Lǔkù 16:1 - Nyesoaa Kuo Win Jajle

¹ È kě Jùsu dɛ̌a Ɔɔ mɔ̀ cheěn nyo je Ɔ je, “Ɛ kɔna pònpan jbɛju tɔ̀ɔ ɔ̈ kɔnaa noǎ win kwa kɔn nyu. Chnɛ̀ jlǒ waě tɛ̀ɛ mɔ̀ pònpan nyuǒ ɔ wɔ̌na ni ɛ̈ moo ɔɔ noǎ win kwa kɔn nyuǒ ɔ nymiia ɔɔ konkɔn noǎ le jǐ.

Lǔkù 16:1 ပူးပေါင်းရင်းမြစ်များ

Matiɔ̌n 20:8

Tà ɛ nuaa wìtika, è ɔ dala chènyoǒ uu je siɔ ɔ je, ‘Da konkwa nu nyoǒ mì u snǒ sà. Sɔɔnʼǒ demǒ bɔɔ̌ nyo mɔ̀ mǒ mì nyane nyo kɛn jɛɛ le.’

Lǔkù 12:42

È Koɔn tùa lɔ kɛ̀ɛn Ɔ je, “Mɔ kɔɔ̌n kɛ ka miǐ sèn bo mǎ tɔ̀n kɔn nyebajlo je wǒba ɔ̈à ɔɔ chì kpa ämo poě ɔɔ nyebajle tùu kwete mǒ bɔ̈ tù uu jǐ mɔ̀ bɔ̈ nye uu didi dɛ tǐǒ jleě ɔ see tùɔn kɛn nema mu?

Lǔkù 15:13

Tà mòngmɛ chnɛ̀ jlǒ wě sìnʼaa, è jǔ chěnchaěǒ ɔ ploa ɔɔ konkɔn noǎ wùɛ ɔ̌ dǔa wlěǒ mǒ ɔ̌ mua tmɔtmɔ dakpǎ mǒ klě ɔ nymiiaě wlěǒ jǐ le, ɔ seaě ɛ mɔ̀ kɔn.

Lǔkù 15:30

Kɛɛ tà jèeě bò nèe jǔ ɔ̈ klě gblà kmɔ̌ wlòmo ɔ̈ nymii nèe konkɔn noǎ jǐ le, è dbaě ɔ mǒ blǐ bòto ɔ̈ nee fǒ le.’

Lǔkù 16:19

È winʼà nì Jùsu boɛa klě Fɛlesǐi wǎn mɔ̀ Ɔ je, “Ɛ kɔna pònpan jbɛju tɔ̀ɔ ɔ̈ peaa jǐlenmɔ wlawlěà pee wlě fòfoa měne ɔ̈ kwɛnʼaa kàan noǎa plɔ bloblɛ chnɛ̀ jlǒ waě wùɛ mɔ̀.

Lǔkù 16:2

Ii tè ɔ dala ɔ ɔ̌ gbàla ɔ wan ɔ je, ‘Tèà Ě wɛ̌n kɛǒ mòo jleě mǒ i moo kàan tè le? Noǎ wùɛà Ě poaě mòo kwete mǒ kpokpae i mɔ̀le mì i chlě mì iǐ nye. Mɛ̌oǒ joo nɛ̀ moo sèe kɛ̀ ně noǎa jǐ mɔ̀ tùɔ̌.’

Lǔkù 19:20

È ɔɔ nyebajlo tɔ̀ɔ diaě le, kě ɔ dɛ̌a ɔ je, ‘Kàan selǐju, jè nè wlě blɔ̌ nɛ̀à. Ě dbaěaě ɛ sɛ̌plɛ̀ɛ wlòmo je.

Lǔkù 8:3

klee Joanǎ ɔ̈ mooaa Chusàa nynɔ, Chusàǒ ɔ̈ tùiaa Klɔ̀ba Hɛwlǒo koǔ jǐ mɔ̀ klee Susanà plě klee nyno fòfoa tùu ü nia uu chɛ̀ɛ wlě ü mɛ̌aǒo Jùsu klee Ɔɔ mɔ̀ cheěn nyo mɔ̀.

Taetɔ̌ 1:7

Ke ɛ toon jleě mǒ bo Tentǎn Jǔu wǎnʼa je si nyu Nyesoaa konkwa neě ɔɔ kwete mǒ, bo kɔɔ̌ dɛ bɛɛ̌ neǒ ɔ jleě mǒ. Bɔɔ̌ jɛɛě ɔɔ chɛ̀ le klee bɔɔ̌ kwɛn gbògblɛ klee bɔɔ̌ nɛ̌ nmɔ ɛɛ̌ ni ɔ klee bɔɔ̌ moo slɛ̌ mɔ̀ ne nyu plě bɔɔ̌ kwɛn wlěe ngmnano.

Jìmǐse 4:3

È bɛ̌ nu bǎ gbà Nyesoa wan dɛɛ tè Ɔɔ̌ nye ɛ amo. Mɛ̌oǒ joo nɛ̀ moo aa dlǒ le sìɛnsiɛn keǒ dɛǒ mɔ̀ ɛ nymi le jǐ klee a gbɛ̀ dɛ wan a mǐ aa chɛ̀ɛ plɔ bloo lo keǒ aa jǐlenymi dɛ a jlɛ̌ɛ mɔ̀.

1 Pitɛ̌ 4:10

Aa do do a jěa Sùsuu nyee dɛ, nyee noǎǒ Nyesoa nye amoo ba nuu i konkwa keǒ nyopò tùu kàan dɛɛ tè mɔ̀ wòje kàan dɛǒ ɛɛ jǐ mɔ̀ tù nyo.