Jìmǐse 5:6 - Nyesoaa Kuo Win Jajle

⁶ Jebo siǐn nyoà üǔ tba amoo kàkae je nù a bɛ̌ kokǒ wun kɛn a pee mnùngma.

Jìmǐse 5:6 ပူးပေါင်းရင်းမြစ်များ

Matiɔ̌n 21:38

Kɛɛ tà jlě nu nyoǒ u jěa ɔɔ jǔǒ, è kě u dɛ̌a u je, ‘A jè jǔ miǎ noǎ wùɛ win kwa kɔnma nɔ̀ǒ diě, a diě bä dbǎ lɔ ɛ̈ di ɛɛ numa ɔɔ konkɔn noǎà ä mǐ i je chlì.’

Matiɔ̌n 27:20

Klě ɛmoǒ wlòmo Nyesoaa kpatòapoo fòe klee Jùwɛ nyoo bòlibo nyenynɛ̌ɛa diblɛ̌ǒ u je a tmɔɔ̌ ɔ Balabɔ̀ nɔ̀ bɔ tɛ bo, è Jùsuǒ Nɔ̀ bɔ dbǎ!

Matiɔ̌n 5:39

Kɛɛ Ě tmɛɛ̌ ane, aǎ ni dɛ kukǔu doǒ aǎ sɛ̀ dɛ kukǔu kpa, kɛɛ bo nyu bɔ̌ pooěè kpǎ dilǎ nyěkà mǒ, è bò teǒ gbàpe nyěkà bɔ pooě kpǎ ke.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 22:14

È kě ɔ dɛ̌a ɔ je, ‘Nyesoaà moo äa gbeǐpòo Nyesoa Nɔ̀ tba mò mì Ɔɔ kɛn wɔɔn dɛ ji klee mì Ɔɔ jebo siǐn Nyebajlo Tentǎn Jǔ jě plě mì tèǒ Ɔ mi mòo je boɔba wɔ̌n.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 7:52

A wɔ̀le je ba sà kɛě Nyesoaa wnɔsàɔpoo nyuu doo nynɛ̌ ɔ̈ kɔn tè aa gbeǐpò seaa mɔ̀ tè le? U dedbǎe nyopòǒ le ü tmɔɔ̌a nuu seela tǐ jleě ɛ̈ kwɛɛǒo Nyesoaa Jebo Siǐn Nyu Ɔ̈ mia lěe diba Ɔɔ tè jleě mǒ bo. È tà Ɔmo Nyuǒ Ɔ diěe, a mu ǎ sàě Ɔ bo demǒ ǎ poo Ɔ mnùngma.

Jùsuu Tuposà Kpa Nyoo Nunu Noǎa Chněedɛ̌ U Dɛɛ Ǎkè 8:32

È tè ɔ slèaa klě chněedɛ̌ǒ wlòmo nìà i je, “U miǎ Ɔ dbǎba kpaba keà u nu wiěn blablɛ̌ǒ, kɛɛ Ɔ miǎ kpee numa wòje keà blajǔ bɛ̌ nu nyu wùɛ bɔ̌ ke ɔɔ pìnpni chlě, dɛɛ doǒ nɛ̀ Ɔ miǎ numa Ɔ seǎ Ɔɔ wun je knama mu.

Hiblǔ 10:38

Ně jebo siǐn nyopò mi kmɔ̌ sie fònfno kɔnma keǒ uu tè wlò popoɛ u kɔnʼɔ klěě mǒ ɛɛ tè mɔ̀, kɛɛ bǔ muu de, Ně plɔ se u kɛn blooba mu.” (Hab 2.3-4)

Jìmǐse 2:6

Kɛɛ a sɛ̀ɛǒ sònwɛ nyoo tè le. Sɔ̌noka, ɛ se kɛ pònpan nyo uǔ chean a le plě uǔ kpaě a tè tù nyo mɔ̀ le?

Jìmǐse 4:2

A jlɛ̌ dɛ, kɛɛ aǎ jě ɛ, ii tè a pe mnùngma ɛɛ tè. È a pɛ̀ɛn le ba kɔɔn nɛ, kɛɛ ɛɛ̌ beě a kwete mǒ, ii tè ǎ chɛ̀ ǎ wɛ̀n ɛɛ tè. Dɛ kɔn tè aǎ jě imoo noǎǒ nɛ̀ moo aǎ gbà Nyesoa wan ii tè.

1 Pitɛ̌ 4:18

Kě Nyesoaa win dɛ̌ i je, “Bɛ̌ nu bɛ̌ moo wan jakǎ dɛ keǒ jebo sìǐn nyo bu kɔn wowa dɛ, è mɛ miǎaǎ kɛ tùɔn kpaba keǒ se Nyesoa ji nyo klee kpni kukwǐ nyo tùu mɔ̀?” (Prov 11.31)