Lǔkù 12:5 - Nyesoaa Kuo Win Jajle

⁵ Ě mi a tmɔɔ̌ma, Nyu kɔn fano ba pee Nɔ̀ moo Nyuà Ɔ̈ kɔnʼɔ kpě keǒ Bɔ dbǎ aa blǒ fǒ plě Bɔ poě aa sìsi na slè. Kòo, Nyuǒ Nɔ̀ kɔn fano ba pe.

Lǔkù 12:5 ပူးပေါင်းရင်းမြစ်များ

Matiɔ̌n 10:28

Aǎ pe nyopòà ü dbɛ̌ɛ blǒ fǒ uu fano, kɛɛ ü slě wɔ̀ bü dbǎ aa sùsu. Ɛ̀ sìnʼǒ Nyuu do kɔn fano ba pee Nɔ̀ moo Nyesoa Ɔ̈ wɔ̀le je Bɔ̈ sùe aa blǒ fǒ klee sùsu gbè klě na slè.

Matiɔ̌n 25:41

È kě Ɔ miǎ nyopòǒ neɔɔ gbàpe son mɔ̀ je dǎba, ‘A sɔnʼǒǒ jemǒ, kmɔ̌ sie na slèe chlǒ nɛ̀ neǒ a kɛn ɛ̈à wɛ̀ɛ mɔ̀le keǒ kǔ klee ɔɔ nablewa mɔ̀.

Matiɔ̌n 25:46

È u miǎǒ Klɔ̀ba jemǒ sɔnma u mǐǎě tàa de mooěe kmɔ̌ siee plɔɔ tu kɛn bo maěa mǒ mu, kɛɛ jebo siǐn nyo miǎ muma u mǐǎ kmɔ̌ siee fònfno kɔn tǐ wùɛ mɔ̀.”

Matiɔ̌n 5:22

kɛɛ Ě tmɛɛ̌ ane, nyu wùɛ ɔ̈ mii nyu tɔ̀ɔ jlo pooba, Nyesoa mi ɔ tè jɛɛba. È nyu wùɛ ɔ̈ mii nyu tɔ̀ɔ boboɛ mǒ jěba, ɔ mi tè jɛɛa kɔnma keǒ tè tùla mǒ. È nyu wùɛ ɔ̈ mii nyu tɔ̀ɔ plɔ kokoɛ̌ɛ daeba, jǐlenymi na slè mumuɛ nɛ̀ poo ɔ jeja.

Mǎkè 13:23

Nì kɔn tè i kɛ̀n lě nya bo Ě tmɛɛ̌ amo ɛ̈ di ɛɛ numa a miě jǐ bo tù.”

1 Tɛseloniǎ 4:6

Keǒ ɛmo kmɔ̌ taeǒ ɛɛ dɛ kɛn, aa nyu wùɛ ɔɔ̌ wlɛ̌ tè keǒ nyopò tùu mɔ̀ plě ɔɔ̌ jlǐǒ u kɛn. Mɛ kɔɔ̌n tèǒ joo nɛ̀ moo Koɔn miǎǒ nyopòǒ uu plɔ tu kɛn bo maěma tǐ wùɛ mɔ̀ ü ni ɛmoo dɛ kukǔ taeǒ wòje ke ä nua amoo tmɔɔ̌a klee ä nua amoo wlò je wowa.

Hiblǔ 10:31

Ɛ moo fano dɛ fòɛ keǒ kmɔ̌ ne Nyesoa Bɔ maěǒ nyuu plɔ tu kɛn bo.

2 Pitɛ̌ 2:4

Najiǒpòà nuaa kpni kukwǐ Nyesoa seaǒ u wun mɔ̀ sà Ɔ̌ tuǔnʼaě u na bǐtìe wan, tà u neěe ǔ pe uu chěen sonwe le klě kwijlě slè ɛ mǐ ɛɛ kpa kpa blilǐ tù chnɛ̀ jlǒ waě miǎǒo nyni.

Wlɛ̀velesɔ̌n 14:7

Ɔ jɛɛ̌aě win ɔ̌ boɛa, kě ɔ dɛ̌a ɔ je, “A nyeǒ Nyesoa tùtuɛ, a nye Ɔ tè jǐ boaboǎ. Dɛ ɛ nuu nɛ̀ moo tǐ nyniǒ no keǒ Bɔ tù nyopò wùɛɛ blilǐ. Sà Nyesoaa wɛ̀ Ɔ̈ nuu jɔkɛn klee blǒà plě jbǒ klee neǎa chlolǎi.”

Wlɛ̀velesɔ̌n 15:4

Koɔnʼò, Nè do Mò ne ngmà je, ii tè nyu wùɛ miì dɛ mǒ jěba ɔ mǐ Nè nynɛ̌ le bìse. Nè jebo siǐan be mǒ pepě, ii tè dakɔ̌ wùɛ miě diba u mǐ Nè wɛ̀ sà!”

Wlɛ̀velesɔ̌n 20:14

Dɛ tɛ̀ɛ kɛnaǒo nɛ̀ moo Kokoɛ̌ klee Hedì pooaě na wulǒ mǒ. Wulǒǒ nɛ̀ nynaǒ sɔ̌n nenɛ kokoɛ̌ pènmo bo.