Lǔkù 2:4 - Nyesoaa Kuo Win Jajle

⁴ Nɛ̀ kɔn tè Jòsɛ̌fo sɔnaě Nǎsòwɛ̌ dǐa mǒ ɛ̈ neěe Jàlalǐi wakǎ kɛn ke ɔ̌ muaě Jùdǐa wakǎ kɛn klě diěǒ moo Bɛ̀tlehɛ̌ɛn kɛn ɛ̈ moo klɔ̀ba Dèběsee diě. Tè kɔn tè ɔ mua lěe nɛ̀ moo ɔ kɔnaě Dèběsee tùgba slè.

Lǔkù 2:4 ပူးပေါင်းရင်းမြစ်များ

Matiɔ̌n 1:20

Tà ɔmoǒ ɔ keaa dɛǒ dlǒ mɔ̀le sìɛn ne, è Koɔn Nyesoaa najiǒpòi nɔ̀ jǎla ɔ dlǒ mɔ̀ klě jajie mǒ ɔ je, “Jòsɛ̌fo, mòà kɔn lěe klɔ̀ba Dèběsee jlǔu jlǔ slè, bɔ̌ fano pepeɛ keǒ bò kɔn Mɛwlě nynɔ mǒ. Kwlěǒ ɔ ne mǒo ɛ moo Ngmà Je Ne Sùsuu nunu dɛ.

Matiɔ̌n 2:23

ɔ̌ tǐnʼa lě diěǒ u dɛɛ Nǎsòwɛ̌ kɛn ɛ̈ di ɛɛ numa winʼǒ Nyesoa poa Ɔɔ wnɔsàɔpo wan seela tǐ jleě i mǐaǒ jaě le ï dɛ̌a bòo, “U miǎ Nɔ Nǎsòwɛ̌ Nyu daeba.”

Lǔkù 2:3

Ii tè nyopò wùɛ mua uu chɛ̀ɛ deě kɛn le u mǐa uu nyneǎ po.

Lǔkù 2:5

Ɔ mua lě ɛ̈ di ɛɛ numa ɔ mǐa ɔ klee Mɛwlěe nyneǎ po ɔ̈ ɔ kmeaa je ɔ̈ neaa kwlě mǒ.

Lǔkù 4:16

È Ɔ mua de klě Nǎsòwɛ̌ dǐa tà Ɔ kuunʼa lěe. È klě Sɛ̌ɛ̀de wlòmo ɛ̈ moo Nyesoaa de fɛ waě, Ɔ muaě Jùwɛ nyoo Nyesoa koǔ bo wòje ke Ɔ ni pnɔɔ Ɔ̌ nynana bo Ɔ mǐa Nyesoaa win slè.

Jɔ̀ɔ̌n 1:46

Nataniɔ̌ gbɛ̀a ɔ wan ɔ je, “Jè Nǎsòwɛ̌ kɛ le? Ě ji ɛle kàan dɛ slě wɔ̀ bɛ sɔnʼě ɛmo diěǒ wlòmo.” È Felɔ̌ tùa ɔ kɛ̀ɛn ɔ je, “Diě mì Ɔ jě.”

Jɔ̀ɔ̌n 7:42

Kě Nyesoaa win dɛ̌ ɛ̈ moo Nyesoaa Tentǎn Jǔ miǎě klɔ̀ba Dèběsee tùgba slè diiba u miǎ Ɔ kɔnma klě diěǒ moo Bɛ̀tlehɛ̌ɛn kɛn ɛ̈ neěe Jùdǐa wakǎ kɛn klě tàà Dèběse nea lěe.”