Lǔkù 2:1 - Nyesoaa Kuo Win Jajle

¹ Klě tǐǒ wlòmo Klɔ̀ba Akɔsɔ̀ nɔ̀ poa tetě ɔ je nyopò wùɛ ü nea lɔɔ kmɔ̌ɔ mɔ̀ bu poa uu nyneǎ.

Lǔkù 2:1 ပူးပေါင်းရင်းမြစ်များ

Matiɔ̌n 22:17

Tèǒ nì kɔn tè tmɔɔ̌ ämo dɛ bɛ moo Nè dlǒ mɔ̀le sìɛn dɛ keǒ dɛà mɔ̀. Ɛ wɛɛn kɛǒ le bä sà dlǒ wlě klě Wlǔmɔ nyoo klɔ̀ba mɔ̀le deě bäǎ sɛ̀ li?” U jěa lɛ ɛ̈ moo u kmea Ɔno, Bɔ̌ nua, “A sà li,” Ɔ̀ wala Jùwɛ nyoo tetě, Bɔ̌ nua, “Aǎ sɛ̀ li,” Ɔ̀ wala Wlǔmɔ nyoo tetě.

Matiɔ̌n 24:14

Nyesoaa win kwa konkɔnʼɔ tuposà jajlo miǎ kmɔ̌ wùɛà dlǒ wɔ̀ba ɛ̈ di ɛɛ numa ɛ miǎ sàse tù keǒ nyopòà ü wɔ̌n nii mɔ̀ plě kmɔ̌à ɛɛ dlǒ chlɛ̀chlɛ tǐ miǎǒ nyni.

Mǎkè 14:9

Tèǒ nì kɔn tè Ě tmɛɛ̌ amo, tà wùɛ u miǒ Nyesoaa kàan tuposàà pooba kělɔ kmɔ̌ɔ mɔ̀, dɛà nynɔà ɔ nuu u mi ɛɛ tè boɔba ke, dɛǒ nɛ̀ moo ɔɔ wlò mɔ̀le popoɛ.”

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Lǔkù 2:3

Ii tè nyopò wùɛ mua uu chɛ̀ɛ deě kɛn le u mǐa uu nyneǎ po.

Lǔkù 2:5

Ɔ mua lě ɛ̈ di ɛɛ numa ɔ mǐa ɔ klee Mɛwlěe nyneǎ po ɔ̈ ɔ kmeaa je ɔ̈ neaa kwlě mǒ.

Lǔkù 3:1

Tà Klɔ̀ba Tabewlìɔ kɔnaa Wlǔmɔ nyo win kwa klě jlěe pù tùo m̀m wlòmo, ɔɔ kòngmna nyefòapo nùà, Pɔntìɔ Pàlɛ̌te nɔ̀ kɔna Jùdǐa wakǎ win kwa, è Hɛwlǒ nɔ̀ kɔna Jàlalǐi wakǎ win kwa. Hɛwlǒo mamǔ Felɔ̌ nɔ̀ kɔna Ituwlìa klee Tlakonatè wakě win kwa, è Lasanià nɔ̀ kɔna Abalinì wakǎ win kwa,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:28

U nyuu doo nynɛ̌ mooa Akèbɔ, nɔ̀ nynana bo ɔ̈ sɛ̀a wan klě Ngmà Je Ne Sùsuu kpě wlòmo ɛ̈ moo, “Dodopà fòɛ mi kmɔ̌ wùɛ kɛn bo wlɛba, ɛɛ dɛ seǒ mɔ̀ tmɔ.” Dodopàǒ ɛ bea blǒ mǒ tǐǒ jleě Klɔdìɔ mooa klɔ̀ba keǒ Wlǔmɔ nyo mɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 25:11

Bɛ̌ nu sɛjesɛ bo nuu kenkan dɛ ɛ̈ blɛɛ lee kokoɛ̌ je, Ě se be de le poba mu keǒ bo kǒ, kɛɛ bɛ̌ nu dɛǒ Jùwɛ nyo boɛɛ bɛ̌ se kàan tè, nyu wùɛ slě wɔ̀ ɔ miě uǔ kwete mǒ po. Ně blilǐà Ě kpɛě i Wlǔmɔ nyoo klɔ̀ba mɔ̀!”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 25:21

Kɛɛ Pɔ̀ɔ̌ kpaě imo blilǐǒ klě Wlǔmɔ nyoo klɔ̀ba mɔ̀, ii tè Ě nye tabɔ̀ snǒ keǒ bu tù ɔ jǐ mɔ̀ ɛ mǐ ɛ kpa kpa Ě miě ɔ klɔ̀ba mɔ̀ dbo.”

Wlǔmɔ 1:8

È ke Ě jlɛ̌ boǒ nuu chněedɛ̌à wlò tùtuɛ nɛ̀ moo Ě pe ně Nyesoa tàto klě Jùsu Tentǎn Jǔ mǒ keǒ aa wùɛ mɔ̀. Mɛ̌oǒ joo nɛ̀ moo aa tè wlò popoɛà a kɔnʼɔ klě Tentǎn Jǔ Jùsu mǒ ɛɛ tè wɔ̀ kmɔ̌ wùɛà dlǒ lo.

Flepiɛ̌n 4:22

Nyesoa nyo wùɛ u gbà a wan le, sɛjesɛ nyopòà ü neɔɔ klɔ̀baa kǎ fòɛ bo.