Lǔkù 22:52 - Nyesoaa Kuo Win Jajle

⁵² È kě Ɔ nia Nyesoaa kpatòapoo fòe klee tabɔ̀ɔ jǐgbàdiɔpo ü tùii Nyesoaa kǎ fòɛ jǐ mɔ̀ klee Jùwɛ nyoo bòlibo ü dia Lɔɔ mɔ̀ wan gbògba Ɔ je, “Mɛ kɔɔ̌n tè a keě kɛɔ Mǒ mɔ̀ di a jɛ lěe pen klee kpangbia wòje keà nyu mii jliɔ̌ le pɔ̀nma?

Lǔkù 22:52 ပူးပေါင်းရင်းမြစ်များ

Matiɔ̌n 26:47

Tà win kɛ̀naěe Jùsu wan bo, è Jùdǎse ɔ̈ mooaa tàii pù tùo sɔ̌nʼǒ u nyuu do, è nɔ̀ǒ nyniaǒ ɔ klee diblɛ̌ ü blěaa wonwɛ̌n pen klee kpangbia kwa le ü Nyesoaa kpatòapoo fòe klee Jùwɛ nyoo bòlibo dboaa.

Matiɔ̌n 26:55

È kě Jùsu nia diblɛ̌ǒ wan gbògba Ɔ je, “Mɛ kɔɔ̌n tè a keě kɛɔ Mǒ mɔ̀ di a jɛ lěe pen klee kpangbia wòje keà nyu mii jliɔ̌ le pɔ̀nma. Tǐ wùɛ mɔ̀ Ě neě Nyesoaa kǎ fòɛ bo Ě boɛ nyopò Nyesoaa tè je, klě a slěě kmee ne?

Lǔkù 22:37

Mɛ kɔɔ̌n tèǒ joo nɛ̀ moo Nyesoaa win boɔ noǎ wùɛà ii tè le ï mii tùɔn kpaba kěàǎ jleě mǒ, è kě i dɛ̌ i je, ‘U miǎ Ɔ numa wòje keà kpni kukwǐ nyu.’ (Is 53.12) Noǎà u chlěaa kěàǎ jleě mǒ seela nìà kpɛ tùɔn kèkeà.”

Lǔkù 22:4

Ii tè Jùdǎse muaě Nyesoaa kpatòapoo fòe klee Nyesoaa kǎ fòɛɛ jǐ mɔ̀ tù tabɔ̀ɔ jǐgbàdiɔpo mɔ̀ u klee ɔɔ sɔ̌n poaě ɛ le ke ɔ mia lěe Jùsu bo demǒ sèsa numa klě u kwete mǒ.

Lǔkù 22:51

Kɛɛ kě Jùsu dɛ̌a ɔ je Ɔ je, “Bɔ̌ dɛǒ!” È Ɔ dǔa jbɛjuǒ ɔɔ nɔkǔǒ mǒ Ɔ̌ peana nɔ.

Lǔkù 22:53

Tǐ wùɛ mɔ̀ klě Ě neě Nyesoaa kǎ fòɛǒ bo, kě a sěɛlaǒǒ son jleě mǒ pe, kɛɛ tǐà nì moo aa tǐ plě nì moo tǐ keǒ kwijlě bɛ kɔn win kwa.”

Jɔ̀ɔ̌n 17:12

Tà u klee Mǒ ä neě jè lɔɔ kmɔ̌ɔ mɔ̀, Ě tùi u mɔ̀ jǐ klě Nè nynɛ̌ wlòmo Ě nɛɛ u, ii tè uu nyuu doo chɛ̀ se mǎ, ɛ̀ sìnʼǒ nyuu doà ɔ̈ poo loo na slè mumuɛ jeja ɔ̈ mǎa ɛ̈ di ɛɛ numa Nè winʼà ï dǎla bòo i miǒ jaě le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:26

Tǐi doo tǐi jleě jǐgbàdiɔ klee ɔɔ tabɔ̀ mua ǔ blala u, u sea u kpě mǒ nu. Mɛ̌oǒ joo nɛ̀ moo u pea fano u je bo nyopò buǔ dbaěa u seɛ̌ jleě.