Lǔkù 11:9 - Nyesoaa Kuo Win Jajle

⁹ Ii tè dɛ Ě tmɛɛ̌ amoo nɛ̀à, a gbà Nyesoa wan dɛɛ tè, Ɔ mi ɛ a nyema, ba pɔ̀n dɛ le klě Ɔ mɔ̀, a mi ɛ jěba, ba be chnu, Ɔ mi a je knama.

Lǔkù 11:9 ပူးပေါင်းရင်းမြစ်များ

Matiɔ̌n 21:22

Dɛ wùɛ kɔn tè a mi Něe Gbeǐ wan gbàba klě tè wlò popoɛ mǒ, a mi ɛ jěba.”

Matiɔ̌n 21:31

Jlǔu sɔ̌nʼǒ uu nyu tae nuǔ kɛ ɔɔ gbeǐi kɛn wɔɔn dɛ?” Ù tùia Ɔ kɛ̀ɛn u je, “Nyane nyuǒ nɔ̀ nu ɔɔ gbeǐi kɛn wɔɔn dɛ.” È kě Jùsu dɛ̌a u je Ɔ je, “Kàan tèà Ě tmɛɛ̌ amo, dɛɛ doǒ nɛ̀ ɛ mono, nyopòà a je ü moo kpni kpɔnǐ dlǒ wlě tɛ̌n nyo klee gblà po nyo nù miě a nya kɛnma klě jɔkɛn deplě slè.

Matiɔ̌n 6:29

Kɛɛ Ě tmɛɛ̌ ane, kàan tè Klɔ̀ba Sanemɔ̌ pàna ne, kɛɛ kaǒ ɔɔ dalee jǐ le nmɔnmɔ sea tichɛbleǒ ii jǐ le nmɔnmɔ kɛn jɛɛ le.

Mǎkè 11:24

Tèǒ nì kɔn tè Ě tmɛɛ̌ amo, bɛ̌ nu bǎ boɔě Nyesoa mɔ̀ bǎ gbà Ɔ wan dɛɛ tè plě bǎ po i kàan tè, a mi ɛ jěba.

Mǎkè 13:37

È ɛ se aa do Ně boɔ a tèà je, Ě boɛ lě nyopò wùɛ mɔ̀ bu gbɛ̀ɛ le.”

Lǔkù 11:10

Mɛ̌oǒ joo nɛ̀ moo nyu wùɛ ɔ̈ gbɛ̀ɛ lee Nyesoa dɛ wan, Ɔ nye nɛ ɔ̀ no, nyu wùɛ ɔ̈ pɛ̀ɛn dɛ le klě Ɔ mɔ̀, ɔ mi ɛ jěba. Nyu wùɛ bɔ̈ be chnu, Ɔ mi ɔ je knama.

Jɔ̀ɔ̌n 14:13

È tǐ wùɛ mɔ̀ bǎ gbà dɛ wan klě Ně nynɛ̌ wlòmo, Ě mi ɛ numa ɛ̈ di ɛɛ numa Jǔà Ɔ mǐ Gbeǐi tè jǐ boaǎ le.

Jɔ̀ɔ̌n 15:16

Ɛ se amo a seǒǒ sà, kɛɛ Mǒà Mǒ sàǒ amo plě Ɔ̈ tba amo keǒ ba mu a mǐ noǎ fòfoa le nu ï mii wlɛ̀ɛba. Ně Gbeǐ mi a dɛ wùɛ nyema ɛ̈ a mii wan gbàba klě Ně nynɛ̌ wlòmo.

Jɔ̀ɔ̌n 15:7

Bɛ̌ nu bǎ neǒǒ jleě mǒ bo plě noǎà Ě boɛɛ bǐ neě a mǒ bo, è bǎ gbà dɛ wùɛ a jlɛ̌ɛ wan, Nyesoa mi ɛ a nyema.

Jɔ̀ɔ̌n 4:10

È Jùsu tùa ɔ kɛ̀ɛn Ɔ je, “Bò jii dɛ Nyesoa nyee nyopò plě Nyuà Ɔ̈ sòɛ mòo ně, è Nɔ̀ sòaa ně, è Ɔ mii mò něà nyee nyu kmɔ̌ siee fònfno nyema.”

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

2 Kwnɛtiɛ̌ 6:2

È kě Nyesoa dɛ̌ klě Ɔɔ win wlòmo Ɔ je, “Tǐ diě le ï kɔn mǒ Ě mi amoo nɔkǔ jebo poba Ě mǐ amoo kàan dɛ mǒ nu, klě tǐǒ wlòmo Ě miǎ a mǒ sɛ̀ɛba Ě miǎ a wa.” (Is 49.8) A po nɔkǔ bo, tǐà nì moo tǐ keǒ Bɔ nu a kàan dɛ mǒ, è tǐà nì moo tǐ keǒ Bɔ wa amo.

Hiblǔ 11:6

Nyu wùɛ ɔ̈ see tè wlò popoɛ kɔn ɔ slě wɔ̀ bɔ bloo Nyesoaa plɔ. Mɛ kɔɔ̌n tèǒ joo nɛ̀ moo nyu wùɛ ɔ̈ miɔɔ Nyesoa mɔ̀ diiba ɔ kɔn bɔ po i kàan tè ɛ̈ moo Ɔ moo Nyesoa Ɔ̈ nee kmɔ̌ plě Nɔ̀ sɛ̀ nyopòà snǒ ü tɛ̀n ɛɛ mǒ bü ji Ɔɔ.

Hiblǔ 4:16

Tèǒ nì kɔn tè a nɛ bä kɔn kponkpɛ bä muě klě Nyesoa mɔ̀ Ɔ̈ kɔnʼɔ wlòo jlajlǎ dɛà ɛ̈ɛ̌ sà Ɔɔ wlò kǔ mǒ keǒ ä mɔ̀ ɛ̈ di ɛɛ numa bä ke mǒ sèsɛ jlɛ̌ Ɔ mǐ ä wɔle je jbo klee Ɔ mǐ ä Ɔɔ wlòo jlajlǎ dɛǒ nye.

Jìmǐse 1:5

È bɛ̌ nu aa nyu wùɛ bɔ̌ se ɛɛ tɔ̀n blě, è bɔ gbà Nyesoa wan, Ɔ mi ɛ ɔ̀ nyema, Ɔ̈à Bɔ jlee son je Bɔ nyee nyu dɛ ɛ̌ sisii ble plě Ɔɔ̌ pnaě nee nyu jǐ měne ɛɛ tè.

Jìmǐse 5:15

Bɛ̌ nu bǎ po li kàan tè ɛ̈ moo aa bàteaǒ ɛ mi kmakma nyuǒ ɔɔ kwɛ̌ wɔ̀ba, è Nyesoa mi ɔ peanma plě Ɔ mǐ ɔɔ kpni kukwǐi tè wlò le poo lo.

1 Jɔ̀ɔ̌n 3:22

È dɛ wùɛ ä mi Ɔɔ sòaba ä mi ɛ jěba. Mɛ̌oǒ joo nɛ̀ moo ä tùiǒ Ɔɔ win bo plě ä ni dɛ blee Ɔɔ plɔ.

Wlɛ̀velesɔ̌n 2:24

Kɛɛ tèà nì Ě boɛ aa wùɛǒ je ü neěe Taetawlà üǔ blěǒo Jesèbɛɛ teea mɔ̀ kwa klee ü see dɛ u dɛɛ Setɛ̀nʼɛ je wɛ̌ dɛ ji, Ě see kɛ̀ a dɛ tɛ̀ɛ nyema mu keǒ ba nu,