Jìmǐse 5:7 - Nyesoaa Kuo Win Jajle

⁷ Ně bǐì Tentǎn Jǔu wǎn ane, a kɔn wlò dbadbǎ ɛ mǐ ɛ kpa kpa äa Koɔn Jùsu miǎ de di. Aa chɛ̀ a ji ɛle keǒ jlǒ nu nyo nii ǔ fe uu dǎgbà u dɔ̌ɔ kɛn mǒ klě chèa mǒ i mǐi kun i mǐi kàan digbaǐ tù, plě u dbɛ̌ wlò ǔ fe nǔ bɛ diě ɛ mǐ uu digbaǐ kuɛn.

Jìmǐse 5:7 ပူးပေါင်းရင်းမြစ်များ

Matiɔ̌n 16:27

Jbɛjuu Jǔà Ɔ klee najiǒpòo tǐ mǎ bo je keǒ bu diě klě Ɔɔ Gbeǐi tè jǐ boaboǎ wlòmo. È Ɔ mi nyu wùɛ snǒ sàba ke ɔɔ nunu dɛ nee.

Matiɔ̌n 16:28

È tèe jleě nìà Ě tmɛɛ̌ amo, tà ä nynanàa bo ɛ kɔn nyopò tùu ü neàa ü see kǒba mu u mǐǎ Mǒ Jbɛjuu Jǔà jě Ě mǐǎě Ně win kwa konkɔn wlòmo dii li.”

Matiɔ̌n 24:27

Mɛ kɔɔ̌n tèǒ joo nɛ̀ moo keà tɛ̀n ngmněe ɛ sonwɛ lěe wɛnʼɛ kwlǎ mǒ wǒla mǒ ɛ̌ miěe wɛnʼɛ pala mǒ nyu wùɛ jě ɛɛ, kě Jbɛjuu Jǔà Ɔɔ didiɛ miǎ je nema.

Matiɔ̌n 24:44

Tèǒ nì kɔn tè a wɛ̀ mɔ̀le tǐ wùɛ mɔ̀. Mɛ̌oǒ joo nɛ̀ moo tǐà a see Jbɛjuu Jǔà wlò tɔɔnma mu nì Ɔ miǎě jaba.”

Lǔkù 18:8

Bo tmɔɔ̌ amo, Ɔ mi ɛ jěba Ɔ mǐ mǒ slɛɛ̌ dɛ nu keǒ u mɔ̀ kekǎ kekǎ. Kɛɛ bɛ̌ nu bo Jbɛjuu Jǔà Bɔ̌ diǎ lě, Ɔ miǎ kɛɔ nyu wùɛ kmɔ̌ɔ mɔ̀ jɛɛba ɔ̈ kɔnʼɔ tè wlò popoɛ klě Ɔ mǒe?”

Lǔkù 21:27

È nyopò wùɛ miǎ Jbɛjuu Jǔà jěba Ɔ miǎě nukpě kɛn dii li klee klě Ɔɔ kpě fòe klee tè jǐ boaboǎ wlòmo keǒ Nyesoaa win dɛ̌ɛ. (Dan 7.13)

Lǔkù 8:15

Kɛɛ jɔ̌ǒ beǒo kàan blǒ kɛn i nynaǒ pènmo bo nyopòà wɔ̌nʼɔ Nyesoaa win klě uu kàan klee sèn bo mǎ wlò jleě plě ü tùiǒ ii bo klee ü nee ii kmɔ̌ klě wlò kpae tǔn mǒ.”

Jɔ̀ɔ̌n 21:22

È Jùsu tùa ɔ kɛ̀ɛn Ɔ je, “Bɛ̌ nu Bo dǎa bò ɛ̈ moo Ě jlɛ̌ bɔ ne kmɔ̌ ne ne Ě mǐ de diò, mɛ kɔ̀ɔn noǒ kɛɛ̌ ɛ mɔ̀? Kɛɛ mòà naǎ de.”

Jɔ̀ɔ̌n 21:23

Imo winʼǒ nì u tontnooaa je le klě Tentǎn Jǔu wǎn slè ɛ̈ moo, “Jùsuu mɔ̀ cheěn nyuǒ ɔ se kǒba mu.” Kɛɛ Jùsu sea bò dǎ ɛ̈ moo ɔ se kǒba mu, kě Ɔ dǎla Ɔ je, “Bɛ̌ nu bo dǎa bò ɛ̈ moo Ě jlɛ̌ bɔ ne kmɔ̌ ne ne Ě mǐ de diò, mɛ kɔ̀ɔn noǒ kɛɛ̌ ɛ mɔ̀?”

Wlǔmɔ 15:4

Noǎ wùɛà neěe Nyesoaa win wlòmo i chleěa seela tǐ jleě i mǐ ä jboo le klee i mǐ tee dɛ tù keǒ ä mɔ̀ ke Nyesoa nii nyopòǒ mǒ sɛ̀ɛa üǔ mǎ nuu tè wlò popoɛ klě měne tèntɛn slè ɛ̈ di ɛɛ numa ä mǐ wlò je kunkuɛnʼɛ doǒ kɔn.

Wlǔmɔ 2:7

Nyopòà peěe kbě le ü kwɛnʼɛ wlò dbadbǎ keǒ bü nuu kàan dɛ keǒ tè jǐ boaboǎ klee bo tùtuɛ klee ně sɔ̀n fǒo tè mɔ̀, nù Ɔ miǎ kmɔ̌ sie fònfno nyema.

1 Kwnɛtiɛ̌ 1:7

Dɛǒ nɛ̀ nu ɛ tà a fee äa Koɔn Jùsu Tentǎn Jǔ Bɔ dii de de, Nyesoaa Sùsuu nyee noǎ klě a slè i se a kɛn bɛɛ̌ba mu.

Kalesiɛ̌n 5:5

È keǒ ämoà mɔ̀ ä pɛ̀n ɛ le klě tè wlò popoɛà Ngmà Je Ne Sùsu nye ämoo mǒ keǒ ba wɛɛnʼě Nyesoa jǐ kɛn le.

Kalesiɛ̌n 6:9

Ii tè a nɛ äa kbě biǐ wɛ̀ le keǒ kàan dɛ nunuɛ mɔ̀. Bɛ̌ nu bä se sea, klě kàan tǐ wlòmo ä mi snǒ sàe dɛ jěba.

Klasɔ̌n 1:11

Ä bɛ̀te Nyesoa Ɔ mǐ a kbě nye ï sonwɛě Ɔɔ tè jǐ boaboǎ kpě wlòmo ɛ̈ di ɛɛ numa a miě ɛ wɔ̀ keǒ ba nyna dɛ wùɛ jebo klě wlò dbadbǎ klee chǒn mǒ.

1 Tɛseloniǎ 1:3

Bä keě äa Gbeǐ Nyesoa mɔ̀ boɛ, ä pe aa tè wlò mɔ̀ ke a nii konkwa nunuɛ keǒ Tentǎn Jǔ mɔ̀ Ɔ̈ kɔn tè a poo kàan tè klee ke aa mǒ noɛnoɛ a kɔnʼɔ keǒ Nyesoa klee nyopò tùu mɔ̀ ni amoo nunuɛ ǎ peě kbě le ǎ nii konkwa plě klee ke aa wlò je kunkuɛn a kɔnʼɔ klě äa Koɔn Jùsu Tentǎn Jǔ mǒ ni amoo nunuɛ ǎ nynɛɛ měne tèntɛn jebo.

1 Tɛseloniǎ 2:19

Bo äa Koɔn Jùsu Bɔ̌ diǎ de de, mu aa wlò je ü miǐ kɛ ämo numa ä miǐ kɛn le kun klee ä miǐ chǒn le nu plě klee ü kɔn tè ä miǐ wan le poba klě Ɔ mɔ̀? Amoà amo ɛ mi tùba!

1 Tɛseloniǎ 3:13

Nɛ Bɔ po aa tè wlò popoɛ kbě ja le ɛ̈ di ɛɛ numa bɛ̌ nu äa Koɔn Jùsu Tentǎn Jǔ Bɔ̌ diǎ de, Ɔ klee Ɔɔ mɔ̀ na nyo wùɛ tè jɛɛa ɛɛ̌ diǎǒ a jleě mǒ ne plě a miǎ ngmà je ne keǒ äa Gbeǐ Nyesoa jemǒ.

Hiblǔ 6:15

Tà Eblɛ̌hɛ̀mo dbǎlaa wlò ɔ foa lɛɛ kɛn mǒ, è ɔ jěa dɛǒ Nyesoa peeaě ɔɔ lo.

Jìmǐse 4:11

Ně bǐì Tentǎn Jǔu wǎn ane, baǎ boboɛɛ tè fǒ měne. Nyu wùɛ ɔ̈ mi ɔɔ bǐì Nyesoa nyo tè fǒ měne boɔba plě ɔ̈ mi nuu tè jɛɛba, è sɛjesɛ Nyesoaa teteǎǒ ɔ boɛ tè fǒ měne plě ɔ jɛɛ tè. È bɛ̌ nu bǎ ke ii tè jɛɛ le, è aǎ nu dɛ i boɛɛ, kɛɛ a jɛɛ i tè sosǒ.

Jìmǐse 5:10

Ně bǐì Tentǎn Jǔu wǎn ane, ba tanʼǒ wnɔsàɔpo mɔ̀le, nù moo ɛɛ jboo dɛ keǒ sònwɛ jejeɛ̌ɛ wlò dbadbǎ mɔ̀ ü boɛaa klě Koɔnʼɔ nynɛ̌ wlòmo.

Jìmǐse 5:3

Aa klò klee sěbla miǎ gbàcho paba, è ii gbàchoǒ nɛ̀ miǎ sàse tùba keǒ a jleě mǒ, ɛ miǎ aa blǒ fǒ di wòje na. A gbè le pònpan fòfoa klě demǒ bɔɔ̌ chnɛ̀ jlǒ wě gbeià wlòmo.

2 Pitɛ̌ 3:4

Kě u miǎ dǎba ɛ̈ moo, “Dɛ̌ɛ̀ Tentǎn Jǔ peeaě ɛ ale ɛ̈ moo Ɔ mia de dibaò? È tà Ɔ neě de? Aa gbeǐpòo gbeǐpò kǒ lo, kɛɛ sɔɔnʼaě tǐǒ Nyesoa nuaa kmɔ̌à jleě mǒ, ke kɔn do ɛ dǔaa neneɛ mǒ kě ɛ neě jè.”