Lǔkù 10:3 - Nyesoaa Kuo Win Jajle

³ A mu, dbodbɛà Ě dbe amoo a mǐ Nyesoaa win boɔ, a miě jǐlenymi noǎ slè wòje keà blajlǔ ï miěe chìa slè.

Lǔkù 10:3 ပူးပေါင်းရင်းမြစ်များ

Matiɔ̌n 10:16

È dɛ tɛ̀ɛ Jùsu boɛaa nɛ̀à Ɔ je, “A po nɔkǔ bo, dbodbɛà Ě dbe amoo a mǐi Nyesoaa win boɔ, a miě jǐlenymi noǎ slè wòje keà blableǎ ï miěe chìa slè. Tèǒ nì kɔn tè ba ne tɔ̀n mǒ wòje kploka plě baǎ kwɛn tè jɛɛa wòje plabae.

Matiɔ̌n 10:22

plě nyopò wùɛ miǎ a faenma keǒ Ně tè mɔ̀, kɛɛ nyopòà ü miǎ tè wlò popoɛ kɔnma ü miǎ lěe tǐ jakěǒ wlòmo tìe bɛɛ̌ba nù miǎ waba klě uu kpni kukwǐi plɔɔ tu kɛn bo maěa bobo.

Matiɔ̌n 7:15

È kě Jùsu dɛ̌a u je de Ɔ je, “A gbɛ̀ɛ sen le tmɔ̌ wnɔsàɔpo ü diě amoo mɔ̀ ü pee blakoɔ̌ kɛn, kɛɛ ü blěe chì wlò.

Lǔkù 10:4

Bǎ ke mi, alě kpɛ wlě klee mǒ tee blɔ̌ plě alě mɛ̌ nyɔkòɛběǒ a pee ii bǐì debo. Bǎ ke mi nyopòǒ klee amoo sɔ̌n mii mɔɔma keǒ snǔ mɔ̀, aǎ pe u tàto le. Mɛ̌oǒ joo nɛ̀ moo a se tǐ fòfoa kɔn, kɛɛ a nu jǐ měne a mu.

Jɔ̀ɔ̌n 10:12

Konkwa nuɔà ninii nyu konkwa mɔ̀ ɔ se blableǎ jǐ mɔ̀ tùɔ̌, ɔ se blableǎǒ kɔn, tèǒ nì kɔn tè bɔ̌ jě chì bɔ̌ keě di, ɔ plì ɔ̌ si blableǎǒ bo, è chì kèenʼě blableǎǒ slè ɔ̌ gbɛ̀ i ja.

Jɔ̀ɔ̌n 15:20

Bi beě a wlò jleě, Ě tmɔɔ̌ noo amo no ɛ̈ moo kèii tè se jǐ boǎ i seǒ ɔɔ chì kpa ämo mǒ sìn. Dɛɛ doǒ nɛ̀ ɛ mono, bɛ̌ nu bǔ tè Ně tè mɔ̀, u mi aa tè mɔ̀ tèba ke. È bɛ̌ nu bǔ tùuǒ Ně tee win bo, è u miiǒ aa nini bo tùba ke.

Jɔ̀ɔ̌n 16:2

U mi a Jùwɛ nyoo Nyesoa keǐ bo ble le sàba. Ɛ kɔn tǐ miěe dibaa chɛ̀ nyu wùɛ ɔ̈ mi amoo dbǎba ɔ mǐ ɛɛ jě ɛ̈ moo Nyesoaa konkwa nɛ̀ǒ ɔ ni.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:29

Ě ji ɛle bo sɔnʼà mǒ nyopòà kɔn kpni nymii jǐ le ü wǒo je chìa u miɔ a slè diba, u se aa nyu wɔle je jboba mu.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:16

Ně chɛ̀ Mǒ mi ɛ ɔ teeba ke ɔ kɔn bɔ nuu sònwɛ jejeɛ̌ keǒ Ně nynɛ̌ɛ tè mɔ̀.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 9:2

ɔ̌ gbàla ɔ wan bɔ nyea ɔ chněenoǎ bɔ kpala klě Jùwɛ nyoo Nyesoa keǐ bo ble le ï nea lěe dě fòɛǒ moo Dimasèka kɛn bï nyea nɔɔ kpě keǒ bɔ̈ kmeaa jbɛjlu klee nyno ü kɔnaěe tàkpɔ̌ǒ ü poaa Jùsuu tè kàan tè slè ü u dɛɛa Snǔ, ɔ mǐa u de kpa klě Jlǔsnɛ.