Lǔkù 10:2 - Nyesoaa Kuo Win Jajle

² Ɔ tmɔɔ̌a nu Ɔ je, “Nyopòà u fò lo wòje bebɛ̌ kou, kɛɛ ɛɛ bebɛ̌ nyo se fò. Tèǒ nì kɔn tè ba gbà chèǒ ɛɛ konkɔn Nyu wan Ɔ̈ moo Nyesoa Ɔ mǐ nyopò fòfoa dbo u mǐ Ɔɔ kouǒ bɛ̌.

Lǔkù 10:2 ပူးပေါင်းရင်းမြစ်များ

Matiɔ̌n 20:1

Nyesoaa win kwa konkɔn wǒ je keà chè kɔn nyu duǐi jemǒ kènta gbìi ɔ miěe pɛlě plooa mǒ ɔ mii chènyo le pɔ̀nma u mǐ ɔɔ konkwa nu klě chè mǒ.

Mǎkè 13:34

Ně de didiɛ miǎ je wǒba keà nyu mii tmɔtmɔ dakpǎ mǒ ɔ duǐ ɔɔ koǔ mǒ ɔ peě ɛ ɔ̀ɔ nyebajle kwete mǒ, u nyuu do bɔ̌ neǒ ɔ kɔn ɔ blěe konkwa ɔ nii plě ɔ̌ tmɛɛ̌ nyuǒ neǒo wànwie bɔ tù jǐ mɔ̀.

Mǎkè 16:15

È kě Ɔ dɛ̌a u je Ɔ je, “A mu a be kmɔ̌ wùɛà kɛn a mǐ tuposàà po ɛ̈ kwɛɛǒ Něe tè jleě mǒ bo klě nyu wùɛ mɔ̀.

Mǎkè 16:20

È Ɔɔ mɔ̀ cheěn nyo nùǒ mua ü bea blě kɛn ü boɛa Nyesoaa win. Koɔn neeaǒ u mɔ̀ Ɔ̌ nyea u jboo noǎ klee kpě ï teea lɛɛ ɛ̈ moo uu winʼǒ u boɛaa i mooa kàan tè.

Lǔkù 9:1

È Jùsu dala Ɔɔ mɔ̀ cheěn nyoo pù tùo sɔ̌n keǒ tàa do Ɔ̌ nyea u kpě bu sàlaě nyopò kǔ sìsi ja le klee bu peana kweǎ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 11:19

Tà Stimǐi dbadbǎ dɛǒ ɛ sìnʼaa, u tèa Tentǎn Jǔu wǎnʼǒ uu tè mɔ̀. Dɛǒ nɛ̀ nua nɛ ǔ gbɛ̀tɛɛaa blě kɛn le ǔ mua mu ǔ nyniaě blǒǒ moo Fonisìa kɛn klee blǒ tìeǒ moo Saeplɔ̀ ɛ̈ ně poa lěe gbàe mǒ plě klee dě fòɛǒ moo Ɛntìa kɛn ǔ pea tuposàǒ kwɛɛǒo Tentǎn Jǔ jleě mǒ bo. U poa ɛ Jùwɛ nyoo do sosǒ je.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:2

Chnɛ̀ jlǒ waě tɛ̀ɛ mɔ̀ u kea Koɔnʼɔ wɛ̀ sɛ̀ u keaa chìn, è Ngmà Je Ne Sùsu boɔlaě u mɔ̀, kě Ɛ dǎla Ɛ je, “Banàbɔ klee Sɔ̀ɔ̌ nù ba sà ba poo wakǎ mǒ keǒǒ mɔ̀ u mǐ konkwaà kɔn tè Ě da luu nu.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:4

Tàii sɔ̌nʼǒ nù Ngmà Je Ne Sùsu dboa bü mua konkwaǒ nu ǔ tèea je ǔ muaě dě fòɛǒ moo Silusìa kɛn ǔ sɔnaě mǒ ǔ bea ně kɛn měe wlòmo ǔ muaě blǒ tìeǒ ně poěe gbàe mǒ kɛn ɛ̈ u dɛɛ Saeplɔ̀.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 20:28

A tù aa chɛ̀ jǐ mɔ̀ a mǐ aa bǐì Tentǎn Jǔu wǎn jǐ mɔ̀ tù ü Ngmà Ne Je Sùsu poě amoo kwete mǒ ba tùu jǐ mɔ̀. Ba moo jǐ mɔ̀ tù nyo keǒ Tentǎn Jǔu wǎn mɔ̀ ü Nyesoa nu Ɔɔ chɛ̀ɛ nyopò mǒ keǒ Ɔɔ Jǔu kokoɛ̌ kɛn.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:21

È kě Koɔn dǎlaǎ je Ɔ je, ‘Mu, Ě miěè tà pɛ̀tu dboba klě kuodakwɛ̌ mɔ̀.’ ”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:4

È uu wùɛǒ gbɛ̀tɛɛa blěǒ kɛn le tà wùɛ uu nyu bɔ̌ nea ɔ boɛa Nyesoaa win.

1 Kwnɛtiɛ̌ 12:28

Nyesoa po aa do do tùnwɛ jleě le klě Tentǎn Jǔu wǎn slè. Klekle nyo nù moo Ɔɔ tuposà kpa nyo, è sɔ̌n nunu nyo moo Ɔɔ wnɔsàɔpo, è tan nunu nyo moo tee nyo plě nyopòà nii wlòlekaen noǎ klee nyopòà Ɔ nyee nyopò peanpeanʼa kbě klee mǒ sɛ̀ɛ nyo klee kàan je si nyo plě klee nyopòà wɔ̀le ɛɛ bü poo dɔ̌ɔdɔ̌ win.

1 Kwnɛtiɛ̌ 15:10

Kɛɛ Nyesoa noɛɛ neě mǒ no, tèǒ nì kɔn tè Ɔ poěě tǔnʼà wlòmo. Ɔɔ mǒ noɛnoɛ nu dɛ fòɛ keàǎ jleě mǒ, nɛ̀ kɔn tè Ě peě kbě bo nu konkwa jakǎ bɛ sìnʼǒ Nyesoaa tuposà kpa nyo wùɛ tùuǒ mǒ. Sɛjesɛ ɛ se mǒ ně nu konkwaǒ, ɛ moo Nyesoa Ɔ̌ noɛɛ neě mǒ Ɔ̌ ni konkwaǒ klěě mǒ.

2 Kwnɛtiɛ̌ 6:1

Amoà moo äa bǐì Nyesoa konkwa mɔ̀ nuu nyo, ä bɛ̀te ale aǎ ni Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ Ɔ nye amoo ɛɛ̌ moo putu.

Flepiɛ̌n 2:21

Nyu wùɛ bɔ̈ nee kɛ̀ǒ ɔ kɔnʼě ɔɔ chɛ̀ɛ tè mɔ̀ sosǒ ɛ̈ see dɛ bɔ nuu ɛ̈ kwɛɛǒo Tentǎn Jǔ Jùsuu tè jleě mǒ bo.

Flepiɛ̌n 2:25

Klě tǐà wlòmo ně dlǒ jě ɛ ɛ̈ moo ɛ wɛɛnʼǒ le keǒ boǒ dbo Apaflɔdetà de klě a mɔ̀ ɔ̈ moo äa nenawai klee ɔ̈ moo aa Nyesoaa tuposà kpa nyu. Ɔ dǔaǎ mǒ sɛ̀ɛ mǒ no keǒ dɛ Ě sòɛɛ mɔ̀ ɔ̌ mɛ̌aǎ le ä nia konkwa plě ɔ klee mǒ ä wɛ̀n keǒ Koɔn mɔ̀.

Flepiɛ̌n 2:30

Mɛ̌oǒ joo nɛ̀ moo ɔ dukwla kokoɛ̌ keǒ Tentǎn Jǔu konkwaà ɛɛ nunu tè mɔ̀ plě ɔ̌ poo ɔɔ chɛ̀ɛ fònfno kla kɛn keǒ bɔ nyeě mǒ sɛ̀ɛa taeà a slě wɔ̀ ba nye mǒo.

Klasɔ̌n 1:29

Ɔɔ kpě fòeǒ Ɔ nye mǒo nì Ě ni Ě peě kbě Ě sukwi chɔɔ keǒ bo nu Ɔɔ konkwaà.

Klasɔ̌n 4:12

Ɛpaflɔ̀ ɔ̈ moo Tentǎn Jǔu nyebajlo tɔ̀ɔ ɔ̈ sɔnʼě amoo tàkpɔ̌ǒ slè mǒ ɔ gbà a wan le ke. Tǐ wùɛ mɔ̀ ɔ mǎě sèn bo ɔ̌ bɛ̀teeǒ aa tà ɛ̈ di ɛɛ numa a mǐ bo nyna kpankpa a miǒ Nyesoa bo tù keǒ noǎ wùɛ Ɔ jlɛ̌ ba nuu mɔ̀.

1 Tɛseloniǎ 2:9

Ně bǐì Tentǎn Jǔu wǎn ane, sɛjesɛ bi beě a wlòmo ke ä nua lěe kbě popoɛ ä nuaa konkwa nunuɛ. Tǐǒ jleě ä peaa Nyesoaa kàan tuposàǒ ɛ̈ kwɛɛǒo Jùsu jleě mǒ bo klě a mɔ̀, tǒn klee chnɛ̀ ä nia konkwa keǒ ä mǐa äa chɛ̀ mǒ sɛ̀ ɛ̈ di ɛɛ numa äǎ dia a dɛ wùɛ sòa.

1 Tɛseloniǎ 5:12

Ně bǐì Tentǎn Jǔu wǎn ane, ä bɛ̀te ale, nyopòǒ neě amoo slè ü nii konkwa a kɔnʼǒ u tùtuɛ klee nyopòǒ neěe Tentǎn Jǔu wǎn slè üǒ Koɔn tbaa bü moo aa tee nyo.

2 Tɛseloniǎ 3:1

Ně bǐì Tentǎn Jǔu wǎn ane, demǒ bɔɔ̌ dɛ nɛ̀à, a bàte keǒ äa tè mɔ̀ ɛ̈ di ɛɛ numa tuposàà kwɛɛǒo äa Koɔn Jùsu jleě mǒ bo ɛ mǐ nya muu nu, ɛ mǐ le gbɛ̀tɛɛ le klě le wlewlě tǔn wlòmo klee ɛ miǒ tùtuɛ kɔn wòje keǒ ɛ nuaa klě a slè.

1 Timɛtě 4:10

Dɛǒ nɛ̀ kɔn tè ä sukwi klee ä peě kbě ä ni konkwa. Mɛ̌oǒ joo nɛ̀ moo ä poě äa wlò je kuuan klě kmɔ̌ ne Nyesoa ja bo Ɔ̈ moo Wowa Nyu keǒ nyopò wùɛ mɔ̀, sɛjesɛ keǒ nyopòà po Ɔɔ tè kàan tè mɔ̀.

2 Timɛtě 4:5

Kɛɛ jiǒ dìee wlò mɔ̀ kwa bleblɛ̌ keǒ dɛ wùɛ mɔ̀. Wɛ̀ mɔ̀le keǒ sònwɛ jejeɛ̌ mɔ̀, nu Nyesoaa win blě kɛne nae konkwa plě nu dɛ wùɛ ɛ̈ Nyesoa jlɛ̌ bò nuu.

Falimɔ̌ 1:1

Mǒ Pɔ̀ɔ̌à chlě chněedɛ̌à ɔ̈ u poo wùlo keǒ Tentǎn Jǔ Jùsuu tè mɔ̀, mǒ klee ně nenawai Timɛtě ämoà chleě mǒ Falimɔ̌ mɔ̀ ɔ̈ moo äa nenawai klee äa bě konkwa nuɔ.

Hiblǔ 3:6

Kɛɛ Tentǎn Jǔ mǎě bo sèn wòje Nyesoaa Jǔ Ɔ̈ kɔnʼɔ Nyesoaa nyopò win kwa. Bɛ̌ nu bä ke nya mii ni bä ke wlò kpaea klee kponkpɛ kwɛn klě Tentǎn Jǔu do mǒ, è ä moo Nyesoaa nyopò.

Wlɛ̀velesɔ̌n 2:1

È Jùsu kpɛɛa Ɔɔ win nya Ɔ je, “Chleě najiǒpòiǒ mɔ̀ ɔ̈ nynaǒo Tentǎn Jǔu wǎnʼǒ pènmo bo ü neěe dě fòɛ moo Ɛfèse wlòmo, kě bò dǎ ɔ je u je, ‘Winʼà i sɔnʼě mɔ̀ mǒ Nyuǒ blěe jɔtnèe nyiɛtaǒ kwa klě Ɔɔ dilǎ son mǒ klee Ɔ̈ nɛɛ le klě klò nǎpea tii nyiɛtaǒ slè.