Lǔkù 16:8 - Nyesoaa Kuo Win Jajle

⁸ È tà ɔɔ chì kpa ämo jěaa dɛǒ ɔ nuaa, ɔ̀ poa ɔɔ nynɛ̌ le keǒ ɔɔ dlǒ bɛ dia bò le tentan nu. Dɛɛ doǒ nɛ̀ ɛ mono, nyopòà moo se Nyesoa ji nyo uu dlě tɛn le dɔ̌ keǒ uu dɛ wùɛ mɔ̀ ɛ̌ sìnʼǒ Nyesoaa nyopò mǒ.

Lǔkù 16:8 ပူးပေါင်းရင်းမြစ်များ

Matiɔ̌n 12:32

Nyu wùɛ ɔ̈ boɛɛ win kukwǐ keǒ Jbɛjuu Jǔà jleě mǒ, Nyesoa mi ɔɔ tè wlò le pooba, kɛɛ nyuà ɔ̈ mii win kukwǐ boɔba keǒ Ngmà Je Ne Sùsu jleě mǒ, ɔɔ tè se wlò le pooba mu kělɔ kmɔ̌à ä neɔɔ mɔ̀ plě klee kmɔ̌ǒ ɛ̈ miǎ lěe diba.”

Matiɔ̌n 17:26

È Pitɛ̌ tùa Lɔ kɛ̀ɛn ɔ je, “U tɛ̌n i dakpě kwete mǒ.” È kě Jùsu dɛ̌a ɔ je Ɔ je, “Ɛ nu tɛɛ, ii tè uu nyopòǒ nù u sàǒ kɛn ü se dlǒ wlě sèsa kɔn.

Lǔkù 16:10

Nyu wùɛ ɔ̈ mǎ lěe sèn bo keǒ noǎ klɔkwlěe tè mɔ̀, nɔ̀ miě sèn bo mǎma ke keǒ noǎ fòfoaa tè mɔ̀. Nyu wùɛ ɔ̈ slě sèn bo mǎ keǒ noǎ klɔkwlěe tè mɔ̀, ɔ slě sèn bo mǎma mu ke keǒ noǎ fòfoaa tè mɔ̀.

Lǔkù 16:4

Ě ji dɛ Ě mii numa ne ɛ̈ di ɛɛ numa bo mǎ ně konkwaà nyopò miǐ jebo kme klě uu chɛ̀ɛ tà.’

Lǔkù 16:7

È ɔ gbàla ɔɔ bě tɔ̀ɔǒ wan ɔ je, ‘Mɛ blèě kɛ ně chì kpa ämo kwa?’ Ɔ je, ‘Ě blě ɔ kwa kou blɛ̌ɛ taslěwae.’ È noǎ jǐ mɔ̀ tùɔ̌ tùa ɔ kɛ̀ɛn ɔ je, ‘Ne bo, dɛ blèe kwa nɛ̀ǒ, chlè hɔ̀ndlowɛɛ nnyɛɛ̀.’

Lǔkù 18:6

È kě Koɔn Jùsu dɛ̌a Ɔ je, “A po nɔkǔ bo dɛǒ dɛ kukǔ nyuǒ moo tè tùɔ̌ ɔ boɔɔ.

Lǔkù 20:34

È kě Jùsu dɛ̌a u je Ɔ je, “Kělɔ kmɔ̌ɔ mɔ̀ kělɔ jbɛjlu kwɛnʼɔ nyno, kělɔ naǎpò klee gbeǐpò kpɛɔ uu nynejlu tǐnma.

Lǔkù 20:35

Kɛɛ nyopòà Nyesoa sà lěe ɛ̈ moo nù blɛɛ ɛ je keǒ bü sɔnǎě kǒla mǒ bü neǎ kmɔ̌ klě kmɔ̌ǒ neěe nya wlòmo, u seǎ tǐnma mu.

Jɔ̀ɔ̌n 12:36

Tà Mǒà monoo Pepěà Ě neě jèɔ amoo slè, a po Ně tè kàan tè ɛ̈ di ɛɛ numa a mǐ Ně jlǔ tù.” Tà Jùsu wɔ̀la imoo tèǒ boɔboɔ mɔ̀, è Nɔ̀ǒ sɔnaǒ u slè mǒ Ɔ̈ wɛ̌a.

1 Kwnɛtiɛ̌ 3:18

Aǎ gbee aa chɛ̀ mǒ. Bɛ̌ nu aa nyu bɔ̌ jě ɛ ɛ̈ moo ɔ kɔn tɔ̀n klě kmɔ̌ɔ de jijiɛ mǒ, è ɔ kɔn bɔ moo plɔɔ kokǒ nyu klě kmɔ̌ɔ de jijiɛǒ mǒ ɛ̈ di ɛɛ numa ɔ mǐ tɔ̀n kɔn klě Nyesoa jǐ kɛn.

Ifisiɛ̌n 5:8

A ne pnɔě kwijlě slè, kɛɛ klě tǐà wlòmo a kɔn tè wlò popoɛ klě Koɔn mǒ, nɛ̀ nu ɛ ǎ neě pepě slè. A ne kmɔ̌ wòje Nyesoaa jlǔ.

Flepiɛ̌n 3:19

Klě ɛɛ dlǒ chlɛ̀ɛa mǒ u mi gbè sùeba. Mɛ̌oǒ joo nɛ̀ moo uu nyesoa nɔ̀ moo dɛ uu wlè jlɛ̌ɛ. U jɛɛě uu chɛ̀ le keǒ dɛà kɔn tònwe blɛɛ je bɛ̈ nu nuu mɔ̀ plě dɛ wùɛ u sìɛn nee dlǒ mɔ̀le nɛ̀ moo kmɔ̌ɔ noǎà ii tè sosǒ.

1 Tɛseloniǎ 5:5

Aa wùɛ a moo Pepěe jlǔ plě ǎ moo Chnɛ̀ɛ jlǔ. Ä se tǒn klee kwijlěe jlǔ.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.

1 Jɔ̀ɔ̌n 3:10

Dɛǒ nɛ̀ ä jii ɛ nyopò monoo Nyesoaa jlǔ klee nyopò monoo kǔu jlǔ. Nyu wùɛà ɔ̈ɔ̌ nuu mǒ slɛɛ̌ dɛ, ɔ se Nyesoaa jǔ, dɛɛ doǒ nɛ̀ ɛ mono keǒ nyu wùɛ mɔ̀ ɔ̈ see nyopò tùu mǒ noɛɛ ne.