Lǔkù 1:17 - Nyesoaa Kuo Win Jajle

¹⁷ È nɔ̀ miě Koɔn nya kɛnma klě kpě kɛne sùsu mǒ wòje Ilaejɔ̀ ɛ̈ di ɛɛ numa ɔ miǒ jlǔ klee gbeǐpò tàa do po, è nɔ̀ mi seǒ nyu bo tùtuɛ kɔn nyopò tɔ̀n teeba wòje ɛ̈ǒ jebo siǐn nyo kɔnʼɔ, dɛǒ nɛ̀ ɔ mi numa ɔ mǐ u mɔ̀le wɔ̀ keǒ Koɔnʼɔ didiɛ mɔ̀.”

Lǔkù 1:17 ပူးပေါင်းရင်းမြစ်များ

Matiɔ̌n 11:14

Bɛ̌ nu bǎ po winʼǒ u sàlaa wan kàan tè, è Jɔ̀ɔ̌n moo Ilaejɔ̀ ɔ̈ kɔn tè Nyesoaa wnɔsàɔ boɔlaa ɔ je ɔ̈ miǎ lěe diba.

Lǔkù 1:76

È keǒ mòà moo něe jǔ mɔ̀, u miì Ja Tmɔ Nyesoaa wnɔsàɔ daeba. Mɛ kɔɔ̌n tèǒ joo nɛ̀ moo mòà mò miě Koɔn nya kɛnma ɔ̈ mi nyopò mɔ̀le wɔ̀ba keǒ Ɔ mɔ̀.

Jɔ̀ɔ̌n 3:28

Nɛmo aa chɛ̀ a wɔ̌na ini tà Ě tmɛɛ̌a amoo ɛ̈ moo Ě se Nyesoaa Tentǎn Jǔ, kɛɛ Nyesoa dboaǎ le kělɔ Tentǎn Jǔ nya Ě mǐa nyopò mɔ̀le wɔ̀ keǒ Ɔ mɔ̀.

Wlɛ̀velesɔ̌n 20:4

È Ě jěa klɔ̀ba gbèsɛi ï nyopò neaa kɛn ble ü kpě nyeea bü tùaa blilǐ. Ě jěa nyopòà uu sìsi ü u bɛ̌aa dlě jele keǒ Jùsuu sàse dɛ nunuɛ tè mɔ̀ klee Nyesoaa win boɔboɔ tè. U sea nmiǒ ɔ klee ɔɔ sùsu tuu wɛ̀ sà plě u sea ɔɔ mǎkpee blě keǒ uu jigbàa gblee wnana mǒ klee keǒ uu son kɛn. Nù sɔnaě kǒla mǒ ü klee Tentǎn Jǔ kɔna win kwa klě jlěe taslěwaeǒ wlòmo.

1 Pitɛ̌ 2:9

Kɛɛ amo moo nyopò Nyesoaa chɛ̀ sàǒo bü moo Ɔmo Klɔ̀ba Nyesoaǒ Ɔɔ kpatòapoo klee ngmà je ne dakɔ̌ klee Ɔɔ nyopò Ɔ sàǒo keǒ bü poo sàe ɛ̈ kwɛɛǒo wlòlekaen noǎà Ɔ nuu jleě mǒ bo Ɔ̈ da amoo ǎ sɔn lěe kwijlě slè mǒ ǎ diɔ Ɔɔ wlòlekaen pepěɔ slè.

Klasɔ̌n 1:12

È a mǐ Nyesoa tàto pe Ɔ̈ moo aa Gbeǐ Ɔ̈ nu amoo ǎ wɔ̀ě ɛɛ keǒ ba kɔnʼǒo noǎ wùɛ Ɔ peea lěe Ɔɔ nyopò wakǎ jleě mǒ klě Ɔɔ deplěǒ miěe jɔkɛn nema slè.

2 Timɛtě 2:21

Bɛ̌ nu nyu bɔ̌ snǎě ɔɔ chɛ̀ mɔ̀le bɔ̌ tɛ dɛ kukǔ nunuɛ bo, ɔ mi je wǒba chěleaǒ tè kmɛ kekɛɛ plě u ninii dɛ mǒ. Ɔ mi ngmà je nema plě ɔ mǐ konkwa fòɛ kɔn keǒ Nyesoa mɔ̀, è ɔ mi mɔ̀le wɛ̀ba keǒ bɔ nu kàan konkwa wùɛɛ doědoe.

Wlǔmɔ 9:23

Dɛǒ nɛ̀ Ɔ ni ɛ̈ di ɛɛ numa Ɔ mǐ Ɔɔ tè jǐ boaboǎ fòɛ tee le keǒ nyopòà mɔ̀ ü Ɔ jboo wɔle je Ɔ wɔ̀ɔ mɔ̀ keǒ tè jǐ boaboǎǒ mɔ̀ klě seela tǐ jleě.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 10:33

Ii tè tǐi doo tǐ jleě kě Ě nu nyopò dbodbɛ klěè mɔ̀. Ɛ nu kàan dɛ è diě, klě tǐà wlòmo äa wùɛ Nyesoa jemǒà ä nynaà bo ä mǐ dɛ wùɛǒ Ɔ boɔ mòo je nɔkǔ jebo po.”

Jɔ̀ɔ̌n 1:34

Ě jě ɛle ɛ̌ kpa tùɔn, nɛ̀ kɔn tè Ě tmɛɛ̌ amo ɛ̈ moo Jùsu Nɔ̀ moo Nyesoaa Jǔ.”

Jɔ̀ɔ̌n 1:13

Ɛ se keà äa naǎ klee gbeǐpò nii ǔ beǒ tàa do ǔ kɔn ämoo, kɛɛ Nyesoaa chɛ̀ Nɔ̀ nu ä Ɔɔ jlǔ mǒ.

Lǔkù 1:16

Ǐsòwɛ̌ kwɛɛn dɛ fòfoa nù ɔ mi de jaba kělɔ uu Koɔn Nyesoa mɔ̀.

Matiɔ̌n 14:4

Mɛ̌oǒ joo nɛ̀ moo Jɔ̀ɔ̌n tmɛɛ̌a nɔ kaǒ ɛ̈ moo ɛ sea tetě keǒ bɔ kɔna ɔɔ mamǔu nynɔ.

1 Jɔ̀ɔ̌n 2:28

Ně jlǔ ale, sɛjesɛ klě tǐà wlòmo aa tè wlò popoɛ bɛ muu nya klě Tentǎn Jǔ mǒ ɛ̈ di ɛɛ numa Bɔ̌ tbaeǎ je, ä miǎ wlò je kunkuɛn kɔn klee äǎ diǎ tònwe měne be plě äǎ diǎ Ɔ je wɛɛ̌ le.

Matiɔ̌n 3:4

Jɔ̀ɔ̌nʼɔ mǒ po dale nua bùkɛn sòkwee pìnpnii ɔ̌ pea koɔ wlo mɔ̀. Ɔɔ digbaǐ mooa tànynakpaǐ klee dochnɔ.

Matiɔ̌n 3:3

Jɔ̀ɔ̌nʼǒ nɔ̀ kɔn tè Nyesoa poa Ɔɔ wnɔsàɔ Aesaeǎ wan seela tǐ jleě, kě ɔ dɛ̌a ɔ je, “Ɛ miǎ nyu tɔ̀ɔ kɔnma ɔ̈ miǎ sàe poba klě kpatekpǎ blǒ kɛn kě ɔ miǎ dǎba, ‘Ba wɔ̀ aa chɛ̀ mɔ̀le keǒ Koɔn mɔ̀ wòje keà nyu pee fɛ snǔ ɛ slɛɛ̌ mǒo keǒ nyefòɛɛ didiɛ mɔ̀.’ ” (Is 40.3)