Lǔkù 16:2 - Nyesoaa Kuo Win Jajle

² Ii tè ɔ dala ɔ ɔ̌ gbàla ɔ wan ɔ je, ‘Tèà Ě wɛ̌n kɛǒ mòo jleě mǒ i moo kàan tè le? Noǎ wùɛà Ě poaě mòo kwete mǒ kpokpae i mɔ̀le mì i chlě mì iǐ nye. Mɛ̌oǒ joo nɛ̀ moo sèe kɛ̀ ně noǎa jǐ mɔ̀ tùɔ̌.’

Lǔkù 16:2 ပူးပေါင်းရင်းမြစ်များ

Matiɔ̌n 12:36

Kɛɛ Ě tmɛɛ̌ ane, klě blilǐ tù chnɛ̀ jlǒ waě wlòmo nyu wùɛɛ boɔboɔ win nì Nyesoa miǎ ɔ kwa bleěba, jà win kukwǐ wùɛ ɔ boɔɔ.

Matiɔ̌n 20:8

Tà ɛ nuaa wìtika, è ɔ dala chènyoǒ uu je siɔ ɔ je, ‘Da konkwa nu nyoǒ mì u snǒ sà. Sɔɔnʼǒ demǒ bɔɔ̌ nyo mɔ̀ mǒ mì nyane nyo kɛn jɛɛ le.’

Lǔkù 12:20

Kɛɛ kě Nyesoa dɛ̌a ɔ je Ɔ je, ‘Nè plɔ kǒ lo, tǒn jlǒ waěà mɔ̀ nè fònfnoǒ Ě miě ɛɛ̀ mǒ sàba. È noǎ wùɛǒ wɛ̀ɛ mɔ̀le keǒ nè chɛ̀ mɔ̀, mɔ miǐ i kɔnma?’ ”

Lǔkù 12:42

È Koɔn tùa lɔ kɛ̀ɛn Ɔ je, “Mɔ kɔɔ̌n kɛ ka miǐ sèn bo mǎ tɔ̀n kɔn nyebajlo je wǒba ɔ̈à ɔɔ chì kpa ämo poě ɔɔ nyebajle tùu kwete mǒ bɔ̈ tù uu jǐ mɔ̀ bɔ̈ nye uu didi dɛ tǐǒ jleě ɔ see tùɔn kɛn nema mu?

Lǔkù 16:1

È kě Jùsu dɛ̌a Ɔɔ mɔ̀ cheěn nyo je Ɔ je, “Ɛ kɔna pònpan jbɛju tɔ̀ɔ ɔ̈ kɔnaa noǎ win kwa kɔn nyu. Chnɛ̀ jlǒ waě tɛ̀ɛ mɔ̀ pònpan nyuǒ ɔ wɔ̌na ni ɛ̈ moo ɔɔ noǎ win kwa kɔn nyuǒ ɔ nymiia ɔɔ konkɔn noǎ le jǐ.

Lǔkù 16:3

È kě noǎ jǐ mɔ̀ tùɔ̌ǒ ɔ dɛ̌a klě ɔɔ chɛ̀ wlò jleě ɔ je, ‘Mɛ Ě miǐ kɛ numa joo? Ně chì kpa ämo sɛ̀ ɔɔ konkwaà mǒ kwa plě Ě se kbě blě keǒ bo nu jlǒ keǒ ně chɛ̀ mɔ̀, è ɛ moo tònwe dɛ keǒ boǒ na dǐa le boǒ sòa le.

Wlǔmɔ 14:12

Ɛ sɛ̀n nynɛ̌ äa wùɛ äa do do dɛ ä nuu ä miǎ ɛ je ble slèba keǒ Nyesoa jemǒ.

1 Kwnɛtiɛ̌ 1:11

Ně bǐì ale, nyopò tùu sɔnʼě Kloèe tùgba mǒ nù tmɔɔ̌ mǒ ɛ̈ moo a wònwɛɛ je.

1 Kwnɛtiɛ̌ 4:2

Dɛ Nyesoa pɛ̀ɛnʼěe nyopòǒ Ɔ nyee konkwaǒ ja le nɛ̀ moo bu wɔ̀le wlò kpaea.

1 Kwnɛtiɛ̌ 4:5

Tèǒ nì kɔn tè baǎ tùi aa bǐì tè mɔ̀ plě tǐ miǒ nyni, a fo Koɔn Jùsuu de di tǐ, Nɔ̀ miě noǎ wùɛà wɛ̌ɛ klě kwijlě slè pepě mǒ jaba plě noǎ wùɛà tùonyuu wlò poo ble Ɔ miǒ i pepě mǒ poba. È klě tǐǒ wlòmo Nyesoa miǎ nyu wùɛ le bìseba ɛ̈ blɛɛ ɔmoo nyuǒ je.

2 Kwnɛtiɛ̌ 5:10

Dɛ kɔn tè ä ni ɛɛ nɛ̀ moo ɛ wɛɛnʼǒ le keǒ nyopò wùɛ bu nynanǎǒ Tentǎn Jǔ Jùsu jemǒ bo keǒ Ɔɔ tè tù kpǎta jemǒ ɛ̈ di ɛɛ numa nyu wùɛ mi ɔɔ snǒ sàe dɛ jě ɛ̈ blɛɛ ɔɔ je keǒ dɛ ɔ nuu mɔ̀ tà ɔ nea nɔɔ kmɔ̌ɔ mɔ̀, bɛ̀ ɔ nua kàan ɔ̀ɔ̌ ɔ sea kàan nu.

1 Timɛtě 4:14

Tà Tentǎn Jǔu wǎnʼa bòlibo poa mòo sonwe dlǒ bo plě u sàlaa wan keǒò jleě mǒ, Nyesoa nyeaà Sùsuu nyee dɛ, nu ɛ dɛ miě ɛ wlòmo sɔn.

1 Timɛtě 5:24

Nyopòo tìee kpni kukwǐ be pepě mǒ ɛ̌ kpɛ dɛ pɛ̀tu plě ǔ tùi u tè mɔ̀, kɛɛ u tùi nyopòo tìe tè mɔ̀ plě uu kpni kukwǐ be pepě mǒ.

1 Pitɛ̌ 4:10

Aa do do a jěa Sùsuu nyee dɛ, nyee noǎǒ Nyesoa nye amoo ba nuu i konkwa keǒ nyopò tùu kàan dɛɛ tè mɔ̀ wòje kàan dɛǒ ɛɛ jǐ mɔ̀ tù nyo.

1 Pitɛ̌ 4:5

Kɛɛ u miǎ Nyesoa jebo nynama u miǎ ɛmoǒ kɛn le sèsae le, Ɔmo Koɔnʼà Ɔ̈ wɛ̀ɛ mɔ̀ Bɔ tùu kmɔ̌ ne nyo klee kokǒ nyoo blilǐ.

Wlɛ̀velesɔ̌n 20:12

È Ě jěa kokǒ nyo, jà nyeflabutupò klee nyopòà kɔn tè kuun, uu wùɛ ǔ nynanaǒ klɔ̀ba gbèsɛɛǒ jemǒ bo. È chněenoǎa tìeǒ neaǒo ì knaea je, è chněedɛ̌ tɛ̀ɛ ɛ̈ moo fònfno chněedɛ̌ ɛ̀ knaea je, kokǒ nyoǒ uu blilǐ tùua wòje dɛ wùɛ u nuaa ɛ̈ chleěa lěe chněenoǎǒ wlòmo.