Lǔkù 1:6 - Nyesoaa Kuo Win Jajle

⁶ Uu sɔ̌nʼǒ u mooa jebo siǐn nyo klě Nyesoa jǐ kɛn ǔ tùiaǒ Nyesoaa teteǎ wùɛ ble klee dɛ Ɔ tmɛɛ̌a nuu klě Ɔɔ win wlòmo.

Lǔkù 1:6 ပူးပေါင်းရင်းမြစ်များ

Lǔkù 1:7

Lesebɛ̌ kǒaě měne wlò plě uu sɔ̌nʼǒ u wɛ̀aě le, ii tè u sea jlǔ kɔn.

Lǔkù 16:15

È kě Jùsu dɛ̌a u je Ɔ je, “A tɛ̀n ɛ mǒ keǒ ba moo kàan nyo keǒ nyopò tùu jǐ kɛn, kɛɛ Nyesoa ji dɛ neě amoo wlò jleě le. Noǎà kɔn tè kmaa keǒ tùonyopo mɔ̀ i se dɛ nynɛ̌ sɛ̀n klě Nyesoa jǐ kɛn.

Lǔkù 2:25

È klě tǐǒ wlòmo ɛ kɔna jbɛju tɔ̀ɔ ɔ̈ mooaa Semìɔ ɔ̈ nea lěe Jlǔsnɛ. Ɔ mooa jebo siǐn nyu ɔ̌ tùiaǒ Nyesoaa win, nɔ̀ fea Nyesoa kɛn mǒ keǒ Bɔ gblàla Ǐsòwɛ̌ kwɛɛn. Ngmà Je Ne Sùsu Nɛ̀ neaě ɔ ja,

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 2:25

Jùsu boɔɔaě Dèběse mǒ seela tǐ jleě, kě Ɔ dǎla Ɔ je, ‘Tǐ wùɛ mɔ̀ Ě jě Nyesoa keǒǒ gbàa. Ɔ neǒǒ wakǎ mǒ ɛ̈ di ɛɛ numa dɛɛ̌ seě du.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 23:1

Pɔ̀ɔ̌ siiaě jǐ ɔ̌ tɛnaě tè tù nyoǒ mɔ̀le, è kě ɔ dɛ̌a ɔ je, “Ně bǐì Jùwɛ nyo ane, ně tè le jbojbɛ pàe le chnɛ̀ ɛ̈ kwɛɛǒo noǎ wùɛà Ě dǔaa nunuɛ mǒ jleě mǒ bo keǒ bo nu Nyesoaa konkwa bò jɛ chnɛ̀ jlǒ waěà.”

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 24:16

Ii tè tǐi pɛpɛ mɔ̀ Ě tɛ̀n ɛ mǒ keǒ bo nu ně tè le jbojbɛ bɛ snǎě mɔ̀le keǒ Nyesoa klee tùonyopo jemǒ.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:21

Sèǒ äa Nyesoaa konkwaà ä nii wakǎ jleě mǒ kɔn plě sèě ɛ slè ne. Mɛ kɔɔ̌n tèǒ joo nɛ̀ moo nè wlòǒ neě mòo wlòmo ɛ seǒ jebo siǐn ni keǒ Nyesoa jemǒ.

Wlǔmɔ 8:4

ɛ̈ di ɛɛ numa äǎ di dɛǒ äa tùonyu kmɔ̌ jlɛ̌ bɛ nuu nu, kɛɛ ä mǐ dɛǒ Nyesoaa Sùsu jlɛ̌ bä nuu nu, è jebo siǐn dɛǒ teteǎ jlɛ̌ɛ nɛ̀ǒ ä ni.

1 Kwnɛtiɛ̌ 11:2

Ě pe aa nyneǎ le keǒ ně tè bi diǒ aa wlò jleě be tǐ wùɛ mɔ̀ klee noǎà Ě tee amoo ba diǒ i bo tù wòje ke Ě nu i amoo teea.

2 Kwnɛtiɛ̌ 1:12

Ɛ kɔn dɛ tɛ̀ɛ kɔn tè ä kuun kɛn le, è äa tè le jbojbɛ tmɛɛ̌ ämo ɛ̈ moo ɛ moo kàan dɛ. Nyesoa Nɔ̀ sɛ̀ɛ ä mǒ nɛ̀ nu ɛ tǐ wùɛ mɔ̀ ä ni dɛ keǒ nyopò wùɛ mɔ̀, sɛjesɛ keǒ amoà mɔ̀ klě kwa nmɔnmɔ klee sèn bo momǎ mǒ. Ɛ moo Nyesoaa wlòo jlajlǎ dɛ ɛ̈ɛ̌ sà Ɔɔ wlò kǔ mǒ keǒ ä mɔ̀ nɛ̀ǒ ni ɛmoǒ, ɛ se tùonyugbee tɔ̀n ɛ se ä nu ä se ɛmoǒ nu.

Flepiɛ̌n 2:15

ɛ̈ di ɛɛ numa tè jɛɛa ɛɛ̌ diǒ a jleě mǒ ne, a mǐ Nyesoaa jlǔà snǎ lěe mɔ̀le tù ü kɔɔ̌ dɛ seǒo jleě mǒ ne klě kmɔ̌ɔ jǐ le nymi nyo klee kpni kukwǐ nyoǒ neěe kmɔ̌ mɔ̀ slè. A fɔn klě u slè wòje jɔtnè ï fɛnʼɛ kělɔ kmɔ̌ɔ mɔ̀.

Klasɔ̌n 1:22

Kɛɛ klě tǐà wlòmo Nyesoa ja a de kělɔ Ɔɔ chɛ̀ mɔ̀. Ɔ nuuě ɛ Ɔ̀ɔ Jǔu kokoɛ̌ mǒ ɛ̈ di ɛɛ numa a mǐ ngmà je ne klee a mǐ sìnɛ wɛ̀ plě klee tè jɛɛa ɛɛ̌ diǒ a jleě mǒ ne keǒ Ɔmo Nyesoa jemǒ.

1 Tɛseloniǎ 3:13

Nɛ Bɔ po aa tè wlò popoɛ kbě ja le ɛ̈ di ɛɛ numa bɛ̌ nu äa Koɔn Jùsu Tentǎn Jǔ Bɔ̌ diǎ de, Ɔ klee Ɔɔ mɔ̀ na nyo wùɛ tè jɛɛa ɛɛ̌ diǎǒ a jleě mǒ ne plě a miǎ ngmà je ne keǒ äa Gbeǐ Nyesoa jemǒ.

2 Pitɛ̌ 3:14

Tèǒ nì kɔn tè ně mǒ noɛɛ nyopò ane, ɛ̈ kɔn amo pɛ̀n imoo noǎǒ snǔ mɔ̀le, ba poě kbě a nu dɛ a wɔ̀lee nunuɛ a miě mɔ̀le snǎ tè jɛɛa ɛɛ̌ diǒ a jleě mǒ ne plě ně bo wnawna miǒ a klee Nyesoa slè ne.

1 Jɔ̀ɔ̌n 2:29

Ke ɛ toon jleě mǒ bo ǎ ji ɛɛ ɛ̈ moo Tentǎn Jǔ moo Jebo Siǐn Nyu, a ji ɛle ke ɛ̈ moo nyu wùɛ ɔ̈ nii jebo siǐn dɛ ɔ moo Ɔɔ jǔ.

1 Jɔ̀ɔ̌n 2:3

Bɛ̌ nu dɛà Nyesoa tmɛɛ̌ ämoo bä tùǒ ɛ bo, è ä ji ɛle tɛɛ ɛ̈ moo ä ji Ɔ lo.

1 Jɔ̀ɔ̌n 3:7

Ně jlǔ ale, aǎ sonwɛǒ nyu wùɛ mɔ̀ mǒ ɔɔ̌ gbee a mǒ. Nyu wùɛà nii jebo siǐn dɛ ɔ moo jebo siǐn nyu wòje Tentǎn Jǔ.