Lǔkù 11:41 - Nyesoaa Kuo Win Jajle

⁴¹ Kɛɛ ba sɛ̀ɛ sònwɛ nyo mǒ, è aa wlè wùɛ ì snǎě le kɛn.

Lǔkù 11:41 ပူးပေါင်းရင်းမြစ်များ

Matiɔ̌n 26:11

Tǐi pɛpɛ mɔ̀ a klee sònwɛ nyo a miɔ kmɔ̌ɔ mɔ̀ nema, kɛɛ Mǒà Ě seɔ a slè nema mu tǐ wùɛ mɔ̀.

Matiɔ̌n 5:42

Bo nyu bɔ̌ sòaà dɛ, è bò nye ɛ nɔ̀. Bɛ̌ nu bo nyu bɔ̌ sòa nè dɛ ɔ mǐ ɔɔ dɛ nu, è bò nye ɛ nɔ̀.”

Mǎkè 7:19

Mɛ kɔɔ̌n tèǒ joo nɛ̀ moo ɛmo didi dɛǒ ɛɛ̌ muě tùonyugbe wlò jleě, kɛɛ ɛ miě ɔɔ wòba wlòmo plě ɛ̌ nymɛɛ ɔ mǒ ɔ̌ mi ɛ bo poba klě chònu.” È dɛ Jùsu boɛaa nɛ̀ moo Ɔ jěa lɛ ɛ̈ moo didi noǎ wùɛ wɛ̀a sìnɛ keǒ nyu bɔ di mɔ̀.

Lǔkù 12:33

Tèǒ nì kɔn tè a plo aa konkɔn noǎ ii wlěǒ a mǐ i sònwɛ nyo nye. Klě ɛmo dɛǒ ɛɛ nunuɛ wlòmo a mi aa wlěe kètekwin numa i seǎ flo nu kpe. Imo wlěe mǒ tèe noǎǒ i mi kmɔ̌ siee noǎ mooma klě jɔkɛn, tàà bǐ neěe jlǐ nyo ně konwaě ii le plě bɔ̀gbe ně nymii ii jǐ le.

Lǔkù 16:9

Ě tmɛɛ̌ ane, a nu konkɔn noǎà nyopò tùu ninii noǎ kukwǐ mǒ a kme mɔ̀niapo je le ɛ̈ di ɛɛ numa bo tǐ bǐ diǎ lě tà imo noǎǒ i miǎa le wɛ̀ba, Nyesoa miǎ a jebo kme klě jɔkɛn.

Lǔkù 18:22

Tà Jùsu wɔ̌naa tèǒ ɔ boɔaa, Ɔ je, “Dɛɛ doǒ siǒ sè ɛ ni. Mu, nè konkɔn noǎ wùɛǒ plo li, mì ii wlěǒ sònwɛ nyo nye ɛ̈ di ɛɛ numa mì mǒ tèe dɛ kɔn klě jɔkɛn, mìě di mìǐ de na.”

Lǔkù 19:8

È Sɛ̀kiǎ nynana bo kě ɔ dɛ̌a Koɔn je ɔ je, “Koɔn, tanàle, Ě mi ně konkɔn noǎ wùɛ ii bɔ̀tie sònwɛ nyo nyema plě bo jlǐaǒ nyu kɛn, Ě mi ɔ noǎa hɛ̀n kplěe sɔ̌n nyema.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:15

È Winʼǒ I boɔlaě ɔ mɔ̀ de I je, “Nè dɛɛ dɛ wùɛ se sìnɛ wɛ̀ dɛ ɛ̈à Nyesoa nuu ɛ̈ wɛ̀ɛ sìnɛ.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:29

Ii tè Tentǎn Jǔu mɔ̀ na nyo poa ɛ ble ɛ̈ moo uu do do kɔn bu sàla noǎ u mǐa nyopòǒ mooa Tentǎn Jǔu wǎn mǒ sɛ̀ɛba mu ke u nuaě ɛɛ wòwɔ umoǒ nea lěe Jùdǐa wakǎ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:17

Ě sɔnaě Jlǔsnɛ mǒ seela ɛ̌ kpa mòngmɛ jlě, è tè kpaě mǒo nɛ̀ moo Ě kpaě wlejoɛ̌ɛ keǒ sònwɛ nyo mɔ̀ klě ně chɛ̀ɛ nyopò mɔ̀ plě klee Ě mǐ chɔ̀no pie keǒ Nyesoa mɔ̀.

2 Kwnɛtiɛ̌ 8:12

Bɛ̌ nu bǎ wɔɔn ɛ kɛn keǒ ba nye nyopò tùu dɛ, Nyesoa mi aa nyee dɛǒ jebo kmema ɛ̈ kwɛɛǒo noǎ a kɔnʼɔ jleě mǒ bo, ɛ̈ see noǎ a see kɔn.

Ifisiɛ̌n 4:28

Nyu bɔ̈ ke jlǐ, sɔɔnʼà tǐà jleě mǒ bɔ bɔ̌ lɛ, è bɔ pɔ̀n konkwa le ɔ mǐ nu ɛ̈ di ɛɛ numa ɔ mǐ sen bo mǎ kmɔ̌ ne keǒ ɔɔ chɛ̀ mɔ̀ plě ɔ miě ɛ wɔ̀ keǒ bɔ sɛ̀ɛ sònwɛ nyo mǒ.

Taetɔ̌ 1:15

Dɛ wùɛ snǎě le mɔ̀ keǒ nyopòà mɔ̀ ü snǎě uu chɛ̀ mɔ̀le, kɛɛ dɛ wùɛ nɛ̀ slě mɔ̀le snǎ keǒ nyopòà mɔ̀ ü kmɔ̌ sòan neěe ja klee ü see Nyesoaa win kàan tè po. Uu dlǒ le sìɛnsiɛn klee tè le jbojbɛɛ chɛ̀ i kɔn kmɔ̌ sòan.

Hiblǔ 13:16

Kàan dɛ nunuɛɛ tè biǐ snì amo klee a nu aa konkɔn noǎ a sɛ̀ɛ nyopò tùu mǒ. Mɛ kɔɔ̌n tèǒ joo nɛ̀ moo ɛmo dɛǒ nɛ̀ blee Nyesoaa plɔ keà chɔ̀no.

Hiblǔ 6:10

Nyesoa moo Mǒ Slɛɛ̌ Nyu. Aa konkwa klee mǒ noɛnoɛ a tee lee keǒ Ɔ mɔ̀ Ɔ se ɛɛ tè snùma mu ɛ̈ kɔn amo mɛ̌ǒ Ɔɔ nyopò mɔ̀ klee ü kpɛɛ ɛɛ nya keǒ uu mǒ sɛ̀ɛa mɔ̀.

Jìmǐse 1:27

È äa Gbeǐ Nyesoa dɛ Ɔ pɛ̀ɛnʼěe nyopò ja le ü snǎ lěe mɔ̀le kpǎkpǎ plě sɛjesɛ ü moo Ɔɔ nyopò nɛ̀ moo bu sɛ̀ɛ kwiějlu klee kotia nyno měne üà dɛ pɛɛ wan le, è bu tù uu chɛ̀ jǐ mɔ̀ kmɔ̌ɔ noǎ kukwǐ iǐ se u jǐlenymii ni.