Lǔkù 11:34 - Nyesoaa Kuo Win Jajle

³⁴ Nè jleě nɛ̀ moo nè fǒà ɛɛ nǎpe, ii tè bɛ̌ nu nè jleě bɛɛ̌ kma, è kɔ̀n bo jě le tɛɛ. Kɛɛ bɛ̌ nu nè jleě bɛ̌ ke kmɛ, è slè wɔ̀ bò jě le tɛɛ.

Lǔkù 11:34 ပူးပေါင်းရင်းမြစ်များ

Mǎkè 4:12

dɛǒ nɛ̀ nu ɛ bǔ ke le tɛn, uǔ jě le plě bǔ po nɔkǔ bo, uǔ jbo tè le. Bǔ kee le jě plě bǔ kee tè le jbɛ, è u mii uu wlè bo bitǐba Nyesoa mǐi uu tè wlò le poo lo.” (Is 6.9-10)

Mǎkè 7:22

klee wlawle nunuɛ klee wnɔwnǔ klee kmɔ̌ kukǔ klee nyopò tùu kɛn jlijlɛ̌ klee jě nyu wùɛ bɔ kɔnʼɔ tǒn klee chea klee nyu je bɛtɛ̌ɛa klee de jaě sùsu plě klee slě dɛ wùɛ mɔ̀ kɔn klě i sonwɛě mǒ.

Mǎkè 8:18

A kɔn kɛ jǐ plě aǎ jě lee? Deě a kɔn nɔkwǐ plě aǎ wɔ̌n le? È iǐ be kɛě a wlòmo le,

Lǔkù 11:35

Tèǒ nì kɔn tè jě ɛ nè wlòǒ neě mòo mǒ bɛɛ̌ be kwijlě kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:11

Klě tǐà wlòmo Nyesoaa son neǒò mǒ jleě, nè jǐ mi dɔba, slè wɔ̀ mò wɛnʼɛ pepě jě ɛ mǐ tǐ kpa!” Tǐi doo tǐ jleě è nɔ̀ǒ kwijlě kpǎ beaǒ jǐ kɛn ɔ̈ tùngmaea le beblea ɔ̈ pɛ̀na nyu le ɔ̈ mǐa nɔɔ son jleě kme.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:46

U nia tàkpɔ̌ ǔ gbèa le klě Nyesoaa kǎ fòɛ wlòmo klě chnɛ̀ jlǒ waě wùɛ wlòmo. U diiaǒ tàa do dɛ klě uu keǐ bo ble le. È u sèsɛɛa uu didi noǎ kwete měne klě plɔɔ bloblɛ mǒ klee klě kwa nmɔ tǔn mǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 26:18

mì uu jǐ kna, mì u bo dawlǎ mìě u kwijlě slè sà, mìɔ u pepě mǒ ja plě mìě u Setɛ̀nʼɛ kpě bobo sà ɔ̈ monoo sìsi kukwǐi klɔ̀ba, mìɔ u Nyesoa mɔ̀ ja ɛ̈ di ɛɛ numa u mǐ tè wlò popoɛ kɔn klěě mǒ. Klě ɛmo dɛǒ mǒ uu kpni kukwǐi tè mǐ wlò le poo lo u mǐ tùɔn kɔn klě nyopòǒ Nyesoa nuu jebo siǐn nyo mǒ slè.’

2 Kwnɛtiɛ̌ 1:12

Ɛ kɔn dɛ tɛ̀ɛ kɔn tè ä kuun kɛn le, è äa tè le jbojbɛ tmɛɛ̌ ämo ɛ̈ moo ɛ moo kàan dɛ. Nyesoa Nɔ̀ sɛ̀ɛ ä mǒ nɛ̀ nu ɛ tǐ wùɛ mɔ̀ ä ni dɛ keǒ nyopò wùɛ mɔ̀, sɛjesɛ keǒ amoà mɔ̀ klě kwa nmɔnmɔ klee sèn bo momǎ mǒ. Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ nɛ̀ǒ ni ɛmoǒ, ɛ se tùonyugbee tɔ̀n ɛ se ä nu ä se ɛmoǒ nu.

2 Kwnɛtiɛ̌ 11:3

Ě pe fano keǒ a mɔ̀ ɛ̈ moo wòje keǒ smɛ ɔ̈ kɔnaa kplakplǒ ɔ nuaa ɔ̌ booaa Ǐfi mǒ, kě u mi a numa klě wakǎ tɛ̀ɛ wlòmo u mi a mǒ booba aǎ dii kɛ̀ tè wlò popoɛ kɔn kpǎkpǎ keǒ Tentǎn Jǔ mɔ̀.

2 Kwnɛtiɛ̌ 4:4

Kmɔ̌à ɛɛ dɛ kukǔu nyesoa ɔ̈ moo kǔ ɔ kan uu tè le jbojbɛɛ jǐ kɛn ɛ̈ di ɛɛ numa uǔ di pepěǒ sonwɛ lěe kàan tuposà mǒ jě ɛ̈ kwɛɛǒo Tentǎn Jǔu tè jǐ boaboǎ jleě mǒ bo Ɔ̈ wǒo Nyesoa je teěn teěn, ii tè uǔ po i kàan tè.

Ifisiɛ̌n 1:17

plě Ě gbɛ̀ɛ ɛ Nyesoa wan Ɔ̈ moo Gbeǐ keǒ äa Koɔn Jùsu Tentǎn Jǔ mɔ̀ klee Ɔ̈ moo tè jǐ boǎ Gbeǐ keǒ Bɔ nye a tɔ̀n klee Bɔ po noǎ fòfoa pepě mǒ keǒ a mɔ̀ ï kwɛɛǒo Ɔɔ chɛ̀ jleě mǒ bo.

Ifisiɛ̌n 6:5

Amo nyebajle, a tùǒ aa chì kpa ämopò ü neɔɔ kmɔ̌ɔ mɔ̀ wòje keǒ a miiǒo Tentǎn Jǔ tùtuɛ kpɛntɛɛ̌ nyenyeɛ numa klee a mǎě sèn bo.

Klasɔ̌n 3:22

Nyebajle klee nynejlu ale, tǐ wùɛ mɔ̀ a tùǒ aa chì kpa ämopò ü neɔɔ kmɔ̌ɔ mɔ̀. Aǎ blee uu plɔ sosǒ tà u tùi amoo jǐ mɔ̀ tè, kɛɛ aa wlè wùɛ nì ba sàǒ a mǐ uu konkwa nu keǒ Koɔnʼɔ bo tùtuɛ mɔ̀.