Lǔkù 2:16 - Nyesoaa Kuo Win Jajle

¹⁶ Ii tè ǔ nua jǐ měne ǔ mua lě Bɛ̀tlehɛ̌ɛn dǐa ǔ pɛ̀na Jǔǒ le ɛ̌ kpala ɛ kpa kpa ǔ jěa Ɔɔ naǎ Mɛwlě klee Jòsɛ̌fo ǔ jěa Juplǔǒ Ɔ̌ pɛnaě wnùnoaa mǒ dii blɔ̀kun wan bo.

Lǔkù 2:16 ပူးပေါင်းရင်းမြစ်များ

Lǔkù 1:39

Tà dɛǒ ɛ sìnʼaa, tǐi doo tǐ jleě Mɛwlě tɛ̌nʼa le ɔ̌ nua jǐ měne ɔ̌ muaě togbei diěǒ wlòmo ɛ̈ nea lěe Jùdǎ dakɔ̌ɔ blǒ wakǎ kɛn.

Lǔkù 19:32

È nùǒ mua. È ke Ɔ nuaa noǎ wùɛǒ tu měne popoɛ teěn teěn nɛ̀ ɛ mooa.

Lǔkù 2:12

È bǎ mu, dɛ a mi Ɔmoo Juplǔǒ jbooba nɛ̀ moo u peanʼě Ɔ wnùnoaa mǒ dii blɔ̀kun wan bo ǔ finfiɛ̌ɛ Ɔ juplǔ dale.”

Lǔkù 2:15

Tà najiǒpòǒ u sɔnaǒ uu mɔ̀ mǒ u muaa jɔkɛn de, è kě blableǎ jǐ mɔ̀ tù nyoǒ u dɛ̌a u je, “A nɛ bä muě Bɛ̀tlehɛ̌ɛn dǐa dɛà kpaa tùɔn ɛ̈ kɔn tè Koɔn di ämoo tmɔɔ̌ma ä mǐ ɛ jě!”

Lǔkù 2:17

Tà u jěaa Jǔǒ, u tmɔɔ̌a nyopò wùɛ noǎ wùɛ najiǒpòiǒ ɔ tmɔɔ̌a nuu kpǎkpǎ ï kwɛɛaǒo Jǔǒ jleě mǒ bo.

Lǔkù 2:7

Ɔ kɔna ɔɔ Nyǐsaju Ɔ̈ mooa Jbɛjuju ɔ̌ finfiɛ̌ɛa Ɔ juplǔ dalo ɔ̌ peanaě Ɔ wnùnoaa mǒ dii blɔ̀kun wan bo. Mɛ̌oǒ joo nɛ̀ moo blò tɛ̀ɛ sea kɛ̀ tà ne klě uu dakpě keǐ bo ble le.

Lǔkù 22:13

Tà u muaa, ke Ɔ nua nɛ ùu tmɔɔ̌a teěn kě dɛ wùɛ u jěaa ɛ nua tùɔn kpokpa. È Dlǒ Mǒ Sìin Didi Dɛ nɛ̀ǒ u wɔ̀a mɔ̀le.