Lǔkù 10:11 - Nyesoaa Kuo Win Jajle

¹¹ ‘Ä gbàpo äa be le ä sà diěǒ ɛɛ pǔpu be le ɛ mǐ ɛ tee le ɛ̈ moo Nyesoaa plɔ se a kɛn bloo lo. Kɛɛ bi beě a wlò jleě ɛ̈ moo Nyesoa diě le Ɔ mǐ a win kwa kɔn!’

Lǔkù 10:11 ပူးပေါင်းရင်းမြစ်များ

Matiɔ̌n 10:14

Bɛ̌ nu nyu wùɛ bɔ̌ se aa kɛn jɛɛaǒ jebo kme plě bɔ̌ se aa win nɔkǔ jebo po, è ba sɔnʼě koǔǒ bo mǒ ɔ̀ɔ̌ klě diěǒ wlòmo. È bǎ ke mi a gbàpo aa be mǒ a sà pǔpu be le ɛ mǐ ɛ tee le ɛ̈ moo Nyesoaa plɔ se u kɛn bloo lo.

Matiɔ̌n 10:7

È bɛ̌ nu bǎ mu bǎ nyniě u mɔ̀, winʼà nì ba boɔ u je ɛ̈ moo, ‘Nyesoa diě le Ɔ mǐ a win kwa kɔn.’

Matiɔ̌n 3:2

È kě ɔ dɛ̌a ɔ je, “Nyesoa diě le Ɔ mǐ a win kwa kɔn. Ii tè a bitǐ aa wlè bo!”

Mǎkè 6:11

È bǎ nyniǒ tà, bɛ̌ nu bǔ se a jebo kme plě bǔ se aa win nɔkǔ jebo po, è ba sɔnʼǒ tàǒ mǒ. Bǎ ke mi a gbàpo aa be mǒ a sà pǔpu be le ɛ mǐ ɛ ù tee le ɛ̈ moo Nyesoaa plɔ se u kɛn bloo lo.”

Lǔkù 10:10

Kɛɛ bɛ̌ nu diěǒ a miěe wlòmo paba ɛɛ nyopò bǔ se a jebo kme, a beǒ ɛɛ blɛblě mɔ̀ kě ba dǎ,

Lǔkù 10:9

A pean kmakma nyoǒ neěe, a tmɔɔ̌ u ɛ̈ moo, ‘Nyesoa ne kɛn tùɔn Ɔ mǐ a win kwa kɔn.’

Lǔkù 9:5

Bɛ̌ nu diě kwɛɛnʼǒ bǔ se a jebo kme, è ba sà pǔpu be le a miě diěǒ wlòmo sɔn, nɛ̀ mi ɛ teeba ɛ̈ moo Nyesoaa plɔ se u kɛn bloo lo.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:26

Ně mɔ̀niapo ale, Eblɛ̌hɛ̀moo jlǔu jlǔ klee kuodakwɛ̌ ü nyeǒo Nyesoa bo tùtuɛ, amoà Nyesoa dbo tuposàà mɔ̀ ɛ̈ kwɛɛǒo wowa dɛɛ tè jleě mǒ bo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:40

Tèǒ nì kɔn tè a tùě jǐ bo, nɛ̀ bɛ̌ se, è noǎǒ kɔn tè Nyesoaa wnɔsàɔpo boɔɔaa kɛn i kɔn bi kpa tùɔn keǒ a jleě mǒ ǔ dɛ̌a bòo ɛ̈ moo,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:46

Kɛɛ Pɔ̀ɔ̌ klee Banàbɔ seaě mɛ nyěkà mǒ bo gbà ǔ tùa u kɛ̀ɛn u je, “Ä kɔn bä boɔ amo Jùwɛ nyo Nyesoaa win je klekle, kɛɛ ke ɛ toon jleě mǒ bo ǎ sà lii jleě mɔ̀ plě ǎ jě ɛɛ ɛ̈ moo a seǒ je blɛɛ le keǒ kmɔ̌ sie fònfno mɔ̀, nɛ̀ kɔn tè ä bitǐ bo ä miɔ kuodakwɛ̌ mɔ̀ klě tǐà wlòmo.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 13:51

Ii tè Pɔ̀ɔ̌ klee Banàbɔ gbàpoa uu be le ǔ sàla pǔpu be le ɛ mǐa ɛ tee le ɛ̈ moo Nyesoaa wlò sea u kɛn bloo lo. È nùǒ sɔnaě diěǒ wlòmo ü muaě dě fòɛǒ moo Akonìa kɛn.

Wlǔmɔ 10:21

Kɛɛ dɛà nɛ̀ Nyesoa boɛaǒ Ǐsòwɛ̌ kwɛɛn jleě mǒ, kě Ɔ dɛ̌a Ɔ je, “Ě pnɛ̌a Ně chɛ̀ɛ son mǒ klě tǐ pɛ̀ti wlòmo keǒ nyopòà üǔ tùǒ Mǒo bo mɔ̀ plě ü wɛ̀n mǒo je.” (Is 65.2)

Wlǔmɔ 10:8

Ɛmo dlǒ le sìɛnsiɛn taeǒ ɛ seǒ le wɛɛn ne, Nyesoaa win je, “Kɔ̀n Nyesoaa win ni è boɛ li plě ǐ neěè wlò jleě.” (Deut 9.4, 30.11-14) Dɛǒ nɛ̀ moo tè wlò popoɛɛ tuposà ä pe

Hiblǔ 1:3

Nɔ̀ moo Nyu Ɔ̈ tee ɛɛ ɛ̈ moo Nyesoa ne kɛn tùɔn plě Nyesoaa kmɔ̌ nɛ̀ neě Ɔ ja teěn. Nɔ̀ ni kmɔ̌à ɛ̌ neǒ klě Ɔɔ kpě kɛne win wlòmo. Tà Ɔ nu ɛɛ ɛ wɔ̀le ɛɛ keǒ tùonyugbee dɛ kukǔu tè bi poo loo wlò le, è Ɔ ne bo klě jɔkɛn klě Ja Tmɔ Nyesoaa dilǎ son mɔ̀ keǒ tùɔnʼǒ kɔnʼǒo tùtuɛ fòɛ kɛn.