Lǔkù 2:47 - Nyesoaa Kuo Win Jajle

⁴⁷ Nyopò wùɛ ü wɛ̌na Ɔɔ win i kɛɛnʼa u le wlò keǒ ke Ɔ nuaa de jijiɛ mɔ̀ plě klee ke Ɔ niaa noǎ wùɛ u gbɛ̀a Ɔɔ wan le kɛ̀ɛn tùtuɛ.

Lǔkù 2:47 ပူးပေါင်းရင်းမြစ်များ

Matiɔ̌n 13:54

Ɔ̈ mua lě Ɔɔ chɛ̀ɛ dǐa ɛ̈ moo Nǎsòwɛ̌, klě Ɔ teea lě nyopò klě Jùwɛ nyoo Nyesoa keǐ bo ble le. È nyopò wùɛ ü nea lěe i kaenʼa u le wlò, kě u dɛ̌a u je, “È tà Nyuà Ɔ sɛ̀ɛ̌ kɛ Ɔɔ tɔ̀n klee kpě taeà?

Matiɔ̌n 22:33

Tà diblě wɔ̌na imoo tèǒ, ì kàea u bo wan keǒ Ɔɔ teeaǒ mɔ̀.

Matiɔ̌n 7:28

Tà Jùsu wɔ̀laa tè wùɛǒ boɔboɔ mɔ̀, è diblɛ̌ wùɛ ü neaǒo i kaenʼa u le wlò.

Mǎkè 1:22

Ɔ teea lu wòje keà nyuu chɛ̀ blěe noǎa kpě, Ɔɔ̌ teea lu wòje keǒ uu teteǎ tee nyoo ka neaa je, ii tè i kaenʼa nyopòǒ le wlò.

Mǎkè 11:18

Teteǎ tee nyo klee Nyesoaa kpatòapoo fòe pea Jùsuu fano. Mɛ̌oǒ joo nɛ̀ moo Ɔɔ noǎǒ Ɔ teea ii tè kàea nyopò wùɛ bo wan. Tèǒ nì kɔn tè tà u wɔ̌na imoo tèǒ, u pɛ̀na fɔ̌ le u mǐa Ɔ dbǎ.

Mǎkè 6:2

È klě Nyesoaa defɛ chnɛ̀ jlǒ waě wlòmo Ɔ tùngmaea Nyesoaa win boɔboɔ klě uu Nyesoa koǔ bo, è nyopò fòfoa ü wɔ̌na Ɔɔ winʼǒ ì kàea u le wan, kě u dɛ̌a u je, “È tà Nyuà Ɔ sàǎ kɛ noǎà? È tɔ̀n do taeà nyee neě kɛ Lɔ? È ke tàe Ɔ niǐ kɛ wlòlekaen noǎ wùɛà nunuɛ?

Lǔkù 2:18

Tà nyopò wùɛ wɔ̌na nii ì kɛɛnʼa u le wlò.

Lǔkù 2:46

Chnɛ̀ jlǒ wěe tan nì sìnʼa plě ǔ jěa Lɔ klě Nyesoaa kǎ fòɛ bo Ɔ̌ nea lě Nyesoaa teteǎ tee nyo slè bo Ɔ̌ pea u nɔkǔ jebo plě Ɔ̌ gbɛ̀a u wan le.

Lǔkù 4:22

Wlòlekaen noǎǒ Ɔ boɛaa i kmeea nyopò wùɛ kɛn ǔ pooa Ɔ kòo kɛn, kě u dɛ̌a u je, “Deě ɛ se kɛ Jòsɛ̌foo Jbɛjujuà le?”

Lǔkù 4:32

Ɔɔ teea kaenʼa u le wlò. Mɛ̌oǒ joo nɛ̀ moo Ɔɔ boɔboɔ neaě kpě wlòmo.

Jɔ̀ɔ̌n 7:15

Ɔɔ teeaǒ ɛ kaenʼa Jùwɛ nyoo nyefòapo le wlò. È kě u dɛ̌a u je, “Nyuà Ɔ̈ see chěn, è ke ɛ nuǔ kɛ plě Ɔ̌ nuǔ bò le jijiɛ?”

Jɔ̀ɔ̌n 7:46

È u tùa u kɛ̀ɛn u je, “Ä sěɛlǎ nyu jě bɔ nu bò boɔboɔ!”