Lǔkù 2:14 - Nyesoaa Kuo Win Jajle

¹⁴ “Tè jǐ boaboǎ keǒ Ja Tmɔ Nyesoa mɔ̀! Ně bo wnawna keǒ kmɔ̌ ne tùonyopo mɔ̀ ü Ɔɔ plɔ bloo loo kɛn!”

Lǔkù 2:14 ပူးပေါင်းရင်းမြစ်များ

Matiɔ̌n 21:9

È diblɛ̌ǒ kɛnaě Ɔɔ nya klee tìeǒ nea Nɔɔ demǒ u pea plɔɔ bloo slɛ̀ le wòje ke Nyesoaa win dɛ̌ɛ, ǔ nia, “Hehejoo keǒ Dèběsee jlǔu Jǔ mɔ̀! Baea keǒ Ɔ mɔ̀ Ɔ̈ diiěe Koɔnʼɔ nynɛ̌ wlòmo! Baea keǒ Ja Tmɔ Nyesoa mɔ̀!” (Ps 118.25-26)

Lǔkù 1:79

Bɛ fɔɔn nyopòà dlǒ ü neěe kwijlě slè plě ü neěe kokoɛ̌ɛ sùsu bobo. Pepěǒ nɛ̀ mi ä fɛ snǔǒ mɔ̀ naama ɛ̈ miěe ně bo wnawnaa tùɔn kɛn.”

Lǔkù 19:38

Kě u dɛ̌a wòje keǒ Nyesoaa win dɛ̌ɛ u je, “Baea keǒ Klɔ̀ba mɔ̀ Ɔ̈ diiěe Koɔnʼɔ nynɛ̌ wlòmo! Nɛ bo ně bo wnawna bɛ neě jɔkɛn, è nyopò bu nye Ja Tmɔ Nyesoa tè jǐ boaboǎ!” (Ps 118.26)

Lǔkù 2:13

Klě jǐ kapǒa wlòmo, è najiǒpò fòfoa nù wǒa tàmo ü sɔnaě jɔkɛn mǒ keǒ najiǒpòiǒ gbàa ǔ pea Nyesoaa nynɛ̌ le klě bleble win wlòmo, kě u dɛ̌a u je,

Lǔkù 2:15

Tà najiǒpòǒ u sɔnaǒ uu mɔ̀ mǒ u muaa jɔkɛn de, è kě blableǎ jǐ mɔ̀ tù nyoǒ u dɛ̌a u je, “A nɛ bä muě Bɛ̀tlehɛ̌ɛn dǐa dɛà kpaa tùɔn ɛ̈ kɔn tè Koɔn di ämoo tmɔɔ̌ma ä mǐ ɛ jě!”

Lǔkù 3:22

È Ngmà Je Ne Sùsu sɔnaě jɔkɛn mǒ Ɛ̈ nea lěe plabaee tǔn wlòmo Nɛ̀ tèea lě Ɔ ja, è Nyesoaa Win sɔnaě jɔkɛn mǒ, kě I dɛ̌a I je, “Mòà Mò moo Ně Jǔ Ě noɛɛ nee mǒ, Ně plɔ bloo loò kɛn chɔɔ.”

Jɔ̀ɔ̌n 14:27

Ně bo wnawna nɛ̀ Ě siɔ a slè, Ně ně bo wnawnaà Ě nye amoo ɛ se je wǒ kmɔ̌ɔ ně bo wnawna ɛ nye ɛɛ nyopò. Ke ɛ toon jleě mǒ bo Ě nye amoo ně bo wnawnaà, dɛ wùɛɛ kèjle bɛɛ̌ ni amo plě baǎ pe dɛ wùɛɛ fano.

Jɔ̀ɔ̌n 17:4

Ě wɔ̀ konkwaà nyè Mǒo mɔ̀ no, klě ɛɛ nunuɛ mǒ Ě nyeè tè jǐ boaboǎ kělɔ kmɔ̌ mɔ̀.

Jɔ̀ɔ̌n 3:16

È nè wan gbà dɛǒ ɛɛ kɛ̀ɛn tùtuɛ nɛ̀ moo Nyesoa noɛɛ kmɔ̌ɔ nyopòà mǒ no chɔɔ dɔ̌, tèǒ nì kɔn tè Ɔ nyee Ɔɔ Jǔu do keǒ Bɔ moo äa kpni kukwǐi chɔ̀no ɛ̈ di ɛɛ numa nyu wùɛ ɔ̈ mi Ɔɔ tè kàan tè poba ɔɔ̌ di kǒ, kɛɛ ɔ miǎ kmɔ̌ sie fònfno kɔn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:36

A ji tuposàǒ Nyesoa dboaa le klě Ǐsòwɛ̌ kwɛɛn mɔ̀ ɛ̈ tmɛɛ̌a uu kàan win ï kwɛɛǒo ně bo wnawnaa tè jleě mǒ bo ɛ̈ u wɔ̀le je bu kɔnʼɔ keǒ u klee Nyesoa slè. Ɛmo ně bo wnawnaǒ ɛ diiě Jùsu Tentǎn Jǔ mǒ Ɔ̈ moo Koɔn keǒ nyu wùɛ mɔ̀.

Wlǔmɔ 5:1

Äa Koɔn Jùsu Tentǎn Jǔ Nɔ̀ nu ɛ ɛ̌ wɔ̀le ɛ ä kɔn tè wlò popoɛ, nɛ̀ Nyesoa nyna kɛn bo Ɔ̌ nu ä jebo siǐn nyo mǒ. Tèǒ nì kɔn tè ně bo wnawna neǒ ä klee Nyesoa slè.

Ifisiɛ̌n 1:6

ɛ̈ di ɛɛ numa ä mǐ Ɔ le bìse keǒ Ɔɔ wlòlekaen wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ nye ämoo mɔ̀ keǒ Ɔɔ mǒ noɛɛ Jǔ Bɔ koǒaǒ äa tà. Ɔ se ä dɛ mǒ tba keǒ ɛmoǒ mɔ̀.

Ifisiɛ̌n 1:9

Ɔ̌ po Ɔɔ je wɛ̌ dɛà pepě mǒ keǒ ä mɔ̀ ɛ̈ kɔn tè Ɔ dboaa Tentǎn Jǔ kělɔ kmɔ̌ɔ mɔ̀. Ɔ moo kàan, ii tè sɔɔnʼě kmɔ̌à ɛɛ wlò tùla mǒ Ɔ poa ɛmo je wɛ̌ dɛǒ ble.

Ifisiɛ̌n 2:4

Kɛɛ Nyesoa kɔn wɔle je jbojbɛ chɔɔ plě Ɔ̌ noɛɛ ä mǒ chɔɔ dɔ̌,

Ifisiɛ̌n 2:7

Nyesoa nu kàan keǒ ä mɔ̀ Ɔ̌ dbo Tentǎn Jǔ kělɔ ä mɔ̀ ɛ̈ di ɛɛ numa Ɔ mǐ ɛ nyopò wùɛ tee le ü neěe kmɔ̌ɔ nya ke Ɔɔ wlòo jlajlǎ dɛ ɛ̈ɛ̌ sà Ɔɔ wlò kǔ mǒ nuu kunkuɛn chɔɔ keǒ tùonyugbe mɔ̀.

Flepiɛ̌n 2:11

è nyu wùɛ kɔn bɔ boɔ lɛ ɛ̈ moo Jùsu Tentǎn Jǔ moo Koɔn ɛ̈ di ɛɛ numa Nyesoaǒ monoo Gbeǐ Ɔ mǐ tè jǐ boaboǎ kɔn.

Flepiɛ̌n 2:13

Nyesoa ni konkwa klě a slè, dɛǒ nɛ̀ ni ɛ ǎ jlɛ̌ ba nu dɛ blee Ɔɔ plɔ plě ǎ ni ɛmo dɛǒ.

Klasɔ̌n 1:20

plě Ɔ̌ poa ɛ ble keǒ Bɔ jaea nyu wùɛ de klě Ɔɔ chɛ̀ mɔ̀, jà nyu wùɛ neɔɔ kmɔ̌ɔ mɔ̀ klee klě jɔkɛn, Ɔ̌ nu ně bo wnawna keǒ u klee Ɔ̀ slè ɛ̈ diiěe Tentǎn Jǔu kokoɛ̌ mǒ keǒ pète bɛ̌ tu jleě.

2 Tɛseloniǎ 2:16

Äa Koɔn Jùsu Tentǎn Jǔ klee äa Gbeǐ Nyesoa noɛɛ ä mǒ no plě Ǔ kɔn Uu wlòo jlajlǎ dɛ ɛ̈ɛ̌ sà Uu wlò kǔ mǒ keǒ ä mɔ̀. Ii tè U mii nya Ǔ pe ä kbě ja le klee Ǔ nye ä kàan wlò je kunkuɛn.

Wlɛ̀velesɔ̌n 5:13

Ě wɔ̌na noǎ wùɛ ï neaa kmɔ̌ ii win klě jɔkɛn klee kělɔ blǒ mɔ̀ klee klě blǒ bobo plě noǎǒ neěe jbǒ mɔ̀ ǐ blea, kě i dɛ̌ i je, “Keǒ Nyuǒ neǒo klɔ̀baa gbèsɛɛǒ kɛn bo mɔ̀ plě keǒ Blajǔǒ mɔ̀, nɛ bo de bìsea klee bo tùtuɛ klee tè jǐ boaboǎ plě klee kpě bi kɔnʼǒ Ɔ mɔ̀ ke ɛ mii jleě mǒ bo tonma!”