Lǔkù 2:11 - Nyesoaa Kuo Win Jajle

¹¹ Kekɛɛà aa Gblàgbla Nyu Ɔ̈ moo Nyesoaa Tentǎn Jǔ Koɔn Ɔ kɔɔn no klě klɔ̀ba Dèběsee dǐa.

Lǔkù 2:11 ပူးပေါင်းရင်းမြစ်များ

Matiɔ̌n 1:16

È Jèkɔ̌po kɔna jbɛjuju ɔ̈ mooaa Jòsɛ̌fo ɔ̈ mooaa Mɛwlěe jbe. Mɛwlě kɔna Jbɛjuju Ɔ̈ moo Jùsu plě Ɔ̈ u dɛɛ Nyesoaa Tentǎn Jǔ.

Matiɔ̌n 1:21

Ɔ miǎ Jbɛjuju kɔnma, Jǔǒ Nɔ̀ miǎ Ɔɔ nyopò gblàba klě uu kpni kukwǐi plɔ tu kɛn bo maěa slè. Ii tè tùe Ɔ nynɛ̌ ɛ̈ moo Jùsu ɛ̈ sɛ̀nʼɛ nynɛ̌ Koɔn Gblà Ämo.”

Matiɔ̌n 16:16

È Saemɔ̌ Pitɛ̌ tùia Lɔ kɛ̀ɛn ɔ je, “Mòà Mò moo Nyesoaa Tentǎn Jǔ Ɔ̈ moo kmɔ̌ ne Nyesoaa Jǔ.”

Matiɔ̌n 16:20

È Ɔ maěaě Ɔɔ mɔ̀ cheěn nyo chìjoɛɛ nɔkǔ mǒ bo Ɔ je, “Alě tmɛɛ̌ nyu wùɛ ɛ̈ moo Mǒà Mǒ moo Nyesoaa Tentǎn Jǔ.”

Lǔkù 1:43

Mɛ kɔɔ̌n tè ɛmo dɛà ɛ kpɛɛ̌ kɛ tùɔn kěàǎ mɔ̀ ně Koɔnʼɔ naǎ ɔ̌ di mǒo jebo chèba?

Lǔkù 1:69

Klě Ɔɔ nyebajlo klɔ̀ba Dèběsee tùgba slè klě Ɔ dǔě kbě kɛne Wowa Nyu jemǒ keǒ ä mɔ̀

Lǔkù 2:26

Nɛ̀ poaě ɛ ɔ̀ mǒ ɛ̈ moo ɔ sea kǒba mu ɛ mǐa ɛ kpa kpa ɔ mǐaǒ Nyesoaa Tentǎn Jǔ jleě mɔ̀ kpa Ɔ̈ Koɔn miaa dboba.

Lǔkù 2:4

Nɛ̀ kɔn tè Jòsɛ̌fo sɔnaě Nǎsòwɛ̌ dǐa mǒ ɛ̈ neěe Jàlalǐi wakǎ kɛn ke ɔ̌ muaě Jùdǐa wakǎ kɛn klě diěǒ moo Bɛ̀tlehɛ̌ɛn kɛn ɛ̈ moo klɔ̀ba Dèběsee diě. Tè kɔn tè ɔ mua lěe nɛ̀ moo ɔ kɔnaě Dèběsee tùgba slè.

Jɔ̀ɔ̌n 1:41

Tà dɛǒ ɛ sìǐnʼa bòo sosǒ, Andlǔ mua ɔ̌ jěa ɔɔ mamǔ Saemɔ̌ ɔ̌ tmɔɔ̌a nɔ ɔ je, “Ä jě Masaeǎ!” Masaeǎ ɛ sɛ̀n nynɛ̌ Nyesoaa Tentǎn Jǔ.

Jɔ̀ɔ̌n 1:45

È Felɔ̌ mua ɔ̌ jěa Nataniɔ̌ ɔ̌ tmɔɔ̌a nɔ ɔ je, “Ä jě Nyuà Ɔ̈ kɔn tè Mɔ̀sě chlěaa klě Nyesoaa teteǎ wlòmo plě Ɔ̈ kɔn tè Nyesoaa wnɔsàɔpo chleě lee kɛn ke! Ɔ moo Jùsu, Jòsɛ̌foo Jǔ, Ɔ̈ kɔn lěe Nǎsòwɛ̌ dǐa!”

Jɔ̀ɔ̌n 11:27

Matǎ je, “Uuǔn Koɔn, Ě po i kàan tè Mòà Mò moo Nyesoaa Tentǎn Jǔ Ɔ̈ moo Nyesoaa Jǔ Ɔ̈ kɔn tè Nyesoaa wnɔsàɔpo boɔlaa Ɔ̈ mia lɔɔ kmɔ̌ɔ mɔ̀ diba.”

Jɔ̀ɔ̌n 20:31

Wlòlekaen noǎà nì chleě le kělɔ chněedɛ̌ɔ wlòmo ɛ̈ di ɛɛ numa a mǐ Jùsuu tè kàan tè po ɛ̈ moo Nɔ̀ moo Nyesoaa Tentǎn Jǔ plě Ɔ̈ moo Nyesoaa Jǔ, è klě Ɔɔ nynɛ̌ɛ kàan tè popoɛǒ wlòmo a mi kmɔ̌ sie fònfno kɔnma.

Jɔ̀ɔ̌n 4:25

È kě nynɔǒ ɔ dɛ̌a ɔ je, “Ě ji ɛle ɛ̈ moo Masaeǎ miǎě diba Ɔ̈ u dɛɛ Nyesoaa Tentǎn Jǔ. È bɛ̌ nu Bɔ̌ diǎ lě Nɔ̀ miǎ ä dɛ wùɛ wlòmo sèsaeba.”

Jɔ̀ɔ̌n 4:42

È nyopòǒ u tmɔɔ̌a nynɔǒ u je, “Ä po Ɔɔ tè kàan tè, ɛ se bò tmɔɔ̌ ämo ɛɛ doǒ ɛɛ tè. Ä wɔ̌n dɛ Ɔ boɔɔ lo äa chɛ̀, ii tè ä po Ɔɔ tè kàan tè plě ä ji ɛle sɛjesɛ Nɔ̀ moo Wowa Nyu keǒ kmɔ̌ɔ nyopòà mɔ̀.”

Jɔ̀ɔ̌n 6:69

Tèǒ nì kɔn tè ä po Nè tè kàan tè plě ä ji ɛ ɛ̈ moo Mò moo Ngmà Je Ne Nyu Ɔ̈ sɔnʼěe Nyesoa mɔ̀ mǒ.”

Jɔ̀ɔ̌n 7:41

È kě uu tìe tùu dɛ̌a u je, “Nɔ̀ moo Tentǎn Jǔ Ɔ̈ Nyesoa peea lěe Bɔ dboaa Ɔ̈ mǐa ämoo gblà.” È tìe tùu je, “Ke tae Nyesoaa Tentǎn Jǔ wɔ̀le je Bɔ nuǔ kɛě Jàlalǐi wakǎ kɛn mǒ sonsɔn?

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:36

A ji tuposàǒ Nyesoa dboaa le klě Ǐsòwɛ̌ kwɛɛn mɔ̀ ɛ̈ tmɛɛ̌a uu kàan win ï kwɛɛǒo ně bo wnawnaa tè jleě mǒ bo ɛ̈ u wɔ̀le je bu kɔnʼɔ keǒ u klee Nyesoa slè. Ɛmo ně bo wnawnaǒ ɛ diiě Jùsu Tentǎn Jǔ mǒ Ɔ̈ moo Koɔn keǒ nyu wùɛ mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:23

Nyesoa dǔa Nyuu do jemǒ klě Dèběsee jlǔu jlǔ slè wòje ke Ɔ nuaě ɛɛ pooa ɛ̈ di ɛɛ numa Ɔ mǐ Ǐsòwɛ̌ kwɛɛn wa klě uu kpni kukwǐi plɔɔ tu kɛn bo maěa bobo, Ɔɔ nynɛ̌ moo Jùsu!

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 17:3

ɔ̌ sèsɛɛa ɛ kɛn le plě ɔ̌ pea ɛ pepě mǒ ke ɛ nuaǒo le wɛɛnʼa Tentǎn Jǔ Bɔ jěaa sònwɛ plě Bɔ dǔaa jemǒ Bɔ sɔna lěe kǒla mǒ, kě ɔ dɛ̌a ɔ je, “Jùsuà kɔn tè Ě dǔa amoo tmɔɔ̌a mǒ Nɔ̀ moo Tentǎn Jǔ Ɔ̈ a pɛ̀n pnɔɔ snǔ mɔ̀le!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:36

È Pitɛ̌ kpɛɛa win nya ɔ je, “Tèǒ nì kɔn tè amo Ǐsòwɛ̌ kwɛɛn wùɛ ba kɔn ɛ jijiɛ ɛ̈ moo Ɔmo Jùsuu doǒ Ɔ̈ a kɔlaǒo pète bɛ̌ tu jleě, Ɔɔ doǒ Nɔ̀ Nyesoa nu aa Koɔn mǒ plě Ɔ moo Tentǎn Jǔ!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 5:31

Ɔ̌ kpalaě Ɔ Jɔkɛn Ɔ̌ tùaě Ɔ Ɔ̀ɔ chɛ̀ɛ dilǎ son mɔ̀ bo ɛ̈ monoo tùɔn fòɛ ɛ̈ kɔnʼǒo tùtuɛ, Ɔ mǐ Chì Kpa Ämo klee Gblàgbla Nyu tù keǒ Ǐsòwɛ̌ kwɛɛn mɔ̀ ɛ̈ di ɛɛ numa u mǐ uu wlè bo bitǐ, Ɔ mǐ uu tè wlò le poo lo.

1 Kwnɛtiɛ̌ 15:47

Nyesoa nua fnò ɔ̌ nua nyane jbɛju. Sɔ̌n nonɔ Jbɛju moo Koɔn Ɔ̈ sɔnaěe jɔkɛn mǒ.

Flepiɛ̌n 2:11

è nyu wùɛ kɔn bɔ boɔ lɛ ɛ̈ moo Jùsu Tentǎn Jǔ moo Koɔn ɛ̈ di ɛɛ numa Nyesoaǒ monoo Gbeǐ Ɔ mǐ tè jǐ boaboǎ kɔn.

Flepiɛ̌n 3:8

Bɛ̌ nu bo po imo noǎǒ kàan dɛǒ neǒo nyu bɔ ji Tentǎn Jǔ Jùsu wlòmo je Ɔ̈ moo ně Koɔn, ii wùɛ Ě jě li ɛ̈ moo i se dɛ mǒ ne. Keǒ Ɔɔ tè mɔ̀ Ě sàǒ noǎ wùɛ mɔ̀ jleě plě Ě jě li ɛ̈ moo i moo wɔ̀te ɛ̈ di ɛɛ numa Ě mǐ Tentǎn Jǔ kɔn

Klasɔ̌n 2:6

Tèǒ nì kɔn tè keǒ a nuu ǎ blěǒ Tentǎn Jǔ Jùsu mɔ̀ kwa keǒ Bɔ moo aa Chì Kpa Ämo, kě ba nu kmɔ̌ neneɛ wòje nyopò ü kɔnʼɔ tè wlò popoɛ klě Ɔ mǒ.

1 Jɔ̀ɔ̌n 4:14

Äa chɛ̀ ä jě Nyesoaa Jǔǒ lo plě ä moo sàsepo keǒ nyopò tùu mɔ̀ ɛ̈ moo Nyesoa Ɔ̈ moo äa Gbeǐ Ɔ dbo Ɔɔ Jǔ Ɔ mǐ tùonyopo gblà klě uu kpni kukwǐi plɔ tu kɛn bo maěa bobo.

1 Jɔ̀ɔ̌n 5:1

Nyu wùɛà mi nii kàan tè poba ɛ̈ moo Jùsu Nɔ̀ moo Tentǎn Jǔ Ɔ̈ Nyesoa peea lěe Bɔ dboaa, ɔmo nyuǒ ɔ moo Nyesoaa jǔ. Nyu wùɛ ɔ̈ noɛɛ nee Nyesoa mǒ Ɔ̈ moo äa Gbeǐ, ɔ noɛɛ Ɔɔ Jǔ mǒ no ke.