Lǔkù 12:9 - Nyesoaa Kuo Win Jajle

⁹ Kɛɛ nyu wùɛ ɔ̈ mi Něe tè mǒ chnɛ̀ma keǒ nyopò tùu jemǒ, ɔmo nyuǒ nɔ̀ kɔn tè Jbɛjuu Jǔà Ɔ miǎ Nyesoaa najiǒpò tmɔɔ̌ma ɛ̈ moo Ɔ se ɔ ji ke.

Lǔkù 12:9 ပူးပေါင်းရင်းမြစ်များ

Matiɔ̌n 10:33

Kɛɛ nyu wùɛ ɔ̈ mi Něe tè mǒ chnɛ̀ma keǒ nyopò tùu jemǒ ɛ̈ moo ɔ se Ně tè kàan tè po, ɔmo nyuu doǒ nɔ̀ kɔn tè Ě miǎ mǒ chnɛ̀ma ke keǒ Ně Gbeǐǒ neěe jɔkɛn jemǒ ɛ̈ moo ɔ se Ně mɔ̀ na nyu.”

Matiɔ̌n 25:12

Kɛɛ ɔ tùia u kɛ̀ɛn ɔ je, ‘Kàan tè nìà Ě boɛ a jeà, Ě se a ji.’ ”

Matiɔ̌n 25:31

È Jùsu kpɛɛa Ɔ win nya Ɔ je, “Tà Jbɛjuu Jǔà Ɔ miǎ lěe diba klě Ɔɔ tè jǐ boaboǎ wlòmo Ɔ klee Ɔɔ najiǒpò wùɛ, Ɔ miǎǒ Ɔɔ tè jǐ boaboǎ gbèsɛɛ kɛn bo nema.

Matiɔ̌n 25:41

È kě Ɔ miǎ nyopòǒ neɔɔ gbàpe son mɔ̀ je dǎba, ‘A sɔnʼǒǒ jemǒ, kmɔ̌ sie na slèe chlǒ nɛ̀ neǒ a kɛn ɛ̈à wɛ̀ɛ mɔ̀le keǒ kǔ klee ɔɔ nablewa mɔ̀.

Matiɔ̌n 7:23

Kɛɛ Ě mǐǎ u tmɔɔ̌ma ɛ̈ moo, ‘Amo dɛ kukǔ nu nyoà, Ě se a ji, a sɔnʼǒǒ jemǒ!’ ”

Mǎkè 8:38

Nyu wùɛ ɔ̈ mi Mǒo tònwe mɔ̀ peeba klee Ně teeaà keǒ nyopòà see tè wlò popoɛ kɔn klee kpni kukwǐ nyo jemǒ, Jbɛjuu Jǔà Bɔ̌ diǎ lě klě Ɔɔ Gbeǐi tè jǐ boaboǎ wlòmo Ɔ klee ngmà je ne najiǒpò, Ɔ miǎ nyuǒ ɔɔ tònwe peba.”

Lǔkù 15:10

Bo tmɔɔ̌ amo, dɛɛ doǒ nɛ̀ ɛ mono, Nyesoaa najiǒpòo plɔ blo lo keǒ kpni kukwǐ nyuu doo tè mɔ̀ ɔ̈ bitǐ ɔɔ wlò bo.”

Lǔkù 22:57

Kɛɛ Pitɛ̌ chnɛ̀a i mǒ no, kě ɔ dɛ̌a ɔ je, “Nynɔò, Nyuǒ kɔn tèǒ bòɛ Ě se Ɔ ji.”

Lǔkù 9:26

Nyu wùɛ ɔ̈ mi Mǒo tònwe mɔ̀ peeba klee Ně teeaà, tà Jbɛjuu Jǔà Ɔ mii de diba klě Ɔɔ tè jǐ boaboǎ klee Ɔɔ Gbeǐ Nyesoa klee ngmà je ne najiǒpòo tè jǐ boaboǎ wlòmo, Ɔ miǎ ɔɔ tònwe peba.

2 Timɛtě 2:12

Bɛ̌ nu bä nyna sònwɛ jejeɛ̌à jebo, è ä klee Tentǎn Jǔ ä miǎ kmɔ̌ win kwa kɔnma, kɛɛ bäǎ chnɛ̀ Ɔɔ tè mǒ Ɔ miǎ äa tè mǒ chnɛ̀ma.

1 Jɔ̀ɔ̌n 2:23

Nyu wùɛ ɔ̈ mi Ɔɔ Jǔǒ jleě mǒ sàba, è Ɔɔ Gbeǐǒ ɔ sà jleě mɔ̀ ke. Nyu wùɛ ɔ̈ mii Jǔǒ jebo kmema, è Ɔɔ Gbeǐǒ ɔ kme jebo ke.

1 Jɔ̀ɔ̌n 2:28

Ně jlǔ ale, sɛjesɛ klě tǐà wlòmo aa tè wlò popoɛ bɛ muu nya klě Tentǎn Jǔ mǒ ɛ̈ di ɛɛ numa Bɔ̌ tbaeǎ je, ä miǎ wlò je kunkuɛn kɔn klee äǎ diǎ tònwe měne be plě äǎ diǎ Ɔ je wɛɛ̌ le.

Wlɛ̀velesɔ̌n 3:8

Ě ji dɛ a nii ni plě Ě ji ɛle ɛ̈ moo a se kpě fòe blě, kɛɛ a tùǒ Ně win bo klee a sěɛlǎ Ně nynɛ̌ɛ tè mǒ chnɛ̀. Tèǒ nì kɔn tè Ě nye a fɔ̌ keǒ ba nunuǔ konkwa mɔ̀ ɛ̈ nyu wùɛ slě wɔ̀ bɔ sà amoo kwa.