Jìmǐse 5:5 - Nyesoaa Kuo Win Jajle

⁵ A kwɛn plɔɔ bloblɛ ǎ sìɛn aa doo tè dlǒ mɔ̀le, dɛǒ nɛ̀ kɔn tè plɔɔ tu kɛn bo maěaǒ Nyesoa miǎ lěe jaba keǒ blilǐ tù chnɛ̀ jlǒ waě mɔ̀ ɛ blɛɛ a je.

Jìmǐse 5:5 ပူးပေါင်းရင်းမြစ်များ

Lǔkù 16:19

È winʼà nì Jùsu boɛa klě Fɛlesǐi wǎn mɔ̀ Ɔ je, “Ɛ kɔna pònpan jbɛju tɔ̀ɔ ɔ̈ peaa jǐlenmɔ wlawlěà pee wlě fòfoa měne ɔ̈ kwɛnʼaa kàan noǎa plɔ bloblɛ chnɛ̀ jlǒ waě wùɛ mɔ̀.

Lǔkù 16:25

Kɛɛ kě Eblɛ̌hɛ̀mo dɛ̌a ɔ je ɔ je, ‘Ně jǔ, bi beěè wlòmo tǐǒ jleě nea lěe kmɔ̌ǒ mɔ̀ jèa kàan noǎ wùɛ, è Làesɔ̌ jěa tǐ jakě, kɛɛ klě tǐà wlòmo ɔɔ wlò wlòmo ble tù tǐà, è jě blèe sònwɛǒ klě tàě.

Wlǔmɔ 13:13

A nɛ bä na bo tùtuɛɛ ka wòje keà nyopò ü nɛɛ chnɛ̀ měne. Aǎ pee nyno wǎn kɛn, nmɔ bɛɛ̌ ni amo. Aǎ ne gblà kmɔ̌, aǎ ne kpni kpɔnǐ kmɔ̌. È aǎ chɛtlǐi li plě aǎ ninii chea mɔ̀le,

1 Timɛtě 5:6

Kɛɛ koti nynɔà nee kmɔ̌ sosǒ keǒ bɔ̈ bloo ɔɔ chɛ̀ɛ plɔ, kàan tè ɔɔ chɛ̀ neě jè kmɔ̌, kɛɛ ɔɔ Nyesoa dɛɛ kmɔ̌ neneɛ kǒ lo.

2 Timɛtě 3:4

U miǎě nyopò tùu be deměne sàba, u miǎ bobo kmɔ̌ le nu klee u miǎě uu chɛ̀ le jaě le chɔɔ. U miǎ kmɔ̌ɔ plɔɔ bloblɛ mǒ noɛɛma, u seǎ Nyesoa mǒ noɛɛma mu.

2 Pitɛ̌ 2:13

Nyesoa mi u dɛ kukǔ snǒ sàeba keǒ uu dɛ kukǔǒ u nii mɔ̀. Uu dlǒ le sìɛnsiɛn u kɔnʼɔ keǒ bu nuu plɔɔ bloo dɛ nɛ̀ moo bu nu dɛ wùɛ u jlɛ̌ɛ keǒ klɔ̀ slè. È ke u ni uu chɛ̀ɛ plɔ blooa nɛ̀ moo keǒ u klee amo ba diiǒ tàa do dɛ, dɛǒ nɛ̀ kɔn mǒ u gbeeě a mǒ. Uu kmɔ̌ǒ neě uu ja ɛ ne tònwe plě ɛ̌ moo kǔ kɛn sà kmɔ̌.

Chněedɛ̌ Jùǔ Chleěaa Tentǎn Jǔu Wǎn Mɔ̀ 1:12

Nyopòǒ u wǒ je dɛà paa mnǒ ɛ̈ mǎǒo tà bo klě amo Tentǎn Jǔu wǎnʼa mɔ̀ betee dɛ dila mǒ, uu dɛ kukǔu tònwe ně nu nu, u tùi uu chɛ̀ jǐ mɔ̀ sosǒ. U se dɛ mǒ ne wòje nukpě ï fèflɛ pee kwa le nǔ ně sɔn lěe wlòmo. U wǒ je tià ii tǐ bǐ nyniǒo keǒ bï too iǐ too bui plě ǔ wǒ je tià u sàa wlò ï kǒo kpǎkpǎ.

Wlɛ̀velesɔ̌n 18:7

Keǒ ɔ nuu ɔ̌ nye ɔɔ chɛ̀ tè jǐ boaboǎ klee jǐlenmɔ noǎa plɔɔ bloblɛ, kě ba nu ɔ tǐ kɛn kpokpa klee dɛ wan le paea. Kě ɔ dɛ̌ klě ɔɔ chɛ̀ wlò jleě ɛ̈ moo, ‘Mǒà Ě moo bɔ̀nynɔ, Ě se tògba nynɔ plě Ě seǎ sònwɛ chìn kpe!’