Lǔkù 2:9 - Nyesoaa Kuo Win Jajle

⁹ È Koɔnʼɔ najiǒpòi nɔ̀ woǒa u je, è Nyesoaa tè jǐ boaboǎ fɛɛnʼa u dlǒ, ii tè kètekee bea u wan bo.

Lǔkù 2:9 ပူးပေါင်းရင်းမြစ်များ

Matiɔ̌n 1:20

Tà ɔmoǒ ɔ keaa dɛǒ dlǒ mɔ̀le sìɛn ne, è Koɔn Nyesoaa najiǒpòi nɔ̀ jǎla ɔ dlǒ mɔ̀ klě jajie mǒ ɔ je, “Jòsɛ̌fo, mòà kɔn lěe klɔ̀ba Dèběsee jlǔu jlǔ slè, bɔ̌ fano pepeɛ keǒ bò kɔn Mɛwlě nynɔ mǒ. Kwlěǒ ɔ ne mǒo ɛ moo Ngmà Je Ne Sùsuu nunu dɛ.

Lǔkù 1:28

Tà Nyesoaa najiǒpòiǒ ɔ palaě ɔɔ mɔ̀ koǔ bo, kě ɔ dɛ̌a ɔ je, “Ě jɛɛ leè kɛn, Koɔn jěè mǒ nyu chɔɔ, Ɔ neeǒò mɔ̀.”

Lǔkù 2:8

Ɛ kɔna blableǎ jǐ mɔ̀ tù nyo ü nea lěe fle mǒ ü seaa diě mɔ̀ tmɔɔ no ü peaǒ ɛɛ le ü tùia uu blableǎ jǐ mɔ̀ klě tǒn jlǒ waěǒ mɔ̀.

Lǔkù 24:4

Tà u nynanaǒo bǐtìeǒ wien bo feanfeǒ kea uu ni, è keà nyu kɛpǒo jǐ u jěa jbɛjluu sɔ̌n ü nynanaǒ uu wakǎ mǒ bo, uu daleà u peaa fǒ měne i plɛ̌a pɔpɔ wòje tɛ̀nʼɛ pepě.

Jɔ̀ɔ̌n 12:41

Tà Aesaeǎ boɔɔaǒo tèǒ nɛ̀ moo tà ɔ jěaa Nyesoaa tè jǐ boaboǎ, winʼǒ ɔ boɛa li keǒ Jùsu jleě mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 12:7

Tà ɔ muaǒo bo chèba, è keà nyu kɛpǒo jǐ, è Koɔnʼɔ najiǒpòi nɔ̀ǒ wǒaǒ ɔ mɔ̀, è pepě fɛnʼa ne. Najiǒpòiǒ ɔ̌ tepěa Pitɛ̌ le keǒ ɔ wakǎ mǒ bɔ sɔna mǒ, kě ɔ dɛ̌a ɔ je ɔ je, “Nu jǐ měne, dǔ jemǒ!” È tǐi doo tǐ jleě chěenʼe sɔ̌n nìǒ bloaě ɔ sonwe le.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 27:23

Tǒn jlǒ waěà ä sɔnʼɔ kɛn mǒ, Nyesoaà kɔn nyu Ě monoo plě Ɔ̈ kɔn wɛ̀ Ě sɛ̀ɛ Nɔ̀ kɔn najiǒpòi nynaǒǒ wakǎ mǒ bo,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:19

Kɛɛ klě tǒn jlǒ waěǒ wlòmo, Koɔnʼɔ najiǒpòi dia lě ɔ̌ sàlaǒ wùloo pně chnuǒ ɔ̌ jala lɔ u plomǒ ɔ̌ tmɔɔ̌a nu

2 Kwnɛtiɛ̌ 3:18

Ä se äa jigbè tata je kaen ne, ii tè ä jě Koɔnʼɔ tè jǐ boaboǎ le, ɛmo tè jǐ boaboǎǒ ɛ̈ǒ sɔn lěe Koɔn mɔ̀ mǒ Ɔ̈ monoo Sùsu nɛ̀ sɛ̀ äa kmɔ̌ de le, ä wǒ Ɔ je chɔɔ plě ä kɔn Ɔɔ tè jǐ boaboǎǒ ɛɛ kpɛntɛɛ̌.

2 Kwnɛtiɛ̌ 4:6

Mɛ̌oǒ joo nɛ̀ moo Nyesoaa doǒ Ɔ̈ nuaa pepě ɛ̌ fɔnaa klě kwijlě slè Nɔ̀ fɛn klě äa wlè jleě ɛ̈ nu ɛɛ ä kɔnʼɔ pepě ɛ̈ monoo Nyesoaa tè jǐ boaboǎa tè le jbojbɛ ɛ̈ fɛɛnʼǒo Jùsu Tentǎn Jǔ je.

1 Timɛtě 3:16

Nyu wùɛ nɔ̀ slě wɔ̀ bɔ̈ chnɛ̀ i mǒ ke äa Nyesoaa je wɛ̌ dɛà ɛɛ tè nuu kunkuɛn. Ɛmoǒ Jùsu Nɔ̀ ɛ nynaǒ kɛn bo Ɔ̈ wǒaa tàmo klě tùonyu tǔn wlòmo klee Ɔ̈ Ngmà Je Ne Sùsu sàlaa tàmo Ɔ̈ mooa Jebo Siǐn Nyu plě Ɔ̈ najiǒpò jěaa klee Ɔ̈ kɔn tè boɔɔaa klě dakɔ̌ wùɛ mɔ̀ klee Ɔ̈ kɔn tè nyopò poo kàan tè kělɔ kmɔ̌ɔ mɔ̀ plě Ɔ̈ Nyesoa dǔaa jemǒ Ɔ kpalaa jɔkɛn.

Hiblǔ 12:21

Ɛmo tùɔnʼǒ ɛ moo ɛ blěe mǒ bo kètee tùɔn ɛ̈ nua nɛɛ Mɔ̀sě dɛ̌a bòo ɛ̈ moo, “Ně fě sèn le keǒ fano mɔ̀.” (Deut 9.19)

Wlɛ̀velesɔ̌n 18:1

Tà dɛǒ ɛ sìnʼaa, Ě jěa najiǒpòi tɔ̀ɔ ɔ̌ sonwɛaě jɔ mǒ ɔ̌ diaɔ wɔ̀ɔn. Ɔ kɔna win kwa kɔn kpě fòe, ɔɔ tè jǐ boaboǎa pepě fɛnʼa kělɔ blǒ mɔ̀.

Wlɛ̀velesɔ̌n 20:11

È Ě jěa klɔ̀ba gbèsɛɛ plǔ fòɛ Nyu tɔ̀ɔ neaǒ ɛ kɛn bo. Blǒ klee jɔ fǎna keǒ Ɔ jemǒ, nyu ně jěa li de.