Lǔkù 17:1 - Nyesoaa Kuo Win Jajle

¹ È kě Jùsu dɛ̌a Ɔɔ mɔ̀ cheěn nyo je Ɔ je, “Ɛ se kplɛ, měne tèntɛn ɛ̈ nii nyopò ǔ beě kpni kukwǐ slè nɛ̀ miě nyu wùɛ mɔ̀ diba, kɛɛ chlǒ keǒ nyopòǒ mɔ̀ ü jɛ lěe měne tèntɛn.

Lǔkù 17:1 ပူးပေါင်းရင်းမြစ်များ

Matiɔ̌n 16:23

Kɛɛ Ɔ chèa Pitɛ̌ ja Ɔ je, “Sɔ̀, mò Setɛ̀nʼà, sɔ̀nʼàǎ jleě mǒ, mòo jebo chnimae dɛ keàǎ mɔ̀. Nè dlǒ le sìɛnsiɛn moo tùonyuu dlǒ le sìɛnsiɛn, ɛ se Nyesoaa dlǒ le sìɛnsiɛn.”

Matiɔ̌n 18:7

Chlǒ keǒ kmɔ̌ mɔ̀ keǒ noǎ fòfoaà ï neɔ ɛɛ mɔ̀ ii tè mɔ̀ ï peěe tùonyopo tè wlawlǎ slè. Ɛ wɛɛnʼǒ le keǒ měne tèntɛn bɛ diě, kɛɛ chlǒ keǒ nyopòà mɔ̀ ü kɔn mǒ měne tèntɛnʼǒ ɛ diiěe.

Lǔkù 16:31

È Eblɛ̌hɛ̀mo tùa ɔ kɛ̀ɛn ɔ je, ‘Bɛ̌ nu bǔ se Mɔ̀sě klee Nyesoaa wnɔsàɔpoo winʼǒ nɔkǔ jebo po, baǎje nyu sɔn nɔ kǒla mǒ kě uu dlě se bo bitǐ u se imo winʼǒ bo kme.’ ”

Wlǔmɔ 14:13

Tèǒ nì kɔn tè a nɛ bä bɔ̌ tè jejɛɛa, kɛɛ a po ɛ ble keǒ baǎ ni dɛ tɛ̀ɛ ɛ̈ a jii ɛ̈ mi aa mamǔ numa ɔ miěe kpni kukwǐ slè be.

Wlǔmɔ 16:17

Ně bǐì Tentǎn Jǔu wǎn ane, bo tlikaeě a chìjoɛɛ nɔkǔ mǒ, a gbɛ̀ɛ nyopòà ü jɛ lěe dɛɛ ploplɛ keǒ noǎà ä tee amoo mɔ̀ ï kwɛɛǒo Tentǎn Jǔ jleě mǒ bo. U tɛ̀n ɛ mǒ keǒ bu nu ɛ nyopò tùu bu kplɛɛǒ uu tè wlò popoɛ kɛn, nyopò taeǒ ba tmɔɔ u mɔ̀.

1 Kwnɛtiɛ̌ 10:32

Aǎ ni dɛ ɛ̈ mii nyopò tùu snǎma, jà Jùwɛ nyo klee kuodakwɛ̌ plě klee nyopòà ü kɔn lěe Nyesoa wǎn slè.

1 Kwnɛtiɛ̌ 11:19

Ě wɔ̌n dɛà ɛ̈ moo a jě lɛ ɛ̈ moo ɛ wɛɛnʼǒ le ba nuu ɛ tàkpɛ̌ ɛ̈ di ɛɛ numa nyopòǒ kɔnʼǒo tùtuɛ klě a slè ɛ mǐ ɛ tee le.

1 Kwnɛtiɛ̌ 8:13

Tèǒ nì kɔn tè bɛ̌ nu didi dɛ bɛ̌ nu ně bě Tentǎn Jǔu wǎnpòi bɔ̌ beě kpni kukwǐ slè, è ɛmo didi dɛǒ u sàe lee nǔkpuǐǒ bɔ̀ je Ě se ɛ diba mu ně se ɔ nu ɔɔ̌ se tè wlà.

1 Timɛtě 4:1

Ngmà Je Ne Sùsu boɔ ɛle ɛ̌ pàe chnɛ̀ le ɛ̈ moo klě kmɔ̌à ɛɛ demǒ bɔɔ̌ chnɛ̀ jlǒ wě wlòmo nyopòo tìe miǎ uu tè wlò popoɛ u kɔnʼɔ kɛn tbɛba u miǎ sen le tmɔ̌ sìsi kàan tè po klee teeaà jǐlenymi sìsi miǎ uu teeba.

Wlɛ̀velesɔ̌n 2:14

Kɛɛ Ě kɔn mòngmɛ noǎa ï moo kɔɔ̌ dɛ keǒ a jleě mǒ. A kɔn nyopòo tìe neě amoo slè ü blěǒo Belìanʼa teea mɔ̀ kwa ɔ̈ teeaa Belɛ̀ ke bɔ nuaa Ǐsòwɛ̌ kwɛɛn nunuɛ u mǐaa kpni kukwǐ nu keǒ bu dia digbaǐà u sàea nǔkpuǐ bɔ̀ je klee bu nea se wòn mɔ̀ɔ wɛ̀ kmɔ̌.

Wlɛ̀velesɔ̌n 2:20

Kɛɛ kɔɔ̌ dɛà nɛ̀ Ě kɔn keǒ a jleě mǒ, a sɔnʼǒ kpnii jǐlenymi nynɔǒ moo Jesèbɛ mɔ̀ mǒ ɔ̈ dɛɛ ɔɔ chɛ̀ Nyesoaa wnɔsàɔ ɔ̌ tee le ɔ̌ gbee Ně na wien po nyebajle klee nynejlu mǒ keǒ bu nu se wòn mɔ̀ɔ wɛ̀ noǎ klee bu di digbaǐà u sàe lee nǔkpuǐ bɔ̀ je.