Lǔkù 18:7 - Nyesoaa Kuo Win Jajle

⁷ Nyopòà Nyesoaa chɛ̀ sà lěe bǔ ke win nya pe bǔ ke Ɔ dɛ tǒn klee chnɛ̀ keǒ mǒ sèsɛ mɔ̀, aa wlò je Ɔ se kɛ u mǒ slɛɛ̌ dɛ mǒ numa mu le? Ɔ chlìi kɛ le mɔ̀ keǒ aa mǒ sèsɛ mɔ̀le?

Lǔkù 18:7 ပူးပေါင်းရင်းမြစ်များ

Matiɔ̌n 24:22

Bɛ̌ nu chnɛ̀ jlǒ wěǒ bo Nyesoa Bɔ̌ seǎ i de sà, è nyu wùɛ nɔ̀ seǎ kmɔ̌ si, kɛɛ keǒ Ɔɔ nyopòà Ɔɔ chɛ̀ sà lěe uu tè mɔ̀ Ɔ miǎ i de sàba.

Matiɔ̌n 24:24

Mɛ kɔɔ̌n tèǒ joo nɛ̀ moo sen le tmɔ̌ tentǎn jlǔ klee sen le tmɔ̌ wnɔsàɔpo miǎ tà měne wǒba. U miǎ jboo noǎ fòe numa klee wlòlekaen noǎ ɛ̈ di ɛɛ numa bɛ̌ wɔ̀laě ɛ u miǎ Nyesoaa nyopòà Ɔ sà lěe mǒ boo lo.

Matiɔ̌n 7:11

È bɛ̌ nu amoà monoo dɛ kukǔ nu nyo bǎ ji kàan dɛ tae ba nye aa jlǔ, bɛ̌ nu nyu bɔ̌ gbà aa Gbeǐǒ neěe jɔkɛn wan dɛɛ tè, Ɔ ji kàan dɛ Bɔ nye ɔɔ no ɛ̌ sìnʼǒ a mǒ.

Lǔkù 11:13

Tèǒ nì kɔn tè amoà monoo dɛ kukǔ nu nyo bǎ ji kàan dɛ tae ba nye aa jlǔ, è aa Gbeǐǒ neěe jɔkɛn bǎ gbà Ɔ wan dɛɛ tè, Ɔ ji kàan dɛ Bɔ̈ nye amoo no ɛ̌ sìnʼǒ a mǒ. È nyopòà gbà Lɔɔ wan keǒ Ɔɔ Ngmà Je Ne Sùsuu tè mɔ̀ Ɔ mi Ɛ ù nyema.”

Lǔkù 2:37

ɔ̌ bea tògba nynɔ dɛ mǒ ɛ̌ kpala ɛ kpa ɔ̌ kɔna jlě wlèe hɛ̀n tùo hɛ̀n. È ɔɔ̌ tmɔɔa Nyesoaa kǎ fòɛǒ mɔ̀, ɔɔ Nyesoaa wɛ̀ sèsa mooa chìnchiɛn klee bɔ boɔě Nyesoa mɔ̀ tǐ wùɛ mɔ̀.

Lǔkù 21:28

Bɛ̌ nu noǎ wùɛǒ bǐ keǎ tùɔn kpokpa wlò le tùi, è ba nyna bo klě mɔ̀le wɛ̀ tǔn wlòmo plě klee klě wlò je kuuan mǒ. Mɛ kɔɔ̌n tèǒ joo nɛ̀ moo aa wowa dɛ konwaě le.”

Wlǔmɔ 8:33

Mɔ miǐ kɛ nyopòà le wǒba ü Nyesoaa chɛ̀ sàǒo? Nyesoaa chɛ̀ Nɔ̀ nu ä jebo siǐn nyo mǒ!

Klasɔ̌n 3:12

Tèǒ nì kɔn tè ke ɛ toon jleě mǒ bo Nyesoa tba amoo Ɔ̌ tù amoo ngmà je plě Ɔ̌ noɛɛ amoo mǒ, a kɔn wɔle je jbojbɛ keǒ nyopò tùu mɔ̀ klee a kɔn kàan wlò ke plě a tìeǒ aa chɛ̀ ja, è a kɔn wlèe sɔ̌n keǒ nyopò tùu mɔ̀ plě a kɔn wlò dbadbǎ.

1 Tɛseloniǎ 3:10

Tǒn klee chnɛ̀ ä mɛ̌ě sèn bo ä gbɛ̀ Ɔ wan Ɔ miě ä mɔ̀ mǒ sɔn ä mǐ a jě de klee ä mǐ aa tè wlò popoɛ kbě ja le po keǒ tàǒ ɛ̈ jlɛ̌ bɛ kplɛɛǒo.

2 Tɛseloniǎ 1:6

Nyesoa ni mǒ slɛɛ̌ dɛ, tèǒ nì kɔn tè nyopòǒ ü tè aa tè mɔ̀ Ɔ miǒ uu plɔ tu kɛn bo maěma.

1 Timɛtě 5:5

Nynɔǒ sɛjesɛ ɔ̈ moo koti nynɔ ɔ̈ see nyu kɔn ɔ̈ mǐ ɔɔ mǒ sɛ̀ɛ le, ɔ mi Nyesoa wlò kpaeba Ɔ mǐ ɔ jǐ mɔ̀ tù plě ɔ mǐ dlǒ mɔ̀ mu ɔ mǐ Nyesoa bàte keǒ mǒ sèsɛ mɔ̀ tǒn klee chnɛ̀.

2 Timɛtě 1:3

Ě pe Nyesoa tàto Ɔ̈ kɔn konkwa Ě nii klě ně wlò wùɛ mɔ̀ wòje ke ně gbeǐpò niaa. Ě pe Ɔ tàto keǒ nè tè wlò popoɛ kɔ̀nʼɔ ɛɛ tè mɔ̀, tǐ wùɛ mɔ̀ boǒ klě Nyesoa mɔ̀ boɛ, Ě peě nè nynɛ̌ tǒn klee chnɛ̀.

2 Timɛtě 2:10

Tèǒ nì kɔn tè Ě nyna sònwɛ jejeɛ̌ wùɛà jebo keǒ nyopòà Nyesoa sà lěe uu tè mɔ̀ ɛ̈ di ɛɛ numa u mǐ wowa dɛ jě klee kmɔ̌ sie tè jǐ boaboǎ ï diiě tè wlò popoɛà ä kɔnʼɔ klě Tentǎn Jǔ Jùsu mǒ.

Taetɔ̌ 1:1

Mǒ Pɔ̀ɔ̌à chlě chněedɛ̌à ɔ̈ monoo Nyesoaa na wien po nyebajlo klee Tentǎn Jǔ Jùsuu tuposà kpa nyu keǒ bo jaɔ nyopòà Nyesoa tbaa tè wlò popoɛ mɔ̀. Ě tee u Nyesoaa kàan tè měne jijiɛ ɛ̈ nii nyu ɔ̌ nii Nyesoa dɛ.

1 Pitɛ̌ 1:1

Mǒ Pitɛ̌à chlě chněedɛ̌à ɔ̈ moo Tentǎn Jǔ Jùsuu tuposà kpa nyu, Ě chleě ɛ amo Nyesoaa nyopò mɔ̀ ü Ɔ sà lěe ü nee kmɔ̌ wòje dakpě ü gbɛ̀tɛɛ lee blěe wakě wùɛ kɛn le, jà Pɔntɔ̀ klee Kalesìa klee Kapodosìa klee Esìa klee Betimiǎ wakě wùɛǒ.

2 Pitɛ̌ 3:9

Koɔn se le tnɛ̀ keǒ dɛà Ɔ peeěe mɔ̀ wòje ke nyopò tùu dlě ni ɛɛ jejeɛ̌, kɛɛ Ɔ kɔn wlò dbadbǎ keǒ ä mɔ̀. Mɛ̌oǒ joo nɛ̀ moo Ɔ se jlǎ nyu wùɛ bɔ sùe gbè, kɛɛ Ɔ jlɛ̌ nyu wùɛ bɔ bitǐ ɔɔ wlò bo.

Wlɛ̀velesɔ̌n 18:20

Nyopòǒ neěe jɔkɛn bu nu chǒn le keǒ Babòlɔnʼɔ wɔ̀ɔn bebeɛ mɔ̀. Nyesoaa jebo siǐn nyo klee tuposà kpa nyo klee wnɔsàɔpo a nu chǒn le! Nyesoa maěǒ ɛɛ plɔ tu kɛn bo keǒ dɛ ɛ nu amoo mǒ mɔ̀!’ ”

Wlɛ̀velesɔ̌n 6:10

nù jɛɛ̌aě win ü pnɛ̌a dɛ jleě le ü dɛ̌a bò ɛ̈ moo, “Kpě kɛne Koɔn, Mòà nee ngmà je plě Ɔ̈ mǎ lěe sèn bo, è ke ɛ miǐ jè kɛ jleě mǒ bo tonma plě mìěe di mìǐ kmɔ̌ ne tùonyopoo blilǐ tù mìǐ äa kpa sà.”

Wlɛ̀velesɔ̌n 7:15

Dɛǒ nɛ̀ nu ɛ klě tǐà wlòmo ǔ nynaǒ Nyesoaa klɔ̀ba gbèsɛɛ jemǒ bo tǒn klee chnɛ̀ ǔ sɛ̀ Ɔɔ wɛ̀ klě Ɔɔ kǎ fòɛ bo. È Nyuǒ neǒo klɔ̀ba gbèsɛɛǒ kɛn bo Nɔ̀ mi u naema.