Lǔkù 2:34 - Nyesoaa Kuo Win Jajle

³⁴ È Semìɔ poa u ngmna mɔ̀, kě ɔ dɛ̌a Jùsu naǎ Mɛwlě je ɔ je, “Jǔà Nyesoa sà Lɔ keǒ gbè sùesuɛ klee wowa dɛ mɔ̀ keǒ Ǐsòwɛ̌ kwɛɛn fòfoa mɔ̀. Nɔ̀ moo Jboo Dɛ Ɔ sɔnʼě Nyesoa mɔ̀ mǒ, nyopò fòfoa mi Ɔ win fǒ měne boɔba

Lǔkù 2:34 ပူးပေါင်းရင်းမြစ်များ

Matiɔ̌n 11:19

È Jbɛjuu Jǔà Ɔ diě Ɔ̌ di dɛ Ɔ̌ nǎ, kɛɛ uǔ po Ɔ nɔkǔ jebo, è kě u dɛ̌ Ɔɔ tè ɛ̈ moo, ‘Nyuà tàa Ɔ kɔn knaknǒ Ɔ̌ moo nmɔ nǎɔ plě Ɔ̌ moo dlǒ wlě tɛ̌n nyo klee kpni kukwǐ nyo tùu mɔ̀niapo,’ kɛɛ Nyesoaa tɔ̀n winʼà i boɛ kàan tè ɛ̌ tee ɛ keǒ dɛ i nii klě nyopòo kmɔ̌ neneɛ mǒ.”

Matiɔ̌n 12:46

Tà Jùsu kea lěe nyopò fòfoaǒ mɔ̀ boɛ klě koǔ bo, è Ɔɔ naǎ klee Ɔɔ mamǔpò dia lě ǔ fea Lɔ keǒ plomǒ u mǐaě Ɔ mɔ̀ boɔ.

Matiɔ̌n 21:44

Nyuà ɔ̈ mii wɔ̀ɔn beba keǒ Tiblěǒ kɛn Ɛ mi ɔ le waeba, è nyuà ɔ̈ Tiblěǒ Ɛ mii kɛn beba Ɛ mi ɔ le changmnaema.”

Matiɔ̌n 27:63

è kě u dɛ̌a u je, “Chì kpa ämo, i beě ä mǒ wlò tǐà jleě sen le tmɔ̌ Nyuà Ɔ neěa jèe kmɔ̌, winʼà nì Ɔ boɛa ɛ̈ moo Bɔ̌ kǒa klě chnɛ̀ jlǒ wěe tan nenɛ wlòmo Nyesoa miǎě Ɔ kǒla mǒ sàba Ɔ miǎ kmɔ̌ ne.

Lǔkù 2:35

ɛ̈ di ɛɛ numa Ɔ mǐ uu je wɛ̌ dlǒ le sìɛnsiɛn pepě mǒ po. Chnechně noǎa wòje wonwɛ̌n pan nì mi mò Mɛwlě mǒ bo sǐba ke.”

Jɔ̀ɔ̌n 3:20

Nyopò wùɛ ü nii dɛ kukǔ u faen Pepěǒ lo, uǔ diɔ Ɛ mɔ̀ ɛ̈ di ɛɛ numa uu noǎ kukwǐǒ u nii iǐ di Pepě mǒ be.

Jɔ̀ɔ̌n 5:18

Dɛǒ nɛ̀ nia Jùwɛ nyo wùɛ ǔ jlɛ̌ bu dbǎla Ɔ. Ɛ se Bɔ wlǎla Nyesoaa de fɛ waěe tetěe do, kɛɛ Ɔ dɛɛa Ɔɔ chɛ̀ Nyesoaa Jǔ ke. È klě ɛmo dɛǒ wlòmo Ɔ ni Ɔɔ chɛ̀ Ɔ klee Nyesoa Ǔ boɛɛ kɛn mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:45

Tà Jùwɛ nyo jěaa diblɛ̌ǒ, è u nia chea ǔ cheɛɛ̌a Pɔ̀ɔ̌ le klee ǔ boɛa winʼǒ ɔ boɛɛa tè fǒ měne.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:6

Kɛɛ tà u sea uu jě, u chlìa Jesɔ̀n klee Tentǎn Jǔu wǎn tùu le ǔ kpalaě u diěe nyefòapo mɔ̀ ǔ pnɛ̌a dɛ jleě le u je, “Nyopò taeà u dǔaě kmɔ̌ wùɛà jale jejǎea slè popoɛ mǒ seea. È klě tǐà wlòmo kělɔ äa tàɔ kě u diɔ ke!

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:5

Ä jě ɔmo jbɛjuà ɔ̌ pe noǎ kukwǐ blǒ měne. Ɔ tù jale jejǎea wlò klě Jùwɛ nyo slè kělɔ kmɔ̌ wùɛ mɔ̀ plě nɔ̀ moo je siɔ keǒ Nǎsòwɛ̌ɛ wǎn mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 28:22

Kɛɛ ä mi ɛ mǒ noɛɛma bä wɔ̌n blèe dɛà kɔn tè pòo kàan tè. Mɛ̌oǒ joo nɛ̀ moo ä ji ɛle ɛ̈ moo nyopòà nee blě wùɛ kɛne u boɛ Tentǎn Jǔu wǎnʼǒ kɔ̀n lěe slè win kukwǐ fǒ měne.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 4:26

Kmɔ̌ɔ klɔ̀bapoo miǎ de wɛ̀ba plě kmɔ̌ɔ je si nyo miǎǒ tàa do beba, u miǎ Koɔn Nyesoa klee Ɔɔ Tentǎn Jǔ je wɔ̀n.’ ” (Ps 2.1-2)

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 6:7

Tà Nyesoaa winʼǒ i keaa blě kɛn le gbɛ̀tɛɛ le, è kàan tè po nyoǒ nea lěe Jlǔsnɛ nùǒ bebeea kɛn le ü fèa klě de wlewlě tǔn mǒ. Kpatòapoo dɛ fòfoaa chɛ̀ kmea teeaǒ bo ɛ̈ kwɛɛaǒo Jùsuu tè jleě mǒ bo.

Wlǔmɔ 9:32

Mɛ kɔɔ̌n kɛ tè u seǒo jebo siǐn ni? Dɛ nu ɛɛ nɛ̀ moo u pɛ̀n jebo siǐan le klě dɛ u nii mǒ ɛ̈ se bu kɔn tè wlò popoɛ. Dɛǒ nɛ̀ kɔn wlòmo klě u bòoě bojoɛɛ keǒ Seɔ̌ jleě mǒ Ɛ̈ moo Tentǎn Jǔ

1 Kwnɛtiɛ̌ 1:23

kɛɛ ä boɛɛ kɛn Tentǎn Jǔu tè Ɔ̈ kɔɔaǒo pète bɛ̌ tu jleě. Jùwɛ nyo mǎ tuposàǒ ɛɛ snǔ nu plě kuodakwɛ̌ jě lɛ ɛ̈ moo ɛ moo plɔɔ kokǒ dɛ,

Hiblǔ 7:1

Bi beě a wlòmo Mɛchesèda mooa Selɛ̀n diěe klɔ̀ba ɔ̌ mooa bodiɔ keǒ Ja Tmɔ Nyesoa mɔ̀. Tà Eblɛ̌hɛ̀mo duaa klɔ̀bapoo tùu ɔ keaa de di klě takaně mǒ, Mɛchesèda mua ɔ je mɔ̀ɔma ɔ̌ poa ɔ ngmna mɔ̀.

Hiblǔ 7:7

I se kplɛ ɛ̈ moo nyuà kɔn tè boǎa jǐ nɔ̀ pe nyuà kɔn tè see jǐ boǎ ngmna mɔ̀.

1 Pitɛ̌ 4:14

Tà a poo Tentǎn Jǔu nynɛ̌ɛ tè kàan tè, ii tè bǔ ke a sadoě tùi, a kɔn ngmna. Mɛ̌oǒ joo nɛ̀ moo ɛ sɛ̀n nynɛ̌ Nyesoaa tè jǐ boǎ Sùsuǒ Nɛ̀ǒ neě a ja.