tè kɔn tè Hɛwlǒ sìɛnʼaa dɛǒ dlǒ mɔ̀le nɛ̀ moo tǐ muaa sìnma ɔ kmea Jɔ̀ɔ̌n ɔ̌ pea ɔ chěen sonwe le ɔ̌ poa ɔ wùlo keǒ ɔmo Hɛwlǒǒ ɔɔ mamǔ Felɔ̌ɔ nynɔ Hɛwlodìaa tè mɔ̀.

Matiɔ̌n 14:6

Kɛɛ tà Hɛwlǒo kɔɔn chnɛ̀ jlǒ waě wǒaǒo, klě ɛɛ de ngmnengmnɛ̌ wlòmo, Hɛwlodìaa nynejuju jeea u je ɛ̌ blooa Hɛwlǒo plɔ chɔɔ.

Matiɔ̌n 22:17

Tèǒ nì kɔn tè tmɔɔ̌ ämo dɛ bɛ moo Nè dlǒ mɔ̀le sìɛn dɛ keǒ dɛà mɔ̀. Ɛ wɛɛn kɛǒ le bä sà dlǒ wlě klě Wlǔmɔ nyoo klɔ̀ba mɔ̀le deě bäǎ sɛ̀ li?” U jěa lɛ ɛ̈ moo u kmea Ɔno, Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Matiɔ̌n 27:2

U pea Ɔ chěen sonwe le ǔ dǔa Ɔ mǒ ǔ kpalaě Ɔ klě Wlǔmɔ nyoo kòngmna nyefòɛ Pàlɛ̌te mɔ̀.

Mǎkè 6:17

Tè kɔn tè Hɛwlǒ sìɛnʼaa dɛǒ dlǒ mɔ̀le nɛ̀ moo tǐ muaa sìnma ɔɔ chɛ̀ nɔ̀ dboa nyopò bu kmea Jɔ̀ɔ̌n, ɔ̌ pea ɔ chěen sonwe le ɔ̌ poa ɔ wùlo. Ɔ nua nɛ keǒ ɔɔ mamǔ Felɔ̌ɔ nynɔ Hɛwlodìaa tè mɔ̀ ɔ̈ ɔmo Hɛwlǒǒ ɔ kɔnaa.

Mǎkè 6:21

Ɛ kpala ɛ kpa Hɛwlodìa jěa fɔ̌. Klě klɔ̀ba Hɛwlǒo kɔɔn chnɛ̀ jlǒ waě wlòmo, ɔ pia digbaǐ keǒ ɔɔ kòngmna nyefòe mɔ̀ klee tabɔ̀ɔ je si nyo plě klee selǐjlu ü nea lěe Jàlalǐi wakǎ kɛn.

Lǔkù 13:31

È klě tǐǒ wlòmo Fɛlesǐi wǎnʼa tìe diaě Jùsu mɔ̀, kě u dɛ̌a Ɔ je u je, “Blɛ̀ɛ je Bò sɔnʼà tùɔnʼà kɛn mǒ kèkeà Bò muě tà tɔ̀ɔ. Mɛ̌oǒ joo nɛ̀ moo kòngmna nyefòɛ Hɛwlǒ jlɛ̌ bɔ dbǎ Mò.”

Lǔkù 2:1

Klě tǐǒ wlòmo Klɔ̀ba Akɔsɔ̀ nɔ̀ poa tetě ɔ je nyopò wùɛ ü nea lɔɔ kmɔ̌ɔ mɔ̀ bu poa uu nyneǎ.

Lǔkù 23:24

Tà ɛ kpala ɛɛ kpa, è Pàlɛ̌te nua dɛ u jlɛ̌aa.

Lǔkù 3:19

Tà Jɔ̀ɔ̌n tmɔɔ̌aa kòngmna nyefòɛ Hɛwlǒ ɛ̈ moo dɛǒ ɔ niaa ɛ nymia le jǐ keǒ bɔ kɔna Hɛwlodìa ɔ̈ mooa ɔɔ mamǔu nynɔ klee noǎ fòfoa tìi ɔ niaa,

Lǔkù 9:7

Tà Hɛwlǒ ɔ̈ moo Wlǔmɔ nyoo kòngmna nyefòɛ ɔ̈ kɔnaa Jàlalǐi wakǎ win kwa ɔ wɔ̌naa noǎ wùɛ ï kpɛaa tùɔn, è ɔɔ wlò sakaea měne jǐ. Mɛ kɔɔ̌n tèǒ joo nɛ̀ moo nyopò tùu tmɛɛ̌a nɔ ɛ̈ moo, “Ně Dlǒ Po Jɔ̀ɔ̌n kǒaa nɔ̀ǒ dǔa jemǒ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:26

“Mǒà monoo Klɔdìɔ Lasiasè, Ě dbo wan le gbògba klě mò nyefòɛ Felesè mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:27

Tà jlěe sɔ̌n sìnʼaa, è Pɔsiɔ̀ Fɛtɔ̀ nɔ̀ beaǒ Felesè pènmo ɔ̈ mooa kòngmna nyefòɛ jajlo. Klě tǐǒ wlòmo Pɔ̀ɔ̌ mooa bo tɛ nyu ke teteǎ nua ɛ ble popoɛ, kɛɛ Felesè jlɛ̌a bɔ blooa Jùwɛ nyoo plɔ, ii tè ɔ siaě ɔ wùlo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:30

È klɔ̀ba Aklepà klee kòngmna nyefòɛ Fɛtɔ̀ klee Bonisì klee nyopò wùɛǒ neaǒo bo, è nùǒ sɔna mǒ u mǐa mu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:27

U kpɛɛa uu win nya u je, “Dɛɛ teěn nɛ̀à kpa tùɔn, klɔ̀ba Hɛwlǒ klee klɔ̀ba Pɔntìɔ Pàlɛ̌te beǒ tàa do kělɔ dě fòɛà wlòmo u klee kuodakwɛ̌ klee Ǐsòwɛ̌ kwɛɛn ǔ po dɛ kukǔ ble keǒ Nè Ngmà Je Ne Nyebajloà dbòo jleě mǒ Ɔ̈ moo Jùsu.